Micha 5:5 - O Debleskro Lab 2024 (Sinte-Manouche)

⁵ Pengre rharentsa lenn le o them Assour dren – ko them o morshestar Nimrod – oun venn i raya pral lende. Te phagenn i lourde dran o them Assour an maro them dren, oun kamenn les dren te lell, palle lell men maro nevo ray dran lengre vasta vin.

O Debleskro Drom 2021 (Sinte)

⁵ Pengre charentsa lenn le o them Assur dren – ko them o murshestar Nimrod – un wenn i raja pral lende. Te phagenn i lurde dran o them Assur an maro them dren, un kamenn les dren te lell, palle lell men maro newo rai dran lengre wasta win.

Micha 5:5 Iomraidhean Croise

Hiob 5:19

Hako kopo, kay perell i bibarht ap toute, lell lo tout vin. Oun kek čilačepen nay taprell tout an.

Debleskri gili 72:7

Palle djal mishto kolenge, kay an o čačepen tardo hi. Oun i menshe djivenn lačes khetne, bis te o čon bouder gar koy hi.

Gosewe laba 30:18

Triin koova hi mange yaake baro, te hayvau len gar. Oun o startestar djinau me či:

Gosewe laba 30:29

Triin hi, kay rayles pre stakrenn, oun o starto hi o rayleder:

Gosewe laba 6:16

Shob koova hi, ap kolende dikell o baro Devel rhoyedes; oun i eftato koova hi leske o djoungleder:

Sikepaskro 11:2

Phage tiro maro an kotya, oun de les efta, orhta menshenge; tou djineh gar, havi bibarht vell pral kay phoub.

Jesaja 14:25

Me dau i Assiryen an miro them, ap mire berge stakrau len khetne, te nay rikrenn le bouder gar mire menshen tele, oun krenn lenge bouder gar i pharo djipen.

Jesaja 44:28

Me hom kova, hoy ap o Cyrus penell: “Tou dess garda ap mire menshende har i bakrengro ap peskre bakre.” Oun yob krell lauter, hoy kamau, te krell lo. Pral o foro Yerusalem penell lo: “Čivenn les pale pre!” Oun pral o Debleskro baro kheer penell lo: “Čivenn leskre barra pale pre!”

Jesaja 59:19

Palle taprell i daar i menshen ap i tseli phoub glan o baro Debleste oun leskro raylepen. Yob vella har i divyo zorelo pani hoy nashella, koles o dourho o baro Deblestar glan peste phourdell.

Jesaja 65:8

Kava penell o baro Devel: Yaake har kek harho peskre drake tele dell oun krik vitsrell, kay gomme mool an lende hi, yaake kamau me ninna te krell mire menshentsa, te moukap len gar lauteren te marell. Hi save mank lende, kay mange koy hi.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Jeremia 33:15

An kol divessa moukau i baro ray dran o Davideskri familya pre te stell, kay hi an o čačepen tardo. Kova krell hoy mishto oun čačo hi an o tselo them.

Amos 1:3

O baro Devel penell: I menshe an o foro Damaskus kran pale te pale djoungelo koova. Baro čilačo koova kran le ap i menshende an Gilead. Doleske lenn le pengri phagi, oun khaytenn man gar.

Amos 1:6

O baro Devel penell: I menshe dran o foro Gaza kran pale te pale djoungelo koova. Yon lan i menshen dran tsele gaba pandlo, oun bikran len an i vasta kolendar dran o them Edom, te venn le lengre boudepangre. Doleske lenn le pengri phagi oun khaytenn man gar.

Zakarie 10:11

Te djan le daryah mank o baro pani, tradau me o pani pale. Oun o lengsto pani Nil, ninna te djal lo dour tele, vell trouk. Oun me rikrau o pre-phourdo them Assour tele. Oun o them Egiptia hi bouder gar o ray pral vavar themma.

Zakarie 10:3

O baro Devel penell: Me hom rhoyedo pral i bakrengre, kay rikrenn mire bakren tele. Ninna ap i zorele morsh bakre djau me pre. Me, o baro Devel, ko ray pral o bolepen oun i phoub, hom har i bakrengro. Oun o kheer Youda hi mire bakre. Ap lende dau yak. Me krau, te venn le har i zorelo kourepaskro gray, koleha an o kourepen djau.

Zakarie 12:6

An ko tsiro krau, te venn i pralstoune an Youda har i yagakro čaro mashkral an o veesh, oun har i yag mank o phouss, hoy rhačell ap haki rig. Oun yon rhan kol tsele natsyone trouyel pre. O foro Yerusalem ačell kay lo hi.”

Zakarie 9:10

O baro Devel penell: Me lau i kourepangre vourdya krik dran o them Israel, oun i kourepangre graya dran Yerusalem. Oun i kourepangre boge venn phagedo. T'maro baro ray lell o čingepen krik mank i natsyone. Yob hi o ray foun yek baro panyestar bis ap o vavar, foun o panyestar Eufrat bis an i doureder themma ap i tseli phoub.

Zakarie 9:13

Me kourau man i lourdentsa dran o grichtikro them. I menshe dran Youda hi miro kourepaskro bogo. I menshe dran Israel hi mire fayle, oun kol morsha dran Yerusalem hi miro rharo, koleha len dau.

Louka 2:14

“Baro hi o Debleskro raylepen an o bolepen! O Debleskri barht vell ap i phoub. Yob dikell lačes ap i menshende.”

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Debleskro tsiro 17:14

Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”

Debleskro tsiro 19:14

Oun i tsele bolepaskre kourepangre van leske palla ap parne graya. Len his koola dran parno djoudjo than.