Mateo 9:15 - O Debleskro Lab 2024 (Sinte-Manouche)

¹⁵ Penas o Yezous ap lende: “Yaake rah har o biyabeskro ap i biyab hi, hi peskre mala barhtelo. Ko tsiro vella, kay vell o biyabeskro lendar lino. Ap ko tsiro rhan le oun piyenn le či, te mangenn le o Debles an.

O Debleskro Drom 2021 (Sinte)

¹⁵ Penas o Jesus ap lende: “Jaake rah har o bijabeskro ap i bijab hi, hi peskre mala bachtelo. Ko tsiro wella, kai well o bijabeskro lendar lino. Ap ko tsiro chan le un pijenn le tchi, te mangenn le o Debles an.

Mateo 9:15 Iomraidhean Croise

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Mateo 9:14

Palle van o Yohanneskre mala pash o Yezouseste, oun penan ap leste: “Mer oun i Farisarya rhah oun piyah i tsiro či, te mangas o Debles an. Hoske krenn tire mala kova gar?”

Mateo 9:16

Kek sivell i nevo kotar than ap i phouro ripen. Pash o thopen vell o nevo kotar tikneder oun tserdell pes pale tele, oun o phouro ripen djal boudeder paash.

Markus 2:19

Penell o Yezous ap lende: “Yaake rah, har o biyabeskro ap i biyab hi, rhan oun piyenn leskre mala, kay leha ap i biyab hi.

Markus 2:20

Ko tsiro vella, kay o biyabeskro lendar krik lino vella. Ap ko tsiro rhan le oun piyenn le či, te mangenn le o Debles an.

Louka 17:22

Oun yob penas ap peskre malende: “I tsiro vella, kay t'maro dji kamell o Menshengro Čaves yek dives te dikell. Oun t'mer dikenn les gar.

Louka 5:34

Penas o Yezous ap lende: “Yaake rah har o biyabeskro ap i biyab hi, denn t'mer rhapen kolende, kay ap i biyab hi. T'mer moukenn len gar te bokell.

Louka 5:35

I tsiro vella, kay o biyabeskro lendar krik lino vella. Ap ko tsiro rhan oun piyenn le či.”

Johanni 16:6

Kova, hoy t'menge penom, doukell t'men an o dji.

Johanni 3:29

Koles, kay i pirni hi, ko hi ninna o pirno. Oun o maal ko pirnestar, kay pashel tardo hi, oun shounell o pirneskro gole, hi barhtelo pral kova. Kay barht hi man kanna.

Bičepangre 14:23

Oun an hake gaba oun forya, kay i patsle khetne van, rodas o Paulo oun o Barnabas phralen vin, te venn le phoureder mank i patslende. Oun o Paulo oun o Barnabas lan penge i tsiro, kay rhan le či o Debleske, oun mangan o Debles lauterenge, kay ap leste patslo van, te dell lo ap lende yak.

1. Korintarja 7:5

Kek t'mendar te rikrell pes kol vavarestar pale! T'mer nay rikrenn t'men i tikno tsiro pale, te kamenn t'mer douy kova, te mangenn o Debles an. Oun pal kova avenn pale khetne har rom oun romni! Te krenn t'mer kova gar, palle nay vell, te han bouder gar o ray pral t'mende oun perenn an o bengeskro vast.

2. Korintarja 11:27

Me marom man tele oun man his boud boudi. Boud kope sovom gar. Man his troush oun bok. Boud kope rhom či. Mange his shila oun man his či an-ripaske.

Debleskro tsiro 19:9

Oun o bolepaskro penas ap mande: “Čin an ko liil: Barhtele hi kolla, kay kharedo van, te venn le ap o terno bakreskro biyab. Kal laba hi čačepah o Debleskre laba,” penas lo ap mande.

Debleskro tsiro 21:2

Oun me dikom o Debleskro foro, o nevo Yerusalem, har vas ko foro tele o Deblestar dran o bolepen. O foro his shoukar kerdo har i terni čay, kay romedinerell oun shoukar kerdo vas peskro romeske.