Micha 5:14 - O Debleskro Lab 2024 (Sinte-Manouche)

¹⁴ Oun me dau an miri rholi dren an i tsele themma ap kay phoub, kay shounan gar ap mande.

O Debleskro Drom 2021 (Sinte)

¹⁴ Un me dau an miri choli dren an i tsele themma ap kai phub, kai shunan gar ap mande.

Micha 5:14 Iomraidhean Croise

2. Rajengro liil 17:10

Oun ap haki berga oun tel hako baro rouk čivan le bare barra pre pengre deblenge, ninna figure, kay i debletsa Ashera sikrenn.

Debleskri gili 149:7

yaake te denn le i menshen an vavar themma pale, hoy kolla ap lende kran, oun anenn i phagi pral i natsyone.

Debleskri gili 149:9

oun anenn o čačepen pral lende, har kova činlo hi an o Debleskro lab. Yaake vell o raylepen o Debleskre menshendar diklo. Sharedo vell o baro Devel!

2. Mose 34:13

Vitsrenn kol pre-čidde barra trouyel, kay marenn oun rhačrenn le firhen lengro debleske. Phagenn kol bare barra paash, hoy le leske pre-čivan! Oun denn kol figuren tele, hoy sikrenn i debletsa Ashera.

Jesaja 17:8

Oun yon dikenn bouder gar ap kol moule deblen, hoy yon pengre vastentsa oun goushtentsa kran, – kol figuren, hoy sikrenn i debletsa Ashera, oun kol boba, kay lake soungepaskro koova rhačedo vell.

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jeremia 12:17

Te hi yek natsyona koy, hoy kamell gar ap mande te shounell, lau lake lakro them hako tsireske krik, oun kay natsyona djal tel. Kova penell o baro Devel.

Ropaskre gilja 2:2

I gaba oun i khera kras lo paash, an kolende o Yakobeskre čave djivan. Oun yon khaytan les gar. I zorele forya an o them Youda phagas lo tele an peskri rholi. Pral lengro them anas lo ladj, oun lengre raya vitsras lo an i čik.

Nahum 1:14

Ap i menshende an o them Assour penell o baro Devel: Kek čave venn t'men, kay t'mare familyengre laba doureder hidjrenn. Dran i khera t'mare deblendar vitsrau i tsele figure vin. Me krau t'menge i grufta, t'maro djipen his čičeske.