Micha 1:16 - O Debleskro Lab 2024 (Sinte-Manouche)

¹⁶ Tou, Youda, mouk touke i balla tele te činell, te ačenn touke kek balla ap o shero. Tire čave, kolen tou yaake kameh, venn pandlo oun toutar krik anlo.

O Debleskro Drom 2021 (Sinte)

¹⁶ Tu, Juda, muk tuke i balla tele te tchinell, te atchenn tuke kek balla ap o shero. Tire tchawe, kolen tu jaake kameh, wenn pandlo un tutar krik anlo.

Micha 1:16 Iomraidhean Croise

2. Rajengro liil 17:6

Oun har o Hoshea an o enyato bersh baro ray his, las o baro ray pral o them Assour o foro Samaria dren, oun anas i menshen dran Israel pandles krik an o them Assour, oun moukas len te djivell an o them Hala oun pash o lengsto pani Habor an o them Gosan, oun an i forya, kay i Medarya djivan.

Hiob 1:20

Kote stas o Hiob pre, oun zoryah tserdas lo peskre pralstoune koola pestar tele, oun kras len paash, yaake boud doukas leskro dji. Yob činas peskre balla tele, moukas pes ap i phoub te perell oun mangas o Debles an.

Jesaja 15:2

I menshe dran o kheer Dibon djan pre pash kol pre-čidde barra, kay mangenn le pengre deblen an, te rovenn le koy pral i forya Nebo oun Medeba. Pengre balla oun pengre čora činan le tele i doukatar.

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Jeremia 16:6

Kol bare oun kol tikne hounte merenn an kava them, oun venn gar paskedo. Oun kek rovell pral lende. Oun kek činell pes ratles lenge oder činell peskre tsele balla lenge tele.

Jeremia 4:8

Doleske rivenn t'men an i gono! Rovenn oun denn gole! O baro Devel las peskri bari rholi gar mendar krik.

Jeremia 47:5

Pral o foro Gaza vell o ropen, oun o foro Ashkelon vell khetne dino. T'mer, kay ačan pral o menshendar Anak, har rah kamenn t'men an o mass te činell?

Jeremia 6:26

T'mer, mire menshe, t'menge penau: Rivenn gone ap t'mende! Čivenn t'men an i yagakri čik! Rovenn har te merals t'maro čavo, oun t'men kek vavar hi! Givenn i ropaskri gili! Kol marepangre perenn ap yek kopo pral mende.

Jeremia 7:29

Čin tire lengste balla tele, oun vitse len toutar krik! Gib i ropaskri gili ap i berge! O baro Devel hi rhoyedo pral kal menshende, oun tradell len pendar krik, oun kamell lendar či te djinell.

Ropaskre gilja 2:19

Ste pre an i rati, oun de gole pale te pale ap o baro Debleste! Čore tiro dji vin glan o Debleste. Rike tire vasta glan leste pre oun mange lestar o djipen tire terne čavendar, kay i bokatar merenna ap hako dromeskri ekka.

Amos 7:11

Yob penell: O Yerobeam vell o rhareha moulo dino. Oun i Israelitarya venn pandles krik anlo dran pengro them.”

Amos 7:17

Doleske penell o baro Devel: Tiri romni vell i loubni an o foro. Tire čave oun ča venn maredo o rhareha. Tiri phoub lenn vavar menshe. Tou meress an i pale-čiddo them. Oun i Israelitarya venn vin tradedo dran lengro them.”

Amos 8:10

T'mare bare divessa, kay hans barhtelo, venn kanna divessa, kay denn gole i bibarhtyatar. Oun t'mare gilya venna ropangre gilya. T'mer rivenn t'men an gone, oun činenn t'mare tsele balla ap o shero tele. Oun han yaake har i dad oun i day, kay pral pengro čaveste rovenn, kay meras, oun len hi kek vavar čave. Oun lauter, hoy djal an ko dives, krell i menshenge bari daar.

5. Mose 28:41

T'men venn morsh čave oun ča. Oun yon ačenn t'menge gar. Pandles venn le krik anlo.