Micha 7:8 - O Debleskro Lab 2024 (Sinte-Manouche)

⁸ Ma san pral mande, t'mer, kay kamenn man tele te rikrell! Ninna te vom ap i phoub vitsedo, stau me pale pre. Ninna te hom an i kali rat beshdo, hi o baro Devel miri momeli.

O Debleskro Drom 2021 (Sinte)

⁸ Ma san pral mande, tumer, kai kamenn man tele te rikrell! Ninna te wom ap i phub witsedo, stau me pale pre. Ninna te hom an i kali rat beshdo, hi o baro Dewel miri momeli.

Micha 7:8 Iomraidhean Croise

Hiob 31:29

Me vom gar barhtelo koy pral, har djas koleske djoungeles, kay mange čilačepen kamas. Vitar gar dom gole i barhtyatar, har vas i bibarht pral leste.

Debleskri gili 112:4

Ninna an i kali rat vell i momeli kolenge, kay o čačo drom djan, kolenge, kay hi lačo oun kamlo oun djan pal o čačepen.

Debleskri gili 143:3

Kova, kay mange čilačepen kamell, lell man palla, stakrell miro djipen an i phoub. Me hom har an i stilepen, kay kali rat hi, hom har kolla, kay meran glan i rah tsiro.

Debleskri gili 20:8

Vavar menshe patsenna ap i zoor pengre grayendar oun vourdya. Mer dah gole ap maro baro Debleste.

Debleskri gili 27:1

I gili o Davidestar. O baro Devel hi mange i momeli, oun yob hi kova, hoy man vin lella dran i vasta čilače menshendar. Kekestar hounte darap man. O baro Devel rikrell man an o djipen. Kekestar hounte trashap me.

Debleskri gili 35:19

Ma mouk, te sanenn kolla pral mande, kay kamenn mange čilačepen, ninna te krom me len či. Ma mouk len i yakentsa te dell pal mande!

Debleskri gili 37:21

O čilačo patsell peske love, oun playsrell gar pale. Kova, kay an o čačepen tardo hi, krell peskro dji pre oun della.

Debleskri gili 37:24

Ninna te perell lo, ačell lo gar čiddo, o baro Devel rikrell les ap peskro vast.

Debleskri gili 38:16

Čačepah, me čivau miro tselo patsepen ap toute, baro Devel, te rakress tou mantsa, mo ray oun mo Devel.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Debleskri gili 97:11

I momeli djal pre koleske, kay an o čačepen tardo hi. Oun barhtelo vell kova, kay o čačo drom djal.

Jesaja 2:5

T'mer menshe, kay venn pal o Yakob, avenn, te djas o drom, kay o baro Debleskri momeli men sikrell, har te djivas.

Jesaja 49:9

– te peness i pandlen: Djan vin; oun kolenge, kay an i kali rat hi: Avenn vin! Palle hi le har bakre, hoy rhapen hatsenn pash o drom. Oun ap o pralstouno them hatsenn le zenlepen.

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Jesaja 9:2

Baro Devel, tou kral, te venn i menshe boud, kral, te vell lengri barht bares. Glan toute stenn oun sanenn le i barhtyatar, yaake har an ko tsiro, kay lenn le o djob dren, oun yaake har lourde barhtelo hi, te lenn le pengro kotar kolestar, hoy randedo vas an o kourepen.

Jeremia 50:11

Ninna te han barhtelo oun sharenn t'men, kay randan miro them vin, oun stenn har o terne groumya an o zenlepen, oun denn gole har i zorele graya,

Jeremia 8:4

Ap mande penas lo: Pen ap lende: Kova penell o baro Devel: Te perell yek, stell yob sik pale pre. Te nashrell pes yek, rissrell yob sik pale trouyel.

Ezekiel 25:6

Kava penell o baro Devel, maro ray: T'mer hans čilačo ap o them Israel oun san, har dikan, har lenge djal, oun dan an i vasta oun stan i barhtyatar.

Ezekiel 35:15

Tou hals barhtelo, har vas o Israelengro them i moulo them. Doleske krau, te djal touke yaake har lenge djas. I berga Seir khetne o tselo them Edom vell i moulo them. Palle dikenn oun hayvenn i menshe, te hom me o baro Devel.

Ezekiel 36:5

Doleske penell o baro Devel, maro ray: Čačepah, an miri tati rholi rakrom me i phagi vin pral i menshende an o them Edom oun an i themma troul t'mende, kolla miro them penge lan, te randenn le les vin. Koy pashel san le pen moulo pral t'mende, te djas t'menge yaake, oun praasan t'men.

Amos 9:11

O baro Devel penell: Ap ko dives krau o Davideskro kheer neves, kova hoy kanna khetne peredo hi. Kote, kay lo paash hi, krau les tseles. Kote, kay barra vin phagedo hi, čivau len pale pre. Me krau les yaake har lo glan boud tsiro his.

Obadja 1:12

Tou, Edom, ma dik bouder tele ap tiro phraleste, o Youda, an ko tsiro, kay leske djoungeles djal! Ma sa bouder pral leskre čavende an ko tsiro, kay lenge ropaske hi! Ma rake yaake pre-phourdo an ko tsiro, kay yon darenna!

Micha 4:10

Ava, t'mer an o foro Sion, save douka venn pral t'mende. Oun t'mer denn bari gole, har i romni, kay lell i ternepen. T'mer hounte djan dran o foro, oun hounte rikrenn t'men vin ap o them pre, oun venn bis pash o foro Babilon anlo. Kote lell t'men o baro Devel pale vin. Yob lell t'men vin dran i vasta kolendar, kay rikran t'men tele.

Micha 7:10

Kolla, kay rikrenn man tele oun poučenn mandar kay hi tiro baro Devel, yon hounte dikenn kova, oun hounte ladjenn. Oun mire yaka dikenn, har le khetne stakedo venna, har čik ap i drom.

Zakarie 12:8

An ko tsiro rikrell o baro Devel peskre vasta pral i menshende an o foro Yerusalem. Oun i menshe kote sikrenn pen yaake zorelo, te hi i bango yaake zorelo har o David his. Oun i menshe dran o Davideskro kheer djan glan lende, har te djals o Debleskro bolepaskro glan lende.

Mateo 4:16

T'menge hi ko lab, hoy o Debleskro rakepaskro penas: T'mer djivenna an i rati, oun dikenna i bari momeli. Yaake har o kham pre djala, vella i momeli pash kolende, kay hi len traash o merepastar.

Johanni 16:20

Čačepah, me penau t'menge: Vell i tsiro, kay t'mer rovenna, oun denn i vasta pral o shero khetne. Oun i menshe, kay gar ap mande patsenna, hi barhtelo. Ninna te rovell t'maro dji ap ko dives, djinenn: T'maro ropen vell t'mendar krik lino, oun t'mer venna barhtelo.

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

2. Korintarja 4:9

Ninna te lenn le men palla, hi o Devel pash mende. Ninna te vitsrenn le men tele, stah pale pre.

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.