Mateo 8:16 - O Debleskro Lab 2024 (Sinte-Manouche)

¹⁶ Oun har i rati vas, anan le boud menshen pash leste, kay hi benga an lende. Oun yob rakras zoreles ap i bengende, te djan le dran i menshende vin. Oun yon van vin. Ninna kras lo lauteren sasto, kay nasselo hi.

O Debleskro Drom 2021 (Sinte)

¹⁶ Un har i rati was, anan le bud menshen pash leste, kai hi benga an lende. Un job rakras soreles ap i bengende, te djan le dran i menshende win. Un jon wan win. Ninna kras lo lauteren sasto, kai nasselo hi.

Mateo 8:16 Iomraidhean Croise

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

Mateo 12:22

Palle anan le i morshes pash o Yezouseste. Kova his korelo, oun nashte rakras gar. Oun i beng his an leste. Oun o Yezous kras o morshes sasto, yaake te nay rakras lo, oun dikas lo pale.

Mateo 14:14

Oun har o Yezous dran o bero djas, dikas lo kal boud menshen, oun les khaytan le. Oun yob kras kolen sasto, kay mashkral lende nasselo hi.

Mateo 8:15

Oun yob tapras lakro vast, oun ko nasslepen djas latar. Oun yoy stas pre, oun anas lenge i rhapen.

Mateo 8:33

Oun kote his morsha, kay ap i balende yak denna. Kolla nashan an o foro, oun penan kote halauter, hoy yon dikan, ninna, kay van kol douy morsha sasto, kay benga an lende his.

Mateo 9:2

Oun yon anan i morshes pash leste. Kova nashte nashell gar oun his ap o čiben čiddo. Oun har o Yezous kolengro patsepen dikas, penas lo ap ko morsheste: “Ma traash, miro čavo! Me lau tiri doosh toutar.”

Markus 2:3

Koy anan le yekes ap o čiben, kay nay nashell gar. Star morsha hidjran les.

Markus 9:25

Oun o Yezous dikas, kay nashan boud menshe pash leste khetne. Koy das lo ko benges trad, oun penas ap leste: “Tou beng, kay rakreh oun shouneh nashte gar, me penau touke: Dja vin lestar, oun dja bouder gar an leste dren!”

Louka 13:12

Har o Yezous lat dikas, das yob lat pash peste gole, oun penas ap late: “Romniya, tou hal kanna sasto.”

Louka 4:40

Oun o kham djas tele. Oun boud menshe anan i nasselen pash leste. Kolen his boud nasslepen. Oun o Yezous čivas peskre vasta ap hakeneste lendar, oun kras len sasto.

Louka 4:41

Oun dran boud menshende, kay his benga an lende, djan i benga vin. Oun har yon vin van, dan le gole: “Tou hal o Debleskro čavo.” Oun o Yezous das len trad, oun moukas len gar te rakrell. I benga djinan, kay yob ko baro ray hi, kolestar o Devel penas, te vell yob.

Bičepangre 5:15

Oun i menshe hidjran pengre nasselen ap i dromma, oun čivan len kote ap o čiben. Yon penan penge, te vell o Petro koy pashel oun leskro shatto perell ap lende, venn le sasto.