Mateo 9:36 - O Debleskro Lab 2024 (Sinte-Manouche)

³⁶ Oun har yob kol boud menshen dikas, khaytan le les. Yon his leske har bakre, kay hi len kek bakrengro, kay ap lende garda della. Yon his khino, oun len his bouder kek zoor an lende.

O Debleskro Drom 2021 (Sinte)

³⁶ Un har job kol bud menshen dikas, khaitan le les. Jon his leske har bakre, kai hi len kek bakrengro, kai ap lende garda della. Jon his khino, un len his buder kek soor an lende.

Mateo 9:36 Iomraidhean Croise

1. Rajengro liil 22:17

Kote penas o Mika: “Me dikom i tsele lourden dran Israel tradedo kate te kote ap i berge, har bakre, kay kek bakrengro ap lende yak dell. Oun o baro Devel penas: Kalen hi bouder kek ray. Yon nay djan khere an o lačepen.”

2. Familjakro liil 18:16

Kote penas o Mika: “Me dikom i tsele lourden dran Israel tradedo kate te kote ap i berge, har bakre, kay kek bakrengro ap lende yak dell. Oun o baro Devel penas: Kalen hi bouder kek ray. Yon nay djan khere an o lačepen.”

Jesaja 13:14

Oun kol vi-themarya, kay djivenn an o foro Babilon, kolla nashenn pash pengre menshende, hakeno an peskro them. Yon hi har vesheskre bouzya, kay tradede hi, oun har bakre, kolen kek bakrengro hi.

Jeremia 50:6

Mire menshe hi har nashede bakre. Lengre bakrengre anan len o čačo dromestar tele. Yaake nashran le pen ap i berge. Pral tikne oun bare berge hounte nashan le, oun bistran, kay le khere hi.

Zakarie 10:2

Ma poučenn i khereskre deblen! Kova, hoy yon rakrenn, hi dinelo koova. Ma djan pash i dourkepangre! Kova, hoy yon glan-vi penenna, hi rhorhepen. Lengre sounya hi či moldo. Lengre lače laba hi gar čačo. Doleske nashrenn pen i menshe har bakre, kolen kek bakrengro hi, oun kay merenna.

Zakarie 11:16

Čačepah, me bičrau i bakrengro an o them, kay dikell gar pal i bakre, kay hi nashedo. Vitar gar rodell lo kolen, kay nashran pen. Kolenge, kay doukran pen, vell lo gar ap i rig. Oun leske hi yek, te vell i sasten doha te rhal oun te piyell. I thoulle bakren marell lo peske, oun tserdell lenge ninna i pire vin.

4. Mose 27:17

yekes, kay djal glan lende vin oun dren, oun anell len vin oun dren, te venn o baro Debleskre menshe gar har bakre, kay len kek bakrengro hi.”

Mateo 10:6

Djan pash i Israelitarya! Yon hi har nashede bakre!

Mateo 14:14

Oun har o Yezous dran o bero djas, dikas lo kal boud menshen, oun les khaytan le. Oun yob kras kolen sasto, kay mashkral lende nasselo hi.

Mateo 15:24

Penas lo ap lende: “O Devel bičras man pash i Israeleskre menshende kokres. Kolla hi har bakre, kay nashedo hi.”

Mateo 15:32

Oun o Yezous das peskre malen pash peste gole, oun penas ap lende: “Man khaytenn kal menshe. Yon hi kanna triin divessa pash mande, oun len hi či te rhal. Len hi bouder kek zoor. Dran kova kamau len gar khere te bičrell, te perenn le gar ap o drom khetne.”

Markus 6:34

Oun o Yezous djas dran o bero vin, oun dikas kol boud menshen. Kolla khaytan les. Yon his har bakre, kay hi len kek bakrengro, kay dell garda ap lende. Oun yob rakras lentsa i rah tsiro.

Markus 8:2

“Man khaytenn kal menshe. Triin divessa hi le kate pash mande, oun len hi či te rhal.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.

Hebrearja 5:2

O baro rashay hayvell mishto, har kolenge djala, kay peran o Debleskro dromestar tele, ninna te djinan le gar, kay hi kova čilačo, hoy yon kran. Yob hi i mensho har yon, oun les hi gar i zoor pral o čilačepen.