Micha 3:4 - O Debleskro Lab 2024 (Sinte-Manouche)

⁴ Doleske shounell o baro Devel gar ap t'mende ap ko dives, kay denn t'mer gole ap leste. Yob sikrell t'mende o doumo ko tselo čilačepaske, hoy kran.

O Debleskro Drom 2021 (Sinte)

⁴ Doleske shunell o baro Dewel gar ap tumende ap ko diwes, kai denn tumer gole ap leste. Job sikrell tumende o dumo ko tselo tchilatchepaske, hoi kran.

Micha 3:4 Iomraidhean Croise

Hiob 27:9

Te vell i pharo tsiro pral leste, oun yob dell gole ap o Debleste, shounell o Devel palle? Na-a!

Hiob 35:13

Lengri gole hi čičeske! O zorelo Devel shounell lat gar, oun dell kek yak koy pre.

Debleskri gili 18:41

Tou kral, te hounte nashan le mandar. Yaake nay marom kolen, kay mange čilačepen kaman.

Gosewe laba 1:28

Palle denn le pal mande gole, oun me moukau či mandar te shounell. Palle rodenn le man oun hatsenn man gar.

Gosewe laba 28:9

Kova, kay kamell či o Debleskro dromestar te djinell, oun palle mangell lo čomone o baro Deblestar, koleskro mangepen hi djoungelo glan o Debleskre yaka.

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jesaja 3:11

Ap i čilačende vell bibarht. Lenge djal gar mishto. Ap lengro shero vell ko čilačepen pale, hoy le kran.

Jeremia 11:11

Doleske penell o baro Devel: Me anau bibarht pral lende, kolatar nay nashenn le gar krik. Yon denn pal mande gole, oun me kamau len gar te shounell.

Jeremia 14:12

Yon nay rikrenn pen pale o rhapastar, oun rovenn ap mande yaake boud har kamenn le, me shounau len gar. Ninna te rhačrenn yon mange firhen oun rhapen, dikau gar lačes ap lende. Me marau len an o kourepen, ninna i bok oun o nasslepen marenn le.

Jeremia 33:5

T'maro kourepen lentsa hi čičeske. Yaake venn i khera an o foro pherdo i moule menshendar, kay moukom me an miri rholi moulo te dell. I menshe an kava foro his yaake čilačo, te kamom bouder gar ap lengri rig te vell.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Ezekiel 8:18

Doleske djau lentsa i rholyah trouyel. Yon khaytenn man bouder gar. Oun man vell kek lačepen lenge. Ninna te denn le palle glan mire kanda pre gole, shounau me gar ap lende.

Micha 3:7

Oun i dikepangre hounte ladjenn pen, oun i dourkepangre venn sapaske. Kek lab o Deblestar hi pash lende. I ladjatar hounte rikrenn le halauter i diklo glan pengro mouy.

Micha 7:13

An ko tsiro hi i phoub i moulo them dran kova, hoy i menshe ap late kran.

Zakarie 7:13

Oun djas yaake: Yon shounan gar, hoy lenge penlo vas. Doleske kamom vitar gar te shounell, har yon gole dan, penas o baro Devel, ko ray pral o bolepen oun i phoub.

Mateo 7:22

Vell ko dives, kay o Devel o čačepen pral i tsele menshende vi-rakrella. Ap ko dives penenna boud ap mande: Ray, ray, an tiri zoor penam mer i menshenge, hoy o Devel menge penas. An tiri zoor tradam i bengen vin, oun kram boud baro zorelo koova.

Louka 13:25

Te stell o ray pral o kheer pre oun krell o voudar pandlo, palle han t'mer vin tardo, oun t'mer denn gole: Ray, kre menge o voudar pre! Oun ko ray penella: Me prindjrau t'men gar.

Johanni 9:31

Mer halauter djinah, kay o Devel ap kekeste shounella, kay djal gar ap leskro drom. O Devel shounell ap koleste, kay darell lestar oun djivell yaake, har yob kamella.

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.

1. Samuel 8:18

Palle te vell ko dives, kay denn t'mer gole pral t'maro baro rayeste, koles t'menge vin rodan, palle shounell t'men o baro Devel gar an kol divessa.”