Micha 6:15 - O Debleskro Lab 2024 (Sinte-Manouche)

¹⁵ T'mer čivenn djob an i phoub, oun nay anenn kek nevo djob dren. T'mer krenn djet dran i djeteskre drake, oun nay makenn t'men gar leha dren. T'mer krenn mool, oun nay piyenn lat gar.

O Debleskro Drom 2021 (Sinte)

¹⁵ Tumer tchiwenn djob an i phub, un nai anenn kek newo djob dren. Tumer krenn djet dran i djeteskre drake, un nai makenn tumen gar leha dren. Tumer krenn mool, un nai pijenn lat gar.

Micha 6:15 Iomraidhean Croise

Hiob 31:8

palle kamau djob an i phoub te vitsrell, oun i vavar nay rhal kova, hoy kolestar bares vas. Oun kova, hoy mange dran i phoub vin vas, tserdenn palle i vavar dran i phoub vin.

Jeremia 12:13

Mire menshe čivan djob an i phoub, oun soubyengro zenlepen lan le khetne. Yon maran pen tele, oun lan či dran lengri phari boudi. Lauter his čičeske! His koy bari rholi o baro Deblestar, hoy kras lauter paash.

3. Mose 26:16

palle krau t'mentsa yaake: Bari bibarht anau pral t'mende, pharo nasslepen, hoy t'menge o djipen randell. T'mer rhačenn glan fibro, t'mare yaka nay dikenn bouder gar mishto, oun kek zoor ačell an t'mende. Čičeske vitsrenn djob vin an i phoub. Kolla, kay kourenn pen t'mentsa, rhan les pre.

3. Mose 26:20

T'mari phari boudi hi čičeske. Ap t'mari harhetikri phoub vell či bares. Oun i rouka an o them hidjrenn kek roukengre.

Amos 5:11

Kova krenn t'mer: I čorvelen rikrenn tele, oun lenn lendar boudeder djob har čačo hi. Doleske vell yaake: An kol shoukar neve khera, hoy t'menge kran, djivenn t'mer gar. Oun i mool kol neve drakengre roukendar, hoy an i phoub čivan, piyenn t'mer gar.

Habakuk 3:17

O faygetikro rouk hi gomme gar zenelo, oun ap i drakengre rouka hi kek drake. O djeteskro rouk hidjrell kek djeteskre drake. oun ap i harhetikri phoub vell kek djob baro. Kek bakre hi vin, oun kek groumya hi tarde an i stanya.

Zefanja 1:13

Lengro bravlepen vell randedo, oun lengre khera khetne dino. Yon krenn penge khera oun djivenn gar koy dren, oun čivenn drakengre rouka an i phoub, oun piyenn kek mool kolendar.

Haggai 1:6

T'mer boudrenna ap t'mari phoub, oun anenn gar boud dren. T'mer rhan oun venn gar čalo; t'mer piyenn oun t'mari troush ačella; t'mer rivenn t'men lačes an, oun t'menge vell gar tates. Oun kones love hi, kova čivell len an i possita, kay i rheb dren hi.

Johanni 4:37

Ko lab hi čačo: Yek vitsrell o tikno djob an i phoub. Oun i vavar anell ko djob dren.

Čačepangre 6:4

Yon anan pengre firhen oun plarhtene khera peha oun his yaake boud har i stepangre. Kek djinas, har boud yon oun lengre khamele hi, yaake boud his le. Oun yon beshan pen ap o Israeleskro them oun rhan lauter pre, hoy kote bares vas. An o tselo them bis pash o foro Gaza ačas kek rhapen pral, vitar kek bakre, groumya oun bourike. Yaake kran le o them paash.