Mateo 8:13 - O Debleskro Lab 2024 (Sinte-Manouche)

¹³ Oun palle penas o Yezous ap o pralstouno lourdo: “Dja khere! yaake har tou patsal, yaake vell kova.” Oun ap kava tsiro vas leskro boudepaskro sasto.

O Debleskro Drom 2021 (Sinte)

¹³ Un palle penas o Jesus ap o pralstuno lurdo: “Dja khere! jaake har tu patsal, jaake well kowa.” Un ap kau tsiro was leskro budepaskro sasto.

Mateo 8:13 Iomraidhean Croise

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Mateo 15:28

Penas lo: “Romniya, tiro patsepen ap mande hi bares. O Devel krell touke kova, hoy tou kameh.” Oun ap kava tsiro vas lakri čay sasto.

Mateo 17:20

Penas lo ap lende: “T'maro patsepen hi tikno. Čačepah, me penau t'menge: Te vals t'maro patsepen ninna tikno har i senftikro djob, nay penans t'mer ap kay berga: Čip tout ap koy vavar rig! Oun koy berga čivals pes ap i vavar rig. Oun či nashte vals, hoy t'mer nashte gar krans.”

Mateo 8:4

Oun o Yezous penas ap leste: “Shoun, pen kekeske, hoy me touke krom! Dja an o Debleskro baro kheer pash o rashayeste oun sike leste, kay tiro nasslepen toutar djas! Oun an kova glan o Debleste, hoy o Mose penas, te djinenn i menshe, kay tou sasto val.”

Mateo 9:22

Oun o Yezous rissras pes trouyel, dikas lat, oun penas ap late: “Romniya ma traash! Tiro patsepen kras tout sasto.” Oun ap kava tsiro vas koy djouvel sasto.

Markus 7:29

Penas lo ap late: “Havo baro lab! Doleske penau touke: Dja khere! Ko beng djas dran tiri čate vin.”

Markus 9:23

O Yezous penas ap leste: “Tou peneh: Te hayveh tou! Me penau touke: Lauter djal koleske, kay patsella.”

Johanni 4:50

“Dja khere,” penas o Yezous, “tiro čavo djivella!” Ko morsh patsas kova, hoy o Yezous leske penas oun djas khere.