Micha 7:2 - O Debleskro Lab 2024 (Sinte-Manouche)

² Kek, kay o Debleskro drom djal, hi bouder an kava them. Kek dell mank i menshende, kay an o čačepen tardo hi. Yek rodell, har te marell lo o vavares. Oun hakeno lell o vavares palla, te taprell lo les.

O Debleskro Drom 2021 (Sinte)

² Kek, kai o Debleskro drom djal, hi buder an kau them. Kek dell mank i menshende, kai an o tchatchepen tardo hi. Jek rodell, har te marell lo o wawares. Un hakeno lell o wawares palla, te taprell lo les.

Micha 7:2 Iomraidhean Croise

Debleskri gili 10:9

Čorrhanes khatedo har i levo an i bourra, yaake lourell yob ap o čorveleste, oun taprell les an peskri netsa oun tserdell les krik.

Debleskri gili 12:1

I gili o Davidestar te givess lat pash o bashepen ap i orhta-doryengri bashepaskri.

Debleskri gili 12:2

Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

Debleskri gili 57:6

Sike tiro barepen, hoy bareder hi har o bolepen, miro Devel! Tiro raylepen mou vell pral i tseli phoub!

Gosewe laba 1:11

Yon nay penans: “Am mentsa! Mer lourah yekes pre oun marah les. Mer nay hatsams saven, kay kek čilačepen an lengro shero hi. Kolen lah palla, te vell men čomone sapaske.

Gosewe laba 12:6

I čilačengre laba kamenn yekes an o merepen te anell. O rakepen kolendar, kay o čačo drom djan, lell len dran o merepen vin.

Jesaja 3:5

Oun an o them djal hakeno ap o vavareste oun dell les pral o kand: o terno o phoures, o či-moldo o an-dikles.

Jesaja 57:1

O baro Devel penell: Kova, kay an o čačepen tardo his, meras. Oun kek lell kova an peskro dji. Oun kolla, kay rikran ap mande, nashran pengro djipen. Oun halauter krenna, har te vals kova gar lengro koova. Čačepah, ko čačo mensho vas vin lino dran o tselo čilačepen oun bibarht.

Jesaja 59:7

T'mare herya nashenna pal o čilačepen, oun hi sik, te moukenn le kolen te ratell, kay kek čilačepen kran. Kova, hoy moukenn t'menge an o shero te djal, hi har nay rhorhenn oun doukrenn i vavaren. Ap t'mare dromma ačell phagedo djipen pale.

Jesaja 9:19

Oun lengri bok hi yaake baro, te taprenn le pal rhapen ap hake rigya, oun rhan hako tikno kotar, oun venn gar čalo. Hakeno krell o djipen o vavarestar paash.

Jeremia 16:16

Me kamau boud mačepangren vin bičrell. Kolla hounte mačrenn len. Pal kova bičrau boud yegaryen vin, te taprenn yon len, kay yon ninna hi: ap haki bari oun tikni berga, oun mank kol bare barra, kay khatran le pen.

Jeremia 5:16

Lengre fayle anenn o merepen. Yon hi halauter čače morsha, kay hayvenn pen te kourell.

Jeremia 5:26

O baro Devel penella: Mashkral mire menshende hi čilače menshe, kay lourenn ap vavarende, te taprenn le len, har kolla, kay tapenn i čirklen dren,

Jeremia 8:6

Me dikau oun shounau, kay rakrenn yon gar o čačepen. Koy hi kek, kay khaytell les havo čilačepen yob kras. Kek poučella: Hoy krom me? Hakeno nashella doureder ap peskro drom, har i gray an o kourepen.

Ropaskre gilja 4:18

Yon lan men palla, te nay nasham bouder gar ap mare dromma. Mentsa hi trouyel. Mer ham nashedo. Maro djipen hi trouyel.

Ezekiel 22:12

Hi save mank t'mende, kay moukan pen te playsrell, te marenn le yekes. Kolen, kay siyaan pash t'mende hi, kolendar lenn t'mer boudeder love pale, har patsan lenge. T'mer krenn t'men braveles ap i vavarende, kolen t'mer rhorhenn oun ap lende zoryah djan. Oun man, o baro Debles, t'maro rayes, bistran t'mer.

Ezekiel 24:6

Kava penell o baro Devel, maro ray: Havi bibarht vell ap o foro, hoy yaake boud rateskri doosh ap peste las! Ko foro hi har i piri, hoy gar djoudjo kerdo vas, oun kolakro čik gar tele djal. Le yek kotar mass pal o vavar vin dran late! Mouk či an i piri dren!

Hosea 5:1

T'mer rashaya, shounenn kova! Oun denn garda, t'mer dran o kheer Israel! Ninna t'mer dran o baro rayeskro kheer, shounenn kal laba! T'mer hounte dans yak, te vell o čačepen kerdo. Oun t'mer anan i menshen yaake dour, te mangenn le rhorhene deblen an. Lenge van t'mer har pandle dorya, hoy yek vin čivas an o foro Mispa, oun har i netsa, koleha yek čirklen taprell ap i berga Tabor.

Hosea 6:9

Oun i rashaya krenn pen khetne har čorepangre, kay lourenn an o khatepen, te vell yek, koles nay le vin randenn. Ap o drom an o foro Sichem marenn le. Savo čilačo koova krenn le!

Micha 2:8

T'mer hadenn pen pral mire menshende! Te djal yek kek daryah ap o drom, tserdenn t'mer leske i baya oun o gad tele, har lourde, kay venn dran o kourepen.

Micha 3:10

T'mer krenn o Debleskro foro Yerusalem shoukar oun baro kol loventsa, hoy anan khetne marepah oun rhorhepah.

Micha 3:2

O lačepen kamenn t'mer gar! O čilačepen, kova kamenn te krell. Mire menshentsa djan t'mer trouyel, har te vans le marede firhe, kolenge i hauta tele tserdedo vell, oun o mass tele činlo foun lengre kokale, oun i kokale phagedo, oun palle o mass an i piri činlo oun keredo. Yaake rhan t'mer mire menshen.

Zakarie 11:6

O baro Devel penell: “Kanna khaytenn man bouder gar i menshe an kava them. Me moukau i menshen te perell yek an o vast o vavarestar, oun dau len ninna lengre pralstunenge an i vasta. Kolla denn o them paash, oun me lau len gar vin dran lengre vasta.”

Bičepangre 24:9

Ninna i vavar bibolde rakran yaake, oun penan, kay kova lauter yaake hi, har o Tertulo penas.

1. Samuel 24:11

Kava dives nay dikeh tire yakentsa, te das tout o baro Devel an mire vasta, har hals tou an koy grotta. Oun mange penan le, te dap tout moulo. Oun me krom tout či. Me penom mange: Me kamau gar miro vast ap miro rayeste te čivell, koles o baro Devel vin rodas, te vell lo baro ray.

1. Samuel 26:20

Ma mouk, te merap dour krik o baro Deblestar! Hoske djal o baro ray pral o Israel vin, te marell lo i poushoum har me? Hoske tradell lo man har yek i divyi karhni palla lell ap i berge?”