Micha 6:11 - O Debleskro Lab 2024 (Sinte-Manouche)

¹¹ Lengri vaga oun kol barra koy pre sikrenn gar o čačo pharepen. Savo koova nay bistrau me gar.

O Debleskro Drom 2021 (Sinte)

¹¹ Lengri waga un kol barra koi pre sikrenn gar o tchatcho pharepen. Sawo koowa nai bistrau me gar.

Micha 6:11 Iomraidhean Croise

Gosewe laba 11:1

I vaga, hoy sikrell gar čačes, har pharo čomone hi, hi i djoungelo koova glan o baro Debleskre yaka. Yob hi barhtelo pral koleste, kay playsrell pal o čačo pharepen.

Gosewe laba 16:11

I vaga, hoy o čačo pharepen sikrell, vell o baro Deblestar. Yob penas, har pharo i saster hounte vell, hoy o pharepen sikrell.

Gosewe laba 20:10

I vaga, hoy gar čačes sikrella, har pharo čomone hi, oun i khoro, kay gar yaake boud dren hi, har penlo vas, kol douy hi i djoungelo koova glan o baro Debleskre yaka.

Ezekiel 45:10

T'men hounte vell i vaga, hoy o čačo pharepen sikrell. Oun t'mare pirya oun khore, hoy lenn t'mer, te dikenn, har boud čomone hi, kolla hounte venn o čačo barepen.

Hosea 12:7

T'mer Israelitarya, avenn pale pash t'maro Debleste! Krenn, hoy lačo oun čačo hi! Hako tsiro rikrenn t'men ap t'maro Debleste!

3. Mose 19:36

I vaga, hoy sikrell har pharo čomone hi, hounte sikrell kova an o čačepen. Ninna kol barra, hoy pre čivenn, hounte venn yaake pharo har čačo hi. Oun kol pirya, kolentsa t'mer palla dikenn, har boud čomone hi, kolla hounte venn yaake baro har čačo hi. Me, o baro Devel, hom t'maro Devel, kay t'men dran o them Egiptia vin anas.

Amos 8:5

T'mer penenn t'menge: Mou djal o Debleskro dives sik trouyel, ninna ko baro dives, hoy sikrell, kay o nevo čon vas! Palle nay krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, oun boudeder love har čačo hi, oun čivah save barra ap i vaga, te rhorhas mer i ginepangre.

Zakarie 5:8

Oun o bolepaskro penas: “Koya hi o čilačepen.” Oun yob das lake i ladini, te perell li pale an i korba, oun vitsras o saster pale ap i korba.

5. Mose 25:13

Te bikreh čomone, ma čip i tikneder bar ap i vaga, har te gineh čomone! Te gineh čomone, ma čip i bareder bar ap i vaga!