Mateo 7:7 - O Debleskro Lab 2024 (Sinte-Manouche)

⁷ Mangenn o Debles! Oun o Devel dell t'men! Rodenn les! Oun t'mer hatsenn les. Denn ap o voudar, oun kova vell t'menge pre kerdo!

O Debleskro Drom 2021 (Sinte)

⁷ Mangenn o Debles! Un o Dewel dell tumen! Rodenn les! Un tumer hatsenn les. Denn ap o wudar, un kowa well tumenge pre kerdo!

Mateo 7:7 Iomraidhean Croise

1. Mose 26:32

Ap ko dives van o Isaakeskre boudepangre pash leste, oun rakran leha pral koy brounna, hoy yon vi-hadan, oun penan: “Mer hatsam pani.”

1. Rajengro liil 3:5

Kote an o foro Gibeon moukas pes o baro Devel o Salomeske an i souni te dikell an i rati. Oun o Devel penas: “Tou nay poučeh man, hoy kameh mandar.”

Debleskri gili 10:17

Kova, hoy i čorvele toutar mangenna, shouneh tou, mo baro Devel. Tou kreh lengro dji zorelo, oun tiro kand hi lenge pre.

Debleskri gili 10:4

O čilačo rikrell o nak pral oun penell peske: O Devel poučell gar palla. Lauter, hoy leske an o shero trouyel djala, hi: Dell kek Devel.

Debleskri gili 119:12

Sharedo vess tou, mo baro Devel! Tou sikral mange, hoy mandar kameh.

Debleskri gili 27:8

Tire laba van mange an o shero, hoy tou penal: “Avenn pash mande!” Doleske vau pash toute.

Debleskri gili 34:4

Givenn mantsa gilya o baro Debleske! Krenn leskro lab mantsa khetne baro!

Debleskri gili 37:4

Rode tiri barht pash o baro Debleste, palle dell yob tout lauter, hoy tiro dji kamella.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 69:32

Kova hi touke feteder har te anap touke i groumni, ava, i zorelo gouroum, te vell lo touke rhačedo.

Debleskri gili 70:4

Mou vell lengri ladj yaake baro, te hounte rissrenn le trouyel oun djan pale, – kolla lauter, kay sanenn pral mande.

Debleskri gili 86:5

Tou hal lačo, miro baro Devel, oun leh i doosh krik. Tiro lačepen hi baro kolenge, kay ap toute gole denn.

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Kamlepaskri gili 3:2

Kamau pre te stell, kamau an o foro te nashell, ap i dromma oun ap i platse kamau les te rodell, koles miro dji kamell. Me rodom les oun hatsom les gar.

Jesaja 30:19

T'mer menshe an o foro Yerusalem, kay djivenn ap i berga Sion, t'mer hounte rovenn bouder gar. Te denn t'mer ap leste gole, hi lo lačes ap t'mende. Yaake sik har shounell lo t'mari gole, rakrell lo ap t'mende pale.

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Amos 5:4

O baro Devel penell ap o kheer Israel: Rodenn man, palle djivenn!

Mateo 18:19

Me penau t'menge ninna: Te mangenn douy t'mendar khetne čomone o Deblestar, palle dell len miro dad an o bolepen kova, hoy yon lestar mangan.

Mateo 21:22

Te patsenn t'mer, te lenn kova, hoy mangenna o Deblestar, palle lenn t'mer kova lauter ninna.”

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Mateo 7:11

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen lačo koova kolen, kay les mangenna.

Mateo 7:8

Koon mangella, kova lella. Koon rodella, kova hatsella. Oun koon ap o voudar della, koleske vell pre kerdo.

Markus 11:24

Doleske penau t'menge: Lauter, hoy t'mer o Deblestar mangenna, patsenn, te lan les, palle lenn t'mer kova ninna.

Louka 13:25

Te stell o ray pral o kheer pre oun krell o voudar pandlo, palle han t'mer vin tardo, oun t'mer denn gole: Ray, kre menge o voudar pre! Oun ko ray penella: Me prindjrau t'men gar.

Louka 18:1

Oun o Yezous penas lenge laba, kay i khatedo čačepen dren hi, te sikrell lo len, te hounte mangenn le o Debles hako tsiro, oun te hounte moukenn le gar tele, te denn le les gole. Oun yob penas:

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Johanni 15:7

Te ačenn t'mer an mande oun krenn kova, hoy me penom, palle nay mangenna mandar, hoy kamenna. Oun kova lenn t'mer.

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

Remarja 3:11

Kek mensho hi gosevo. Kek rodell o Debles.

Hebrearja 11:6

Te hi yekes kek patsepen, nay krell lo gar, hoy hi lačo glan o Debleskre yaka. Koon kamell pash o Debleste te vell, kova hounte patsell, te hi o Devel djido, oun te hi lo lačo ap koleste, koon rodell les.

Jakobo 5:15

Te mangenn i phoureder o Debles oun patsenn ap leskri zoor, vell ko nasselo sasto. Oun o Devel krell les pale zoreles. Te hi doosh ap leste, palle lell o Devel koy doosh lestar.

1. Johanni 3:22

Oun lauter, hoy mer lestar mangah, kova lah mer, te rikrah men ap kova, hoy yob menge penas, oun djivah yaake, har yob kamella.