Micha 6:5 - O Debleskro Lab 2024 (Sinte-Manouche)

⁵ T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

O Debleskro Drom 2021 (Sinte)

⁵ Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

Micha 6:5 Iomraidhean Croise

Debleskri gili 111:4

Yob moukell men gar te bistrell, hoy lo an peskri bari zoor kras. Lačo oun kamlo hi lo.

Debleskri gili 143:11

Baro Devel, rike tire vasta pral miro djipen yaake har penal. Tou hal an o čačepen tardo. Doleske le man vin dran i bibarht!

Debleskri gili 36:10

Tou hal o djido pani, hoy nevo djipen della. Tou hal i momeli maro djipaske.

Debleskri gili 71:19

Miro Devel, tiro čačepen djal bis pash o bolepen. Tou, kay kreh baro koova, koon hi yaake har tou, miro Devel?

Jesaja 1:27

T'mer menshe an Sion, te djivenn pale pal o čačepen, oun djan pale ap o Debleskro drom, playsrom t'menge, te venn vin lino dran o pandepen.

4. Mose 22:41

Oun taysarlakro las o Balak o Bileames peha, oun anas les pral ap i berga Bamot-Baal, te dikell yob kotar ap kol tsele menshende Israel.

4. Mose 23:27

O Balak penas ap leste: “Am kay! Me kamau tout ap i vavar platsa te anell. Nay vell yaake, kay hi kova mishto glan o Debleskre yaka, kay tou kote pral lende i bibarht vin rakreh.”

4. Mose 25:1

Oun i Israelitaryen his pengre plarhtene khera pash o foro Shittim. Kote moukan pen i morsha dren kol čentsa dran o them Moab.

4. Mose 25:2

Kolla kaman, te venn i Israelitarya lentsa, te anenn yon firhen pengre deblenge. Oun i Israelitarya van lentsa oun rhan ko massestar oun mangan kolengre deblen an.

4. Mose 31:16

Ma bistrenn, te his kol djouvya, kay kran, hoy o Bileam lenge penas, oun tserdan i Israelitaryen o baro Deblestar krik, yaake te nashan le o rhorheno debles Baal-Peor palla. Doleske vas ko baro nasslepen ap o Debleskre menshende.

4. Mose 31:8

Ninna maran le kol panč bare rayen pral i Midianarya. Yon kharan Evi, Rekem, Sur, Hour, oun Reba. Ninna dan le o Bileames o rhareha moulo, koleskro dad o Beor his.

4. Mose 33:49

Kote an o telstouno them Moab čivan i Israelitarya pengre plarhtene khera pre pash o pani Yordan, mank Bet-Yeshimot oun Abel-Shittim.

Efesarja 2:11

Ma bistrenn, koon t'mer hans, har boldo van! T'mer hans kek bibolde. Oun i bibolde penan Bi-činle ap t'mende. I bibolde van ap pengro mass činlo, oun kova han t'mer gar.

5. Mose 16:3

Te rhan t'mer ko rhapen, ma rhan maro koy pashel, kay shoutlo yarro dren hi. Har djan t'menge dran o them Egiptia vin, hounte rhan efta divessa maro, an koleste kek shoutlo yarro dren his, yaake sik hounte nashenn t'menge. Kanna rhan ninna efta divessa maro, kay kek shoutlo yarro dren hi, te bistrenn gar ko dives, kay djan dran o them Egiptia vin, kay anan le yaake boud douka ap t'mende. Doleske kharah mer kava maro doukengro maro.

5. Mose 23:6

T'maro baro Devel kamas gar ap o Bileam te shounell. Yob kamas t'men o djiyestar. Doleske kras lo, te rakras o Bileam i barht pral t'mende vin, oun kek bibarht.

5. Mose 8:18

Doleske ma bistrenn t'maro baro Debles! Yob hi kova, kay tout i zoor das, te nay lenn t'menge bravlepen khetne. Oun yaake rikrell yob kova, hoy lo t'mare phourentsa vin kras. Ninna kava dives rikrell lo pes ap kova.

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?

5. Mose 9:7

Ma bistrenn, har rhoyran t'maro baro Debles an o moulo them, Ko divesseha har djan t'mer vin dran o them Egiptia bis te van kate, kay kanna han, kaman gar ap leste te shounell.

Josua 2:1

Oun har yon ap i platsa Shittim his, bičras o Yosua, koleskro dad o Noun hi, čorrhanes douy morshen vin oun penas ap lende: “Djan oun dikenn, har zorelo o them hi, ninna o foro Yericho!” Koy djan le oun van an i kheer, kay i loubni djivas. Koya kharas Rahab. Oun yon djan dren, te ačenn le kote pral i rat.

Josua 3:1

Oun o vavar dives stas o Yosua oun i tsele Israelitarya sik pre, moukan i platsa Shittim pal pende, djan doureder oun van pash o pani Yordan. Kote ačan le i tikno tsiro, bis te nay djan le vergel.

Josua 4:19

Kova his o deshto dives an o glanstouno čon, har i Israelitarya ap i vavar rig o panyestar Yordan van. Oun yon čivan pengre plarhtene khera pre ap i platsa, hoy kharella Gilgal. Kay platsa hi pash o foro Yericho ap koy rig, kay o kham pre djala.

2. Petro 2:15

O čačo drom moukan le, oun nashran pen. Yon djan ap ko čilačo drom, kay djas ninna o Bileam, – leskro dad hi o Beor. O Bileam kamas i čilačo koova te krell, te lell lo love.

1. Johanni 1:9

Mer te mangah men tele glan o Debleste, oun penah leske, havi doosh mer ap mende lam, palle krell lo, hoy yob penas oun lell i doosh mendar krik. Yob hi lačo oun čačo oun thovell o tselo čilačepen mendar tele.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.

Debleskro tsiro 2:14

I tikno koova pash t'mende hi gar mishto. Mashkral t'mende hi save menshe, kay djan ap ko drom, koles o Bileam glan i rah tsiro i menshende sikras. Yob sikras o baro rayeste pral o them Moab, – leskro lab his Balak, – har te anell lo nay i Israelitarya ap i čilačo drom. Yaake rhan i Israelitarya ko mass kol firhendar, hoy kol vavar menshe glan pengro debleste anan. Ninna djan le pash vavar djouvyende.

Čačepangre 11:25

Patseh čačepah, te hal zorleder har o Balak, koleskro dad o Sippor hi, ko ray pral o Moab? Moukas kova pes ap i čingepen dren i Israelentsa? Maras lo pes lentsa? Na-a!

Čačepangre 5:11

Shounenn, har bashrenn le pash o pani, kote kay denn le pengre firhen te piyell. Kote sharenn le ko baro koova, hoy o baro Devel kras, ava, o baro koova, hoy kras lo ap peskre menshende Israel, har djan le dran lengre forya.

1. Samuel 12:7

Kanna stakrenn glan, te krap o čačepen vin mank o baro Debleste oun t'mende; oun penap o tselo lačepen, hoy o baro Devel t'menge oun t'mare phourenge kras.