Micha 5:11 - O Debleskro Lab 2024 (Sinte-Manouche)

¹¹ Oun o tselo bengeskro koova lau t'mendar krik, kek dravepangre ačenn pash t'mende.

O Debleskro Drom 2021 (Sinte)

¹¹ Un o tselo bengeskro koowa lau tumendar krik, kek drawepangre atchenn pash tumende.

Micha 5:11 Iomraidhean Croise

Jesaja 1:7

T'maro them hi i moulo them, t'mare forya van tele rhačedo. Glan t'mare yaka rhan i vi-themarya kova, hoy ap t'mari phoub bares vas. Lauter hi moulo oun paash, har te perans i divye koy pral.

Jesaja 2:6

Baro Devel, tou moukal tire menshen. Yon krenn dravepangro koova, har kol menshe, kay venn kotar, kay o kham pre djala. Oun yon hi dourkepangre har i Filistarya. I menshentsa dran vavar themma krenn le čomone vin, oun denn pengro dadeskro vast pre.

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jesaja 6:11

Oun me poučom: “Har rah, ray?” Oun yob penas: “Bis te bouder kek menshe an i forya djivenn, vitar kek mensho an i khera, oun ko harhetikri phoub har i moulo them vas.”

Ropaskre gilja 2:2

I gaba oun i khera kras lo paash, an kolende o Yakobeskre čave djivan. Oun yon khaytan les gar. I zorele forya an o them Youda phagas lo tele an peskri rholi. Pral lengro them anas lo ladj, oun lengre raya vitsras lo an i čik.

Ezekiel 38:11

Oun peneh touke: Me kamau pral ko them te perell, kay kek massurya troul leskre forya hi. Oun kamau pral kolende te vell, kay djivenn an o lačepen kek daryah. Kek massurya oun pandle voudya hi troul lengre gaba oun forya.

Hosea 10:14

Doleske vell i kourepaskri gole shounlo an t'maro them. Oun t'mare tsele zorele forya venn khetne dine. T'menge djal yaake har o foreske Bet-Arbeel, hoy das o ray Shalman paash an o kourepen, har van i daya moulo dine khetne pengre čaventsa.

Amos 5:9

Pral o zoreleste anell yob bibarht, oun o zorelo foro phagell lo tele.

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”