Micha 7:6 - O Debleskro Lab 2024 (Sinte-Manouche)

⁶ An ko tsiro dikell o čavo tele ap peskro dadeste, i čay shounell gar ap peskri date, oun o čaveskri romni krell gar, hoy lakro romeskri day penell. Oun i djoungleder menshe hi kolla, kay djivenn khetne touha an yek kheer.

O Debleskro Drom 2021 (Sinte)

⁶ An ko tsiro dikell o tchawo tele ap peskro dadeste, i tchai shunell gar ap peskri date, un o tchaweskri romni krell gar, hoi lakro romeskri dai penell. Un i djungleder menshe hi kolla, kai djiwenn khetne tuha an jek kheer.

Micha 7:6 Iomraidhean Croise

1. Mose 49:4

Divyo har i pani hals, pash yekate miri romyendar soval. Ap tiro dadeste i ladj anal. Doleske bouder gar ko pralstouno hal.

2. Samuel 16:11

Oun o David penas ap o Abishay oun ap leskre pralstoune boudepangre: “Miro čavo Absalom, kay mandar vas, kamell man moulo te dell, hoske gar ninna ko Benyaminari. Moukenn les te praasell! O baro Devel penas, kay nay krell yob kova.

Debleskri gili 41:9

“I bibarht hi ap leste”, penenn le. “Koon yaake čiddo hi, stell bouder gar pre.”

Gosewe laba 30:11

Hi menshe koy, kay rakrenn pral pengro dad bibarht vin, oun penenn kek lačo lab pral pengri date.

Gosewe laba 30:17

Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

Jesaja 3:5

Oun an o them djal hakeno ap o vavareste oun dell les pral o kand: o terno o phoures, o či-moldo o an-dikles.

Jesaja 9:19

Oun lengri bok hi yaake baro, te taprenn le pal rhapen ap hake rigya, oun rhan hako tikno kotar, oun venn gar čalo. Hakeno krell o djipen o vavarestar paash.

Jeremia 12:6

Ninna tire phrala oun i menshe dran tiro dadeskro kheer moukan tout te perell, oun dan čilačes gole pal toute har kol vavar. Dik tout glan lendar, ninna te rakrenn yon kamlo touha.

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 9:4

Yon lauter rhorhenn pengre malen. Oun kek rakrell laba, hoy čačo hi. Yon penan pengre čipya, te rakrenn le rhorhepen. Pale te pale krenn le čilačepen ap i vavarende,

Ezekiel 22:7

Kolla, kay an Yerusalem djivenn, dikenn tele ap pengro dadeste oun ap pengri date, oun rhorhenn i vi-themaryen, kay pash lende djivenn. Oun kol djouvyen, kolengro rom meras, oun kol čaven, kolengro dad meras, kolen rikrenn le zoryah tele.

Obadja 1:7

Tire tsele mala tradenn tout dran tiro them vin! Kolen tou patsal, yon rhorhenn tout, oun perenn touke an o doumo. Kolla, kay tiro maro rhan, phoukrenn ap toute, oun tou hayveh les gar.

Mateo 10:21

Ap ko tsiro dell i phraal peskro phrales an lengre vasta, te vell lo maredo. Oun o dad dell o čaves an lengre vasta, te vell yob maredo. Oun i čave hi midjak ap pengre dadende oun pengre dayende, oun denn len an i vasta kolendar, kay marenn len.

Mateo 26:23

Penas lo ap lende: “Ko morsh, kay čivell o maro mantsa an yek čaro, kava phoukrell ap mande.

Louka 12:53

O dad vell rhoyedo ap peskro čaveste. Oun o čavo vell rhoyedo ap peskro dadeste. I day vell rhoyedo ap peskri čate. Oun i čay vell rhoyedo ap peskri date. O romeskri day vell rhoyedo ap o čaveskri romyate. Oun o čaveskri romni vell rhoyedo ap o romeskri date.”

Louka 21:16

Oun t'maro dad oun t'mari day, t'mare phrala oun phenya, oun t'mare vavar menshe phoukrenn ap t'mende, ninna t'mare mala. Oun mank t'mende hi save, kay venn maredo.

Johanni 13:18

Kova penau me gar t'mendar halauterendar. Me djinau, kones me vin rodom. Kova hounte vell yaake, har an o Debleskro lab tardo hi: Kova, kay rhal kanna o maro mantsa, dell i ladini ap mande.