Micha 7:3 - O Debleskro Lab 2024 (Sinte-Manouche)

³ Lengre vasta hi sik, te krenn le čilačo koova. I pralstoune oun čačepangre raya denn kolen o čačepen, kay denn len love. Kol zorele an o them krenn, hoy le kamenn, rhorhenn oun rissrenn o čačepen trouyel.

O Debleskro Drom 2021 (Sinte)

³ Lengre wasta hi sik, te krenn le tchilatcho koowa. I pralstune un tchatchepangre raja denn kolen o tchatchepen, kai denn len lowe. Kol sorele an o them krenn, hoi le kamenn, chochenn un rissrenn o tchatchepen trujel.

Micha 7:3 Iomraidhean Croise

Gosewe laba 16:30

Kova kay i yakentsa dell oun peskro mouy khetne tserdell, koles hi čilačepen an o shero.

Gosewe laba 17:23

O čilačo kamell i love, hoy leske čorrhanes dino vell, te rissrell lo o čačepen trouyel.

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Jesaja 3:5

Oun an o them djal hakeno ap o vavareste oun dell les pral o kand: o terno o phoures, o či-moldo o an-dikles.

Jesaja 32:7

O rhorheno djal rhorhene dromma. Čilačo koova lell lo peske glan, oun leskro rhorhepah anell lo doosh ap i čorvelende, ninna te hi kolla an o čačepen.

Jesaja 5:23

Djungeles djal kolenge, kay i lovenge koles an o čačepen čivenn, kay doosh ap peste anas, oun kolenge lengro čačepen krik lenn, kay an o čačepen tardo hi.

Jeremia 3:5

Kameh tou hako tsiro rhoyedo ačell oun čilačes ap mande te dikell? Yaake rakreh oun kreh čilačepen, oun moukeh touke či te penell.

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Jeremia 8:10

Lengre djouvyen dau vavar morshende. Oun lengre kotya them dau kolende, kay tradan len krik. Halauter, tikne oun bare, rhorhenna, te venn le bravelo. Ninna i Debleskre rakepangre oun rashaya rhorhenn i menshen,

Ezekiel 22:12

Hi save mank t'mende, kay moukan pen te playsrell, te marenn le yekes. Kolen, kay siyaan pash t'mende hi, kolendar lenn t'mer boudeder love pale, har patsan lenge. T'mer krenn t'men braveles ap i vavarende, kolen t'mer rhorhenn oun ap lende zoryah djan. Oun man, o baro Debles, t'maro rayes, bistran t'mer.

Ezekiel 22:27

Tire pralstoune hi har divye djoukle, kay marenn, oun hi boklo pal rat. Yon marenn menshen, te lenn le lengro koova penge.

Ezekiel 22:6

I pralstoune pral Israel, kay djivenn an t'maro foro, krenn har te vals len yaake boud penepaske, te nay marenn le menshen.

Ezekiel 34:21

T'mer zorele, t'mer dan i spildini kolenge, kay len kek zoor hi, oun dan t'mare shingentsa an lende dren, yaake rah bis te tradan len vin t'mendar.

Ezekiel 9:9

Oun yob penas ap mande: I doosh, hoy i menshe dran o kheer Israel oun dran o kheer Youda ap pende anan, hi yaake boud. Boud marepen hi an o them. Oun an o foro rikrenn i zorele i vavaren zoryah tele. Oun yon penenn: “O baro Devel djas peske dran kava them. Yob dikell men gar!”

Hosea 4:18

Yon piyenn pen mates, oun palle loubrenn le trouyel. Yon nashenn vi-ladjedo koova palla, oun ladjenn pen gar.

Hosea 7:3

Pengro čilačepah krenn le o baro rayes barhtelo, oun pengro rhorhepah i pralstunen.

Amos 5:12

Me djinau ko boud čilačo koova, hoy kran t'mer. Oun dikau, har baro t'mari doosh hi. T'mer rikrenn t'men gar pale, lače menshen palla te lell, oun moukenn t'men te ginell. Kek čačepen denn t'mer i čorvelen.

Micha 2:8

T'mer hadenn pen pral mire menshende! Te djal yek kek daryah ap o drom, tserdenn t'mer leske i baya oun o gad tele, har lourde, kay venn dran o kourepen.

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

Micha 3:2

O lačepen kamenn t'mer gar! O čilačepen, kova kamenn te krell. Mire menshentsa djan t'mer trouyel, har te vans le marede firhe, kolenge i hauta tele tserdedo vell, oun o mass tele činlo foun lengre kokale, oun i kokale phagedo, oun palle o mass an i piri činlo oun keredo. Yaake rhan t'mer mire menshen.

Mateo 26:15

oun poučas lendar: “Kitse love denn man t'mer, te dau les an t'mare vasta?” Oun yon dan les triyanda roupene beme.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.