Mateo 9:17 - O Debleskro Lab 2024 (Sinte-Manouche)

¹⁷ Oun kek čorell i nevi mool an i phoure molyakre gone. I nevi mool krell i phoure molyakre gone paash. Oun i mool nashell vin. I nevi mool vell čoredo an i neve molyakre gone. Palle djal i nevi mool oun i neve molyakre gone gar paash.”

O Debleskro Drom 2021 (Sinte)

¹⁷ Un kek tchorell i newi mool an i phure moljakre gone. I newi mool krell i phure moljakre gone paash. Un i mool nashell win. I newi mool well tchoredo an i newe moljakre gone. Palle djal i newi mool un i newe moljakre gone gar paash.”

Mateo 9:17 Iomraidhean Croise

Hiob 32:19

Te nay rakrau gar, djal mange har i molyakro gono, kay nevi mool dren hi, hoy nay vell gar vin, oun o gono pre phagell.

Debleskri gili 119:83

Me perom an mande khetne har i molyakro gono, hoy pash i yag čiddo hi. Ninna te hi man bouder kek zoor, bistrau me gar, hoy tou mandar kameh.

Mateo 9:16

Kek sivell i nevo kotar than ap i phouro ripen. Pash o thopen vell o nevo kotar tikneder oun tserdell pes pale tele, oun o phouro ripen djal boudeder paash.

Mateo 9:18

Oun har yob kova rakras, vas i pralstouno pral i biboldengri kangri pash leste, vitsras pes glan leste tele ap i phoub, oun penas: “Miri čay meras glan i tikno tsiro. Am mantsa oun čip tiro vast ap late! Oun yoy vella djido.”

Markus 2:22

Oun kek čorell nevi mool an i phoure molyakre gone. I nevi mool krell i phoure molyakre gone paash. Oun koy mool nashell vin, oun kol molyakre gone djan paash. I nevi mool vell čoredo an neve molyakre gone!”

Louka 5:37

Oun kek čorell i nevi mool an phoure molyakre gone. I nevi mool krell i phoure molyakre gone paash. Oun i mool nashella vin. Oun i gone hi ninna paash.

Louka 5:38

I nevi mool vell čoredo an i neve molyakre gone.

Josua 9:4

koy moukan le penge an i shere trouyel te djal, har nay rhorhenn le len, te ačenn le djido. Oun yaake djan le koy oun lan rhapen pentsa an phoure gone, hoy le ap pengre bourike čivan, ninna phoure molyakre gone, hoy paash his oun pale sido van.