Mateo 8:26 - O Debleskro Lab 2024 (Sinte-Manouche)

²⁶ Koy penas lo: “Hoske trashenn t'mer? Kay hi t'maro patsepen?” Oun yob stas pre, oun penas ap ko zorelo dourho, hoy phourdas pral o pani: “Ač kanna!” Oun ap o baro pani penas lo: “Mouk tele!” Oun o zorelo dourho phourdas bouder gar, oun o pani his bouder gar divyo.

O Debleskro Drom 2021 (Sinte)

²⁶ Koi penas lo: “Hoske trashenn tumer? Kai hi tumaro patsepen?” Un job stas pre, un penas ap ko sorelo ducho, hoi phurdas pral o pani: “Atch kanna!” Un ap o baro pani penas lo: “Muk tele!” Un o sorelo ducho phurdas buder gar, un o pani his buder gar diwjo.

Mateo 8:26 Iomraidhean Croise

Debleskri gili 65:7

Tiri zoryah čival tou i berge zoreles ap i phoub, oun čival tiri bari zoor troul toute har i ripen.

Debleskri gili 89:9

Tou baro Devel oun ray pral o bolepen oun i phoub, koon hi yaake zorelo har tou? Koon rikrell yaake pash peskre menshende har tou?

Jesaja 63:12

Kay hi kova, kay peskri bari zoryah ap o Moseskri čači rig vas? – Kova, kay kras, te djal ko pani glan lende ap douy rigya, oun peske yaake i baro lab kras, hoy an kek tsiro bistedo vell.

Nahum 1:4

Yob čingrell ap o baro pani, oun o pani djal krik. Oun kol lengste panya nashenn bouder gar. O zenlepen an o them Bashan oun i rouka ap i berga Karmel merenn tele. Ninna i bloume ap i berga Libanon merenn.

Habakuk 3:8

Baro Devel, his tout i rholi ap i zorele panya? Val tou rhoyedo pral o baro pani, har klissal tou vin tire grayentsa, oun tire kourepangre vourdya zorleder his har hake vavar?

Mateo 16:8

O Yezous hayvas, hoy yon penan, oun yob penas ap lende: “Hoske rakrenn t'mer pral o maro, hoy t'mer bistran? Havo tikno patsepen hi t'men!

Mateo 17:20

Penas lo ap lende: “T'maro patsepen hi tikno. Čačepah, me penau t'menge: Te vals t'maro patsepen ninna tikno har i senftikro djob, nay penans t'mer ap kay berga: Čip tout ap koy vavar rig! Oun koy berga čivals pes ap i vavar rig. Oun či nashte vals, hoy t'mer nashte gar krans.”

Mateo 6:30

O Devel kras o zenlepen yaake shoukar, hoy kava dives vin tardo hi, oun o vavar dives an o bob vitsedo vella. Kitse kope boudeder nay dell lo t'men an-ripaske! Hoske hi t'maro patsepen yaake tikno?

Mateo 8:27

Oun peskre mala kran bare yaka oun poučan pendar: “Havo morsh hi kova! Ninna o zorelo dourho oun o baro pani shounenn ap leste.”

Louka 4:35

Oun o Yezous das les trad, oun penas zoreles ap leste: “Ma rake oun dja dran leste vin!” Oun ko beng, kay an ko morsheste hi, vitsras ko morshes mashkral i menshende ap i phoub, djas dran leste vin, oun doukras les gar.

Remarja 4:20

Yob rikras pes ap kova, hoy o Devel leske penas, oun yob patsas gar i paash djiyestar. Yaake vas leskro patsepen gomme zorleder. Oun yob sharas o Debles.

Debleskro tsiro 10:2

Oun les his i liil an peskro vast, hoy pre his. Oun yob čivas peskri čači heri ap o baro pani, oun i servi heri ap i phoub.