Micha 4:11 - O Debleskro Lab 2024 (Sinte-Manouche)

¹¹ Kanna shoun Yerusalem, lourde dran boud themma krenn pen khetne, te djan le ap toute pre Yon penenn: Nashedo hi kava foro. Dikas, har lo tele djal!

O Debleskro Drom 2021 (Sinte)

¹¹ Kanna shun Jerusalem, lurde dran bud themma krenn pen khetne, te djan le ap tute pre Jon penenn: Nashedo hi kau foro. Dikas, har lo tele djal!

Micha 4:11 Iomraidhean Croise

Debleskri gili 129:5

Kolla, kay rhoyrenn pen ap o foro Yerusalem, kamoms, te tserdenn le pen pale oun hounte ladjenn pen!

Debleskri gili 83:5

“Avenn”, penenn le, “Stakras len khetne, kol Israelitaryen! Kal menshenge hi kek platsa ap kay phoub. Ko lab Israel hounte vell bistedo!”

Jesaja 10:7

O baro rayes pral o them Assour his kova gar doha. Oun yob las pes gomme boudeder glan, oun kamas i menshen an boud themma temerl dell, yaake boud har djala.

Jesaja 17:12

Shounenn, boud boud lourde venna dran boud themma, oun lengri gole hi baro oun divyo har o baro pani. Zorele natsyone hadan pen oun venna har zorele divye panya.

Jesaja 29:7

Oun kol tsele natsyone, kay pengre boud lourdentsa ap o foro Ariel djan, oun o foro dren pandan, oun leske daar kran, kolla hi yaake sik krik, har djal i souni krik, oun kova, hoy yek an i souni dikas.

Jeremia 52:4

Har o Sedekya an o enyato bersh baro ray his, vas o baro ray pral o them Babilonia, o Neboukadnezar, peskre tsele lourdentsa glan o foro Yerusalem. Kova his ap o deshto dives an o deshto čon. Oun yob čivas peskre lourden troul o tselo foro, oun moukas čik pre te vitsrell troul o foro, te krell lo i drom, hoy djal pral ap o foreskri massouri.

Ezekiel 26:3

Doleske penell o baro Devel, maro ray: Kanna sikrau les touke, tou foro Tirus! Dran boud themma anau me lourden kourepaske touha. Yek them pal o vavar djal ap toute pre, yaake har dell o baro pani ap o themeskri rig.

Ezekiel 38:17

Kava penell o baro Devel, maro ray, ap toute: Tou hal ko morsh, kolestar moukom mire rakepangren glan i rah tsiro te rakrell, kolla, kay kran, hoy lenge penom. An lengro tsiro penan le i Israelenge glan-vi, te moukau tout pral lende te vell.

Obadja 1:12

Tou, Edom, ma dik bouder tele ap tiro phraleste, o Youda, an ko tsiro, kay leske djoungeles djal! Ma sa bouder pral leskre čavende an ko tsiro, kay lenge ropaske hi! Ma rake yaake pre-phourdo an ko tsiro, kay yon darenna!

Micha 7:10

Kolla, kay rikrenn man tele oun poučenn mandar kay hi tiro baro Devel, yon hounte dikenn kova, oun hounte ladjenn. Oun mire yaka dikenn, har le khetne stakedo venna, har čik ap i drom.

Zakarie 12:3

Ap ko tsiro krau, te vell o foro Yerusalem har i pharo bar i menshenge an hake themma. Kolla, kay kamenn les krik te hadell, doukrenn pengre vasta. Lourde dran i tsele themma ap i phoub venna, te kourenn le pen o foreha.”