Micha 5:2 - O Debleskro Lab 2024 (Sinte-Manouche)

² Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

O Debleskro Drom 2021 (Sinte)

² Jek tsiro dell o baro Dewel peskre menshen an i wasta wawar menshendar, bis te well ko diwes, kai anell i djuwel ko tchawes ab i phub. Palle wenn leskre phrala, kai pral atchan, pale an pengro them pash i wawar Israelitarja.

Micha 5:2 Iomraidhean Croise

1. Mose 35:16

Pal kova moukan le ko foro Betel oun djan an o foro Efrata. Oun ap o drom anas i Rachel i čaves ap i phoub. Oun lat his bare douka.

1. Mose 35:19

Oun i Rachel meras oun vas paskedo ap o drom pash o foro Efrata. Kova hi kanna Betlehem.

1. Mose 48:7

Me krau kova miri romyake Rachel, kay hi tiri day. Yoy meras an o them Kanaan, har vom dran Paddan. Homs ap o drom, i tikno kotar glan o foro Efrata. Oun me paskrom lat kote pash o drom, hoy djal an Efrata. Kova hi kanna Betlehem.”

1. Mose 49:10

Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

1. Familjakro liil 2:54

O Salma, leskre čave his: Kolla, kay djivenn an i forya Betlehem, Netofa, Atrot-Bet-Yoab, oun i paash kolendar, kay djivenn an Manahat. Kolla van dran Zora.

1. Familjakro liil 5:2

O zorleder mank peskre phrala his o Youda. Doleske vas yek dran o kheer Youda o baro ray pral Israel, ninna te his o Yosefes o čačepen, hoy i phoureder čaveske hi.

Debleskri gili 132:6

Har hams an Efrata, shounam kay o sonakaskro morhton hi, ko sikepen, kay o Devel khere hi. Kova hatsam mer pash o foro Yaar.

Debleskri gili 90:2

Glan i berge kerdo van, oun tou i phoub kral, hals tou, o Devel, koy. Oun tou ačeh hake tsirya.

2. Mose 18:21

Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh.

2. Mose 18:25

Yaake rodas o Mose peske čače morshen vin oun kras lendar pralstoune pral i Israelitarya: Pralstoune pral i zerya oun pralstoune pral i sheel, ninna pral i paash-sheel oun pral deesh.

Jesaja 11:1

Yaake har vell i tikno nevo kasht dran i tele dino rouk, oun i nevo tikno rouk mank leskre draba vin, yaake vell i nevo baro ray dran o Davideskro kheer.

Jesaja 53:2

Yob vas baro glan o baro Debleste har i sano terno rouk, har i drab hoy dran i trouk phoub vell. Les his kek shoukapen oun kek barepen. Oun har mer les dikam, hatsam či, hoy an mare yaka shoukar vals.

Jesaja 55:4

Dikenn, me krom les, te vell lo ray oun pralstouno pral vavar themma, te sikrell yob lende, koon me hom.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Jeremia 30:21

Oun lengro ray vell dran lende. Ava, lengro pralstouno hi yek lendar. Me moukau les glan mande te vell. Kek nay vell glan mande oun ačell djido, te moukau les gar. Kova penell o baro Devel.

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

Amos 9:11

O baro Devel penell: Ap ko dives krau o Davideskro kheer neves, kova hoy kanna khetne peredo hi. Kote, kay lo paash hi, krau les tseles. Kote, kay barra vin phagedo hi, čivau len pale pre. Me krau les yaake har lo glan boud tsiro his.

Micha 4:10

Ava, t'mer an o foro Sion, save douka venn pral t'mende. Oun t'mer denn bari gole, har i romni, kay lell i ternepen. T'mer hounte djan dran o foro, oun hounte rikrenn t'men vin ap o them pre, oun venn bis pash o foro Babilon anlo. Kote lell t'men o baro Devel pale vin. Yob lell t'men vin dran i vasta kolendar, kay rikran t'men tele.

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Mateo 2:1

Ap ko tsiro, har vas o Yezous an o foro Betlehem an o them Youdea boldo, his o Herodes o baro ray pral o them. Koy van goseve morsha dran o them, kay o kham pre djala, oun djan an o foro Yerusalem. Yon poučan i menshendar an o foro Yerusalem:

Mateo 2:6

Tou, o foro Betlehem, hoy an o them Youdea čiddo hi, tout hi i baro lab mashkral i tsele forya an o them Youdea. Dran toute vella ko baro ray, kay ap mire menshende, o Israel, garda della, yaake har i bakrengro ray garda della ap peskre bakre.”

Mateo 28:18

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Louka 23:38

Oun pral leste ap i kasht his činlo: Kova hi i o baro ray pral i biboldende.

Johanni 7:42

O Debleskro lab penella, ko baro ray, kay vell o Deblestar, kova hi o Davideskre menshendar, oun vell an o foro Betlehem boldo har o David.”

5. Mose 1:15

Oun me lom i pralstoune morshen dran t'mare bare familyen, goseve oun an-dikle morshen oun čivom len pral t'mende, te venn le t'mare čačepangre morsha. Yon van pralstoune pral 1.000 (yek zero), pral 100 (yek sheel) oun pral 50 (i paash-sheel) oun pral 10 (deesh).

Kolossarja 1:17

O Yezous Kristo his glan hako vavareste koy. Oun lauter, hoy koy hi, rikrell lo djides.

Hebrearja 13:8

O Yezous Kristo ačell har yob hi: taysar, kava dives, oun hako tsireske.

1. Johanni 1:1

Mer činah t'menge pral koleste, kay his hako tsiro koy. Mer shounam les, oun dikam les. Ava, mer dikam les mare yakentsa, oun tapram les mare vastentsa. Yob hi ko lab, hoy o djipen della.

Debleskro tsiro 19:16

Ap leskro ripen oun ap leskri pralstouni heri hi i lab činlo, hoy kharella: o ray pral i rayende oun o pralstouno pral i pralstunende.

Debleskro tsiro 2:8

“Čin kava liil ap o Debleskro boudepaskro, kay dell yak ap i patslende an o foro Smirna: Kava penell kova, hoy hi o glanstouno oun o palstouno, hoy moulo his, oun djido vas.

Debleskro tsiro 21:6

Oun yob penas pale: Halauter vas yaake, har penom. Mandar vas halauter. Oun lauter vella pale glan mande. Me hom o glanstouno oun o palstouno. Kones troush hi, kova lell mandar o djido pani čičeske.

Čačepangre 17:7

An ko tsiro djivas i terno morsh i menshendar Youda an o foro Betlehem an o them Youda. Oun kova his i Levitari.

Ruth 1:1

An ko tsiro, har i čačepangre morsha i raya pral o Israel his, vas i bari bok an o them. Oun i morsh dran o foro Betlehem an o them Youda djas an o them Moab, te djivell lo koy peskri romyah oun peskre douy morsh čaventsa.

Ruth 4:11

Oun i tsele morsha oun phoureder, kay pash o foreskro voudar his, penan: “Mer dikam kova oun djinah, yaake hi kova. O baro Devel krell, te vell koy djouvel, kay an tiro kheer veh, har i Rachel oun har i Lea. Kol douy djouvyendar vas o tselo kheer Israel. Oun tou vess bravelo mank tire menshende Efrat, oun tiro lab vell sharedo an o foro Betlehem!

1. Samuel 10:19

T'mer vitsran kava dives t'maro Debles ap i rig, koles, kay las t'men vin dran t'mari daar oun t'maro pharo djipen. Ap koleste penan: Čip i baro rayes pral mende! Kanna mishto! Avenn glan o baro Debleste! Haki bari familya, hoy vell pal yekeste kol deesh-te-douy Yakobeskre čavendar vell tardo peske, oun mank lende ninna hako dadeskro kheer.”

1. Samuel 17:12

O David his o čavo ko morshestar Isay dran o kheer Efrat, kay djivas an o foro Betlehem an o them Youda. Koles his orhta morsh čave. Oun an ko tsiro, har his o Saul o baro ray, his o Isay i phouro morsh.

1. Samuel 17:18

Oun kal deesh kotya kiral an o pralstouno lourdeske, oun pouč, har tire phralenge djal. Oun pale mouk tout lendar čomone te dell, ap kova nay dikau, te djal lenge mishto!

1. Samuel 23:23

Lenn hako khatepen an i yak, kay khatrell lo pes. Oun te djinenn kova lauter, palle avenn pale pash mande kay! Oun me djau t'mentsa. Oun te hi lo an o them, palle hatsau me les ninna. Oun te hounte rodoms ninna an o tselo them Youda pal leste!”

1. Samuel 8:12

Hi save mank lende, kolendar krell lo pralstoune pral peskre lourdende: pral yek zero (1.000) oun ninna pral paash-sheel (50). T'mare morsh čave hounte boudrenn ap leskro kotar phoub oun anenn leskro djob dren, hoy bares vas. Ninna hounte krenn le leskre rhare, oun kol kotya, kay leskre vourdya dran kerdo venna.