Micha 4:5 - O Debleskro Lab 2024 (Sinte-Manouche)

⁵ Ninna te mangell haki natsyona peskro debles an, mer djivah kokres maro Debleha – kova hi o baro Devel – kanna oun hako tsiro.

O Debleskro Drom 2021 (Sinte)

⁵ Ninna te mangell haki natsjona peskro debles an, mer djiwah kokres maro Debleha – kowa hi o baro Dewel – kanna un hako tsiro.

Micha 4:5 Iomraidhean Croise

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

2. Rajengro liil 17:29

Kol menshe, kay van dran vavar forya oun djivan kanna an Samaria, yon kran penge pengre deblen an kol forya, kay djivenn le, oun čivan len ap i moulne platse an kol khera, hoy i Samaritarya kran.

2. Rajengro liil 17:34

Gomme kava dives djivenn le yaake har lengre phoure djivan. Yon darenn gar o baro Deblestar, oun krenn gar, hoy lo lendar kamell, djivenn gar pal leskro čačepen, djan gar ap leskro drom oun rikrenn pen gar ap leskre laba, hoy das o baro Devel kol menshende, kay venn pal o Yakob, koles yob ninna Israel kharas.

Debleskri gili 20:6

Palle kamah mer te givell i barhtyatar. Oun sharah maro Debles oun hidjrah o themeskri plarhta, te sikras, kay yob tout zoreles kras pral kolende, kay kouran pen touha. O baro Devel mou dell tout lauter, hoy tou lestar mangeh!

Debleskri gili 48:14

Denn yak ap i pre-čidde barra troul o foro oun i zorele khera an o foro, yaake te nay penenn kova t'mare čavenge.

Debleskri gili 71:16

Me vau oun rakrau pral o zorelo koova, hoy tou kral, miro ray, baro Devel, oun sharau či vavar har tiro čačepen.

Jesaja 2:5

T'mer menshe, kay venn pal o Yakob, avenn, te djas o drom, kay o baro Debleskri momeli men sikrell, har te djivas.

Jesaja 26:13

Baro Devel, maro ray, pral mende his gomme vavar i raya. Tout kokres sharah mer.

Jesaja 26:8

Baro Devel, mer dikah ap toute, te peness tou o čačepen vin. Lauter an mende rodell tout, oun kamell, te vell tiro lab sharedo.

Jeremia 32:40

Oun me krau lentsa vin, te moukap gar tele, te krap lenge lačepen, oun te dap len i dji, hoy ap mande shounell, oun moukell man gar. Kava lab, hoy lentsa vin krau, ačell hako tsireske.

Zakarie 10:12

Me, o baro Devel, krau mire menshen zoreles. Oun yon mangenn man an oun shounenn ap mande. Kova penell o baro Devel.

Bičepangre 14:16

An o phouro tsiro moukas yob i menshen, kay kek bibolde hi, yaake te djivell, har yon kaman.

5. Mose 27:10

Doleske shounenn ap leste, oun rikrenn t'men ap leskre laba oun ap leskro čačepen, hoy t'menge kava dives penau!”

Kolossarja 2:6

T'mer lan o rayes, o Yezous Kristes, an t'mare djia. Djivenn kanna yaake leha khetne,

Kolossarja 3:17

Oun lauter, hoy t'mer krenna oun penenna, kova krenn oun penenn yaake, te vell maro ray Yezous sharedo! Oun parkrenn t'men pash o Debleste, maro dadeste, lautereske, hoy o Yezous Kristo t'menge kras!

Josua 24:15

Hi t'menge gar mishto an t'mare yaka, te mangenn o baro Debles an, palle rodenn kava dives kate vin, kones t'mer kamenn an-te-mangell: Kol deblen, kolen t'mare phoure an-mangan, har yon gomme ap i vavar rig o lengsto panyestar his, oder kol rhorhene deblen, kolen i Amorarya an-mangenn, an kolengro them t'mer kanna djivenn. Me oun miro kheer, mer kamah o baro Debles an-te-mangell.”