Micha 7:4 - O Debleskro Lab 2024 (Sinte-Manouche)

⁴ I feteder oun lačeder lendar denn čourye har soubyengre bourra. O dives vell sik, kay t'mari phagi vell, ko dives, koles kolla glan-vi dikan, kay dan t'men trad. An ko tsiro vell i daar pral t'mende, te djinenn bouder gar, hoy te krenn.

O Debleskro Drom 2021 (Sinte)

⁴ I feteder un latcheder lendar denn tchurje har subjengre burra. O diwes well sik, kai tumari phagi well, ko diwes, koles kolla glan-wi dikan, kai dan tumen trad. An ko tsiro well i daar pral tumende, te djinenn buder gar, hoi te krenn.

Micha 7:4 Iomraidhean Croise

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 22:5

O baro Devel, o ray pral o bolepen oun i phoub, rodas i dives vin, kay an i dikepaskri tala boud menshe bares gole denn, kay lourde lauter khetne stakrenn, oun i menshe narvelo i daryatar venn. I massourya venn tele phagedo. Oun i gole djal pre ap i berga.

Jesaja 55:13

Kote, kay soubyengre bourra oun soubyengro zenlepen bares van, djan kanna bare zenele rouka pre. Doleske vell o baro Debleskro lab sharedo. Oun kova hi ninna i sikepen, te bistrell kek, te his o baro Devel kova, kay sau koova kras.

Jeremia 10:15

Yon molenn či, oun hi sapaske. An ko tsiro, kay rakrell o baro Devel o čačepen vin, hounte djan yon tele.

Jeremia 11:23

An ko bersh, kay dau i menshende an Anatot i phagi, oun anau i bibarht pral lende, ačell kek lendar djido.

Jeremia 46:21

Ninna i lourde, kay playsedo venna an kava them, hi har terne thoulle groumya. Yon nashenn penge oun kourenn pen gar ap ko čilačo dives, kay vell i bibarht pral lende, oun yon pengri phagi lenna.

Jeremia 8:12

Yon hounte ladjans koleske hoy yon kran, koveha man rhoyran. Kova krenn le gar. Yon ladjenn gar. Hoy ladj hi, djinenn le gar. Doleske venn yon maredo khetne kol vavarentsa. Te vau me, oun dau len i phagi, hounte perenn le, penell o baro Devel.

Ezekiel 2:6

Oun tou mensho, tou daress gar lendar, vitar gar lengre labendar, hoy yon rakrenna. Tou djiveh mank lende har mank skorpione. Yon hi har soubyengre bourra troul toute. Ma mouk len touke daar te krell! Ma traash kolestar, hoy kolla rakrenna, kay moukenn pen či te penell!

Ezekiel 28:24

I themma troul o them Israel dikenn kanna gomme tele ap o Israel oun doukrenn les. Yon hi i Israelenge har i soubya i soubyengre bourrendar. I tsiro vell, kay hi kova bouder gar yaake. Palle dikenn i menshe, te hom me, o baro Devel, lengro ray.

Amos 8:2

Oun yob poučas mandar: “Hoy dikeh, Amos?” Me penom: “I korba, kay roukengre dren hi, kolenge o tsiro vas, te venn le tele činlo i roukendar.” Koy penas o baro Devel: Yaake vas mire menshenge Israel o tsiro, te venn le tele činlo. Yon khaytenn man bouder gar.

Nahum 1:10

T'mer han či har soubyengre kashta, hoy či-moldo hi, oun hoy an i yag vitsedo venn, oun pre-rhačenn har trouk phouss, te ačell či lendar pral.

Louka 21:25

“Ap o kham oun ap o moonto oun ap i bolepangre momlia dikenn t'mer baro koova. Pral i menshende an boud themma vell i bari traash, te dikenn le, har vell o baro pani divyo oun hadell pes pral oun dell bari gole.

Hebrearja 6:8

Yob dikell gar lačes ap koleste, te hi lo har koy vavar phoub, hoy anell soubyengre bourra, oun vavar djoungele bourra vin. Koy phoub hi či moldo, oun pal i tsiro vell li rhačedo.