Micha 4:12 - O Debleskro Lab 2024 (Sinte-Manouche)

¹² Yon djinenn gar, hoy o baro Debles lentsa glan hi. Yon hayvenn gar, te anas lo len kate khetne, har djob, hoy vin dino vell.

O Debleskro Drom 2021 (Sinte)

¹² Jon djinenn gar, hoi o baro Debles lentsa glan hi. Jon haiwenn gar, te anas lo len kate khetne, har djob, hoi win dino well.

Micha 4:12 Iomraidhean Croise

Debleskri gili 147:19

O Yakobeskre menshen moukell lo peskro lab te shounell; oun ap i Israelitarya penell lo, hoy lo lendar kamell, oun dell len peskre čačepaskre laba.

Debleskri gili 147:20

Kova kras lo kek vavar menshenge. Leskre čačepaskre laba prindjrenn yon gar. Sharedo vell o baro Devel!

Jesaja 10:7

O baro rayes pral o them Assour his kova gar doha. Oun yob las pes gomme boudeder glan, oun kamas i menshen an boud themma temerl dell, yaake boud har djala.

Jesaja 21:10

Mire menshe an Youda, t'mer van dino har djob ap i djobeskri platsa vin dino vell. Me penom t'menge, hoy shounom o baro Deblestar, ko rayestar pral o bolepen oun i phoub, kay ninna o Israeleskro Devel hi.

Jesaja 29:7

Oun kol tsele natsyone, kay pengre boud lourdentsa ap o foro Ariel djan, oun o foro dren pandan, oun leske daar kran, kolla hi yaake sik krik, har djal i souni krik, oun kova, hoy yek an i souni dikas.

Jesaja 55:8

O baro Devel penell: Kova, hoy mange an o shero djal, hi gar kova, hoy t'menge an t'mare sherya djal. Oun t'mare dromma hi gar mire dromma.

Jeremia 29:11

Djinau mishto, hoy man t'menge an o shero hi: lačo koova oun gar čilačo koova, te djal t'menge yaake har t'mer kamenna.

Jeremia 51:20

Oun yob penell: Tou, foro Babilon, hals miro depaskro saster, miro kourepaskro tover; vavar natsyone dom touha khetne, oun vavar rayengre themma krom touha paash.

Jeremia 51:33

Kava penell o baro Devel, ko ray pral o bolepen oun i phoub, kay o Israeleskro Devel hi: O foro Babilon hi har i djobeskri platsa, hoy vell i pirentsa zoreles stakedo, te denn le nay kote o djob vin. Sik vell o tsiro o foreske, kay vell lo khetne stakedo.

Joel 3:2

An ko tsiro čorau miro dourho ninna vin pral i boudepangre, morsha har djouvya.

Louka 3:17

Yob hi har i harho, kay rikrell i vitsepaskri an peskro vast, te vitsrell lo o djob pral, yaake te perell o phouss tele ap i phoub. Peskro djob anell lo an peskro djobeskro kheer dren. Oun o phouss rhačrell lo an i yag, hoy rhačella hako tsiro.”