Mateo 7:15 - O Debleskro Lab 2024 (Sinte-Manouche)

¹⁵ Denn yak, te patsenn gar kol rhorhene rakepangren, kay penenn, te vans le o Deblestar bičedo! Yon krenn, har te vans le t'mare phrala. An lengro dji hi le divye djoukle, kay marenna.

O Debleskro Drom 2021 (Sinte)

¹⁵ Denn jak, te patsenn gar kol chochene rakepangren, kai penenn, te wans le o Deblestar bitchedo! Jon krenn, har te wans le tumare phrala. An lengro dji hi le diwje djukle, kai marenna.

Mateo 7:15 Iomraidhean Croise

1. Rajengro liil 13:18

Kote penas o phouro ap leste: “Me hom ninna i Debleskro rakepaskro har tou, oun i bolepaskro o baro Deblestar penas mange: An les khere pash toute, te nay rhal lo maro oun te nay piyell lo pani!” Rhorhepen his kova, hoy ko phouro penas.

Jeremia 29:21

Kova penell o baro Devel, ko ray pral o bolepen oun i phoub, kay o Israeleskro Devel hi: O Ahab, koleskro dad o Kolaya his, oun o Sidkiya, koleskro dad o Maasseya his, kolla douy rakran rhorhepen ap t'mende an miro lab. Doleske dau len an i vasta o baro rayestar Neboukadnezar dran Babilonia. Kova moukell len moulo te dell glan t'mare yaka.

Jeremia 29:32

Doleske dau me, o baro Devel, leste oun leskri familyate i phagi. Kek lendar ačell djido mank kal menshende. Oun yob dikell gar ko lačepen, hoy krau ap mire menshende. Peskro rakepah anas yob mire menshen mandar krik. Kova penell o baro Devel.

Ezekiel 13:16

Kolla hi i rakepangre an o them Israel, kay dan glan, te vals len i lab o Deblestar oun penan i menshenge an Yerusalem glan-vi “lauter hi mishto”, ninna te hi či mishto. Kova penau me, o baro Devel, t'maro ray.

Ezekiel 13:22

T'mare rhorhene labentsa doukran i djia kolendar, kay an o čačepen djivenn, oun kolenge kamom kek daar te krell. Oun t'mer kran i vasta kolendar zorelo, kay čilačo koova krenn. Yaake kran t'mer, te djan le gar tele lengro čilačo dromestar, te ačenn le djido.

Ezekiel 22:25

Tire raya hi mank toute har leve, kay denn gole, har dandrenn le firhen khetne. Yon marenn menshen, čorenn penge bravlepen khetne, oun krenn, te nashrenn boud romya an o them pengre romen.

Ezekiel 22:27

Tire pralstoune hi har divye djoukle, kay marenn, oun hi boklo pal rat. Yon marenn menshen, te lenn le lengro koova penge.

Daniel 11:34

An ko tsiro, kay venn le yaake palla lino, venn lenge menshe ap i rig. Kolla hi gar boud. Boud vavar rikrenn gar čačepah pash lende.

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

Zakarie 13:4

An ko tsiro ladjenn pen kol rhorhene rakepangre koleske, hoy dikan le an i souni. Oun yon rivenn bouder gar i plaashka dran bouzyengre balla ap pende, te denn le i menshen pal i kanda.

Mateo 10:17

Denn yak, hoy i menshe t'mentsa krenna! Yon anenn t'men glan i čačepangre, oun moukenn t'men an lengre kangria i čoupniyah dava te dell.

Mateo 16:11

Hayvenn t'mer kanna, kay me rakrom gar pral o maro, har penom: Denn yak! O shoutlo yarro hi gar mishto, hoy vell i Farisarendar oun i Sadducarendar!”

Mateo 16:6

Oun o Yezous penas ap lende: “Denn yak! O shoutlo yarro hi gar mishto, hoy vell i Farisarendar oun i Sadducarendar!”

Mateo 24:11

Ninna venna boud rhorhene rakepangre oun penenna, te hi le bičedo o Deblestar. Kolla anenn boud menshen o čačo dromestar tele.

Mateo 7:14

Tikno hi ko voudar oun gar bourhlo hi ko drom, kay i menshe hatsenn o djipen. Oun gar boud hi kolla, kay ap ko drom djana.

Louka 12:15

Palle penas o Yezous ap kolende, kay troul leste tardo hi: “Denn garda! Ma nashenn boud bravlepen palla! O tselo bravlepen, hoy i mensho khetne anas, krell o mensheskro djipen gar braveles.”

Louka 6:26

Bibarht vell ap t'mende, te rakrenn i tsele menshe t'mendar lačes. Kolengre phoure rakran ninna lačes pral i rhorhene rakepangre, kay penan, te van le o Deblestar, oun van gar lestar.

Johanni 10:12

Yek, kay lell love, te dell lo garda ap i bakrende, hi kek bakrengro. Kol bakre hi gar leskre. Te dikell kova, kay i divyo djouklo vella, nashell lo peske, oun moukell kol bakren kokres. Oun o divyo djouklo perell pral kol bakrende, oun tradell len yaake, kay yon bouder gar khetne hi.

Bičepangre 13:40

Krenn lauter, te vell gar kova pral t'mende, hoy o Debleskre rakepangre an pengre lila penan:

Bičepangre 13:6

Yon djan an o tselo them Ciprus trouyel, oun van ap i vavar rig ko themestar oun djan an o foro Pafos. Kote tapran le i biboldes. Kova kharas Bar-Yezous oun his i dourkepaskro. Yob penas pestar, te hi lo i Debleskro rakepaskro. Kova his i rhorhepen.

Galatarja 2:4

His vavar morsha koy. Yon kran, har te vans le patsle. Yon kaman te dikell, har kol patsle djivenna, kay bouder gar ap o Moseskre laba pandlo hi. Mer, kay ham bouder gar pandlo ap kol laba, djivah kanna pal o Yezouseskre laba. Oun kol morsha, kay djivenn gar pal o Yezouseskre laba, kaman, te vas mer pale pandlo ap o Moseskre laba.

Efesarja 4:14

Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

Efesarja 5:6

Ma patsenn kekes, kay penell t'menge, te nay krenn kova lauter! Koon kova penella, hi i rhorheno. O Debleskri rholi vell ap kolende, kay gar ap o Debleste shounenna, oun krenna savo čilačo koova.

Filiparja 3:2

Denn garda, te shounenn gar ap kolende, kay hi čilače boudepangre oun djoukle. Yon kamenna, te moukenn t'men ap t'maro mass te činell, oun penenn: “Kova hounte krenn, te nay venn t'mer o Debleskre menshe!”

Kolossarja 2:8

Denn yak, te shounenn ap kekeste, kay kamell te taprell t'men shoukar labentsa, hoy venna dran i menshengro gosvepen. Kova hi rhorhepen oun či moldo! Kol laba hi menshengro rakepen, hoy i phoure ap i čavende doureder penan oun vella i phoubyatar, oun gar o Yezous Kristestar.

2. Timoteo 3:13

Kol čilače menshe oun kol rhorhene, kay krenn yaake, har te vans le patslo, kolentsa vell djoungleder oun djoungleder. Yon peran o Debleskro dromestar tele, oun tserdenn ninna vavaren o Debleskro dromestar tele.

2. Timoteo 4:3

Vell i tsiro, kay kamenn le o Debleskro čačepen bouder gar te shounell. Yon djivenna, har yon kamenna, oun rodenn penge save sikepangre, kay kova len sikrenna, hoy yon kamenn te shounell.

2. Petro 3:17

Lače phrala oun phenya, kanna djinenn t'mer, kay čilače menshe venna, kay shounenn gar ap o Debleste. Doleske denn garda, te patsenn gar o rhorhepen, hoy yon rakrenna! Ma djan lentsa, te perenn t'mer gar o čačo dromestar tele! Ačenn zoreles an o patsepen tardo!

1. Johanni 4:1

Lače phrala oun phenya, ma patsenn hakenes, koon penella, te hi les o Debleskro Dourho! Dikenn ap leskro rakepen, te djinenn t'mer, te vell kova čačepah o Deblestar! Boud rhorhene rakepangre nashenn ap i phoub trouyel. Kolla penenna i menshenge, te vell lengro rakepen o Deblestar. Kova hi gar čačo.

Judas 1:4

Me shounom, hi menshe koy, hoy čorrhanes mank t'mende van. Kolla kamenn o Deblestar či djinell. Yon penenn, te hi o Devel lačo, oun te nay krenn le lauter, hoy yon kamenna. Yaake djivenn le i vi-ladjedo djipen, oun denn maro rayes, o Yezous Kristes, bourhoste. Kova kokres hi maro ray. Glan i rah tsiro hi činlo, te lenn yon pengri phagi.

Debleskro tsiro 16:13

Oun me dikom triin benga, hoy dikan vin har djambe. Kolla van vin, yek dran o baro sapeskro mouy, yek dran o firheskro mouy, oun yek dran ko rakepaskro mouy, kay yob i rhorheno hi, oun krell pes, har te vals lo i Debleskro rakepaskro.

Debleskro tsiro 17:6

Oun me dikom, kay koy djouvel mato his o ratestar, hoy nashas, har o Debleskre menshe maredo van, kolla, kay patsan ap o Yezouseste oun dan pengro patsepen gar pre. Oun me nashte patsom gar, hoy dikom.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.