Micha 6:1 - O Debleskro Lab 2024 (Sinte-Manouche)

¹ Shounenn, hoy penell o baro Devel ap o Israel: Ste pre, oun an tiro koova glan! Oun mouk i bare oun tikne berge tiro rakepen te shounell!

O Debleskro Drom 2021 (Sinte)

¹ Shunenn, hoi penell o baro Dewel ap o Israel: Ste pre, un an tiro koowa glan! Un muk i bare un tikne berge tiro rakepen te shunell!

Micha 6:1 Iomraidhean Croise

Debleskri gili 50:1

I gili o Asafestar. O Devel rakrell, o baro oun zorelo Devel dell i menshen ap i tseli phoub gole, kotar, kay o kham pre djas bis kote, kay lo tele djal.

Debleskri gili 50:4

O Devel vell te rakrell lo o čačepen vin pral peskre menshende. Ap o bolepen oun i phoub dell yob gole:

Jesaja 1:2

Tou, o bolepen, oun tou, i phoub, shounenn, hoy me, o baro Devel, penau: Me tserdom čaven bares. Oun har yon baro van, phagan le mantsa.

Jesaja 3:13

Koy vell lo, o baro Devel, te penell lo, kones čačes hi an o čingepen. Yob hi koy tardo, te krell lo o čačepen vin pral peskre menshende.

Jeremia 13:15

O baro Devel rakras t'mentsa. Doleske krenn t'mare kanda pre, oun venn gar pre-phourdo!

Jeremia 22:29

T'mer menshe an kava them, shounenn! Shounenn mishto! Shounenn o baro Debleskro rakepen:

Ezekiel 36:1

Tou, mensho, rake ap i berge an Israel oun pen lenge, hoy lentsa djal, oun pen: T'mer berge Israel: Shounenn, hoy o baro Devel penell!

Ezekiel 36:8

T'mer berge Israel, ap t'mende venn pale rouka baro oun zenelo, oun hidjrenn roukengre mire menshenge Israel. Sik vell ko tsiro, kay venn le pale khere.

Ezekiel 37:4

Kote penas lo ap mande: Pen glan-vi, hoy kal kokalentsa djal! Pen ap lende: T'mer trouk kokale, shounenn, hoy o baro Devel penell!

Ezekiel 6:3

Pen lenge: T'mer berge Israel, shounenn hoy o baro Devel t'menge penell! O baro Devel, maro ray, penell ap i bare oun tikne berge, ap i panya oun ap i tale, kay kran pen i menshe platse, kay le pengre rhorhene deblen an-mangenn: Shounenn, me anau o kourepen pral t'mende, oun krau kol moulne platse paash.

Amos 3:1

Shounenn, t'mer Israelitarya, hoy o baro Devel pral t'mende rakras, pral o tselo kheer Israel peskre tsele familyentsa, kolen yob vin anas dran o them Egiptia:

Micha 1:2

Shounenn t'mer tsele themma! Denn yak, t'mer ap i tseli phoub! O baro Devel, maro ray an o bolepen, kamell t'mentsa te rakrell pral kova, hoy kran!

Micha 1:4

Tel leskre pire venn i berge tikno har i momeli, hoy tele rhačell, oun perenn tele an i tala, yaake har o pani i berga tele nashell.

Micha 6:2

Shounenn t'mer phoure berge, ap kolende i phoub tardo hi! Denn yak, hoy hounte penell o baro Devel peskre menshenge. Yob rakrell o čačepen vin pral peskre menshende, oun penell i Israelenge, kay kova, hoy le kran, gar mishto hi.

Louka 19:40

Penas o Yezous ap lende: “Me penau t'menge: Yon te rikrenn pengre mouya, palle denn i barra gole.”

5. Mose 32:1

Tou bolepen, shoun, hoy penau! Tou phoub, de yak ap i laba, hoy venna dran miro mouy!

5. Mose 4:26

Kava dives dau man sovel glan o bolepen oun i phoub, te krenn t'mer savo koova, djivenn gar rah an o them, hoy t'mer dren lenna vergel o pani Yordan. Kokres i tikno tsiro ačenn t'mer koy. Palle venn t'mer lauter krik tradedo.

1. Samuel 12:7

Kanna stakrenn glan, te krap o čačepen vin mank o baro Debleste oun t'mende; oun penap o tselo lačepen, hoy o baro Devel t'menge oun t'mare phourenge kras.

1. Samuel 15:16

“Ač, rike tiro mouy!” penas o Samuel. “Me penau touke, hoy o baro Devel mange kay rat penas.” “Rake”, penas o Saul.