Micha 3:8 - O Debleskro Lab 2024 (Sinte-Manouche)

⁸ Man hi i bari zoor. O baro Devel čivas peskro dourho an mande. oun kras miro dji pherdi zoor, te rakrap o čačepen vin, te penap o Yakobeskre čavenge pengri doosh, ava, te sikrap i Israelenge kay le o Debleskro dromestar tele djan.

O Debleskro Drom 2021 (Sinte)

⁸ Man hi i bari soor. O baro Dewel tchiwas peskro ducho an mande. un kras miro dji pherdi soor, te rakrap o tchatchepen win, te penap o Jakobeskre tchawenge pengri doosh, awa, te sikrap i Israelenge kai le o Debleskro dromestar tele djan.

Micha 3:8 Iomraidhean Croise

Hiob 32:18

Man hi boud laba te penell. Me nay rikrau gar mire laba pale, hoy an mande hi oun vin kamenn.

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Jesaja 61:2

Me vom bičedo, te dap vin gole, te vas ko bersh, kay sikrell o baro Devel peskro lačepen ap peskre menshende. Ninna vas ko dives, kay dell maro Devel hakenes ko čilačepen pale, hoy yob ap o them Youda kras. Yob bičras man, te khossap i sva tele kolenge, kay kanna rovenn.

Jeremia 1:18

Kava dives dau me tout i zoor, te vess yaake zorelo har i zorelo foro, i sasterno rouk, oun i massouri dran lolo saster. Hakeno an kava them vell rhoyedo ap toute: i bare raya oun pralstoune pral o them Youda, ninna i rashaya oun i menshe an kava them.

Jeremia 20:9

Ava, te penau mange, me kamau o Debles te bistrell, oun rakrau bouder gar an leskro lab, palle rhačell leskro lab an mande har i yag. Me lau miri tseli zoor khetne, te rikrap kova vin. Oun kova djal gar.

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Ropaskre gilja 2:14

Kolla, kay hounte penans touke o Debleskre laba, penan touke rhorheno koova glan-vi, hoy či moldo hi. Oun sikran touke gar tiri doosh. Kova te krans le, perals gar yaake har kanna peral. Na-a, yon moukan tout rhorhene laba te shounell, oun anan tout o čačo dromestar tele.

Ezekiel 16:2

Tou mensho, rike i menshenge an o foro Yerusalem glan i yaka, havo djoungelo koova yon kran!

Ezekiel 20:4

Ap mande penas lo: Tou mensho, rake pral lende o čačepen vin! Kre kova! Rike lenge ko djoungelo koova glan i yaka, hoy lengre phoure kran!

Ezekiel 22:2

Tou mensho, rake o čačepen vin! Ava, rake o čačepen vin pral o foro, hoy hi pherde marepangre! Sike leste peskro tselo djoungelo koova, hoy lo kras!

Ezekiel 23:36

Oun o baro Devel penas ap mande: Tou, mensho, hounte rakress o čačepen vin pral i Ohola oun i Oholiba! Sike lenge havo djoungelo koova yon kran!

Ezekiel 3:14

Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

Ezekiel 43:10

Tou, mensho, pen i Israelenge, har miro kheer vin dikell. Te dikenn le har baro oun shoukar kova hi, ladjenn le pen i doshake, hoy le ap pende lan.

Mateo 7:29

Yob rakras bari zoryah, oun gar yaake har lengre čačepangre rakran.

Markus 3:17

oun o Yakobo oun leskro phraal o Yohanni. Lengro dad hi o Zebedeo. Kolen das lo ko lab Boanerges. Kova kharella Morsha pherdo rholi.

1. Korintarja 2:4

Me rakrom t'mentsa gar zorele oun goseve labentsa, te anap t'men ap o Debleskro drom. Na-a, o Debleskro Dourho rakras zoreles ap t'mende,