Mateo 9:16 - O Debleskro Lab 2024 (Sinte-Manouche)

¹⁶ Kek sivell i nevo kotar than ap i phouro ripen. Pash o thopen vell o nevo kotar tikneder oun tserdell pes pale tele, oun o phouro ripen djal boudeder paash.

O Debleskro Drom 2021 (Sinte)

¹⁶ Kek siwell i newo kotar than ap i phuro ripen. Pash o thopen well o newo kotar tikneder un tserdell pes pale tele, un o phuro ripen djal budeder paash.

Mateo 9:16 Iomraidhean Croise

1. Mose 33:14

Miro ray, dja touke glan vin. Oun me djau i firhentsa oun i čaventsa pal toute, yaake sik har djala, bis te vau pash toute, miro ray, an o them Seir.”

Debleskri gili 125:3

I čilače ačenn gar i raya pral o them kolendar, kay an o čačepen tardo hi. Te vals yaake, nay krans kolla ninna o čilačepen.

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Mateo 9:15

Penas o Yezous ap lende: “Yaake rah har o biyabeskro ap i biyab hi, hi peskre mala barhtelo. Ko tsiro vella, kay vell o biyabeskro lendar lino. Ap ko tsiro rhan le oun piyenn le či, te mangenn le o Debles an.

Mateo 9:17

Oun kek čorell i nevi mool an i phoure molyakre gone. I nevi mool krell i phoure molyakre gone paash. Oun i mool nashell vin. I nevi mool vell čoredo an i neve molyakre gone. Palle djal i nevi mool oun i neve molyakre gone gar paash.”

Markus 2:21

Kek sivell i nevo kotar than ap i phouro ripen. Pash o thopen vell o nevo kotar tikneder oun tserdell pes pale tele, oun o phouro ripen djal boudeder paash.

Louka 5:36

Oun yob penas lenge laba, kay i khatedo čačepen dren hi, oun penas: “Kek činell i kotar dran i nevo ripen vin, oun sivell les ap i phouro ripen. Kova krell o nevo oun o phouro ripen paash.

Johanni 16:12

Me kamoms t'menge yaake boud te penell. T'mer hayvenn nay kova kanna gar.

1. Korintarja 13:13

Kanna ačenna menge kalla triin: – O patsepen ap o Debleste; – i barht, te djinah mer, te vell lauter mishto; – o Debleskro kamlepen. O bareder kol trinendar hi o Debleskro kamlepen.

2. Korintarja 9:12

Kova, hoy kran t'mer i čorvele patslenge, hi lenge mishto. Oun kova hi gar lauter. Yon parkrenn pen pash o Debleste. Te parkrenn pen boud menshe pash o Debleste, hi kova ninna boud moldo.