Mateo 9:2 - O Debleskro Lab 2024 (Sinte-Manouche)

² Oun yon anan i morshes pash leste. Kova nashte nashell gar oun his ap o čiben čiddo. Oun har o Yezous kolengro patsepen dikas, penas lo ap ko morsheste: “Ma traash, miro čavo! Me lau tiri doosh toutar.”

O Debleskro Drom 2021 (Sinte)

² Un jon anan i murshes pash leste. Kowa nashte nashell gar un his ap o tchiben tchiddo. Un har o Jesus kolengro patsepen dikas, penas lo ap ko mursheste: “Ma traash, miro tchawo! Me lau tiri doosh tutar.”

Mateo 9:2 Iomraidhean Croise

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Mateo 14:27

Koy penas lo sik ap lende: “Ma darenn! Me hom. Lauter hi mishto!”

Mateo 4:24

Oun ninna an o tselo them Syria shounan le lestar. Oun yon anan lauteren pash leste, kay nasselo hi. Mashkral lende his kolla, kay hi len bare douka, oun kolla, kay hi an lende benga, oun kolla, kay hi nasselo an pengro shero, oun kolla, kay hi bango. Oun yob kras len sasto.

Mateo 6:12

Oun biste mari doosh, hoy mer ap mende anam! Oun ninna mer bistrah o čilačepen, hoy i vavar ap mende kran.

Mateo 8:10

Har o Yezous kova shounas, kras lo bare yaka, oun penas ap kolende, kay leha djan: “Čačepah, me penau t'menge: Savo patsepen hatsom pash kekeste an o tselo them Israel.

Mateo 8:16

Oun har i rati vas, anan le boud menshen pash leste, kay hi benga an lende. Oun yob rakras zoreles ap i bengende, te djan le dran i menshende vin. Oun yon van vin. Ninna kras lo lauteren sasto, kay nasselo hi.

Mateo 9:22

Oun o Yezous rissras pes trouyel, dikas lat, oun penas ap late: “Romniya ma traash! Tiro patsepen kras tout sasto.” Oun ap kava tsiro vas koy djouvel sasto.

Mateo 9:5

Hi kova phareder, te penap ap leste: Me lau tiri doosh toutar, har te penap: Ste pre oun dja khere?

Mateo 9:6

Me kamau, te djinenn t'mer, o Menshengro Čaves hi koy zoor ap i phoub, te nay lell lo i doosh i menshendar.” Doleske penas yob ap ko morsheste, kay nay nashell gar: “Ste pre, le tiro čiben oun dja khere!”

Markus 1:32

Ap i rati, har o kham tele djas, anan yon pash leste i tsele nasselen oun kolen, kay his benga an lende.

Markus 10:49

Oun o Yezous ačas tardo oun penas: “Denn les gole, te vell lo kay!” Oun yon dan les gole oun penan ap leste: “Ma traash! Ste pre! Yob dell tout gole!”

Markus 5:34

Yob penas ap late: “Romniya, tiro patsepen kras tout sasto. Dja mo Debleha! Tiro nasslepen vell bouder gar pale.”

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Johanni 2:25

Yob djinas, har i menshe hi. Leske hounte penell kek, hoy an o mensheskro dji hi.

Johanni 21:5

Oun o Yezous poučas lendar: “Tapran t'mer či?” “Na-a,” penan le.

Bičepangre 14:9

Kova shounas, hoy o Paulo rakras. Oun har o Paulo hayvas, kay yob patsella, kay o Yezous nay krell les sasto, dikas lo ap leste,

Bičepangre 19:12

Hi yaake, kay lan i menshe ninna i koola oun menyakre dikle, hoy ap o Pauleste his, oun čivan len ap kol nasslende, oun o nasslepen djas lendar. Oun i benga djan dran i menshende vin, oun yon van sasto.

Bičepangre 23:11

An koy rati moukas pes o ray Yezous glan o Pauleste te dikell, oun penas ap leste: “Ma traash, Paulo! Yaake har tou mandar an o foro Yerusalem rakral, yaake hounte rakress mandar ninna an o foro Rom.”

Remarja 5:11

Oun kova hi gar lauter. Mer ham yaake barhtelo, te vas o Devel maro Devel. Maro ray, o Yezous Kristo, anas men leha khetne.

Jakobo 2:18

Kanna nay vell yek, kay penella: “Yekes hi patsepen oun i vavar krell lačo koova.” Koleske penau me: Sike mande o patsepen kolestar, kay krell kek lačo koova. Miro patsepen sikrau toute dran kova, hoy me krau.