Nahum 1:14 - O Debleskro Lab 2024 (Sinte-Manouche)

¹⁴ Ap i menshende an o them Assour penell o baro Devel: Kek čave venn t'men, kay t'mare familyengre laba doureder hidjrenn. Dran i khera t'mare deblendar vitsrau i tsele figure vin. Me krau t'menge i grufta, t'maro djipen his čičeske.

O Debleskro Drom 2021 (Sinte)

¹⁴ Ap i menshende an o them Assur penell o baro Dewel: Kek tchawe wenn tumen, kai tumare familjengre laba dureder hidjrenn. Dran i khera tumare deblendar witsrau i tsele figure win. Me krau tumenge i grufta, tumaro djipen his tchitcheske.

Nahum 1:14 Iomraidhean Croise

2. Rajengro liil 19:37

Oun har lo an-mangas an o kheer leskro deblestar, o Nisrok, dan les leskre čave, o Adrammelek oun o Sharezer, moulo o rhareha. Oun yon nashan penge krik an o them Ararat. Oun leskro čavo Asarhaddon vas baro ray pal leste.

2. Familjakro liil 32:21

Kote bičras o baro Devel i bolepaskres. Kova maras i tsele lourden, ninna lengre pralstunen oun bare lourden ap i lourdengri platsa o baro rayestar dran o them Assour. Oun i ladjatar djas lo pale an peskro them. Har yob an o kheer leskro deblestar vas, maran les leskre čave o rhareha.

Hiob 18:17

Kek ap i tseli phoub djinell gomme, koon yob his. Pash hakeneste vell lo bistedo.

Debleskri gili 109:13

Kre, te merenn kolla vin, kay pal leste venna. Leskre čavengre čaven venn kek čave bouder, yaake te vell lengro lab bistedo.

Debleskri gili 71:3

Ab mange har i baro zorelo bar, pash koleste nay nashau oun man khatrau! Tou dal tiro lab, te vess ap miri rig. Tou hal mange har i baro zorelo kheer ap i barreskri berga, kay nay khatrau man.

2. Mose 12:12

Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

Gosewe laba 10:7

Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

Jesaja 19:1

Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Jesaja 33:13

T'mer, kay dour krik han, oun t'mer kay gar yaake dour han, shounenn, hoy me krom oun hayvenn havi zoor man hi!

Jeremia 50:2

Denn vin gole an i vavar themma! Halauter hounte shounenn! Hadenn t'mari themeskri plarhta pre! Hakeno te shounell kova! Rikrenn les gar pale! Penenn: O foro Babilon hi dren lino, Lengro devel Bel nay kras či, lengro devel Marduk hi khetne phagedo; lengre moule debla nay kran či, lengre figure hi pash kerdo!

Daniel 11:21

Oun pal koleste stell yek pre, kova hi gar an-diklo oun gar moldo, te vell lo baro ray. Oun pokones oun rhorhenes lell yob peske i rayeskri zoor.

Daniel 5:27

Tekel kharell ap i vaga čiddo. Tou val ap i vaga čiddo, oun hal gar phares doha.

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

Micha 5:13

Kol kashta, hoy i debletsa Ashera sikrenn, tserdau vin dran i phoub, oun t'mare forya krau paash.

Micha 5:14

Oun me dau an miri rholi dren an i tsele themma ap kay phoub, kay shounan gar ap mande.

Habakuk 2:10

An tiro dji his, te maress i menshen an boud themma. Kova hoy touke glan lal, anell i ladj pral tiro kheer, oun tou veh maredo.

1. Samuel 3:13

Yob djinas, har peskre čave savo koova kran, hoy ladj ap mande anas. Oun yob moukas len kova te krell. Doleske dau me leskro kheer peskri phagi, hoy ačella hako tsiro ap leste. Kova penom leske glan i tsiro.