Mateo 7:11 - O Debleskro Lab 2024 (Sinte-Manouche)

¹¹ Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen lačo koova kolen, kay les mangenna.

O Debleskro Drom 2021 (Sinte)

¹¹ Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen latcho koowa kolen, kai les mangenna.

Mateo 7:11 Iomraidhean Croise

1. Mose 6:5

O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

2. Samuel 7:19

Oun kanna hi kova touke gar doha. Baro Devel, miro ray, tou penal mange, hoy mire čavende kameh te dell, ninna an ko tsiro, hoy dour glan mende hi. Oun tou moukeh kova man, i menshes, te djinell.

Hiob 15:16

Har boud boudeder hatsell lo doosh ap o mensheste. O mensho krell djoungelo koova oun hi či-moldo. O čilačepen krell lo, har te piyals lo pani.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Debleskri gili 85:12

Kate ap kay phoub rikrah mer zoreles ap o Debleste. Oun dran o bolepen vell o Debleskro čačepen ap mende.

Debleskri gili 86:15

Tou, baro Devel, hal i lačo Devel, oun kreh tiro dji tire menshenge pre. Tou veh gar sik rhoyedo, Tiro lačepen hi baro oun tou rikreh pash tire menshende.

Debleskri gili 86:5

Tou hal lačo, miro baro Devel, oun leh i doosh krik. Tiro lačepen hi baro kolenge, kay ap toute gole denn.

Jesaja 49:15

Bistrell i djouvel peskro ternepen? Hi lat gar i kamlo dji leske, hoy yoy ap i phoub anas? Oun ninna te bistrals koya les nay, me bistrau tout gar.

Jesaja 63:7

Me kamau te rakrap pral o Debleskro lačepen, ko baro koova, hoy o baro Devel halauter menge kras, oun ko tselo lačo koova, hoy moukas lo ap o kheer Israel te vell. Les hi lenge i baro dji oun hi lenge yaake lačes.

Jeremia 17:9

Koon nay prindjrell o mensheskro dji? Či hi yaake čilačo oun rhorheno har o mensheskro dji.

Jeremia 33:14

Čačepah, penell o baro Devel, ko tsiro vella, kay moukau ko lačo lab čačes te vell, hoy me penom ap o khereste Israel oun ap o khereste Youda.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?

Mateo 23:9

Ma kharenn yekes ap kay phoub: Dad! Yek dad hi t'men. Kova hi o Devel an o bolepen.

Mateo 7:10

Vitar gar dell kek dad peskro čaves i sap an o vast, te mangas yob lestar i mačo.

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

Remarja 3:9

Hoy hi kanna? Hi i bibolde feteder glan o Debleste tardo har kolla, kay kek bibolde hi? Na-a, yaake har penom: I bibolde, har kolla, kay kek bibolde hi, halauter kran čilačo koova.

Remarja 8:32

O Devel rikras peskro čaves gar pash peste. Yob das les menge lauterenge an o merepen. Patsenn t'mer gar, te dell lo men khetne leha kova lauter, hoy yob menge penas?

Galatarja 3:22

O Debleskro lab penella, kay hi hako mensho pandlo ap o čilačepen. Ko yek drom, kay anell men vin dran o čilačepen, hi o patsepen ap o Yezous Kristeste. Kova penas o Devel.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

1. Johanni 3:1

Dikenn, har baro o Debleskro kamlepen menge hi. O Devel, maro dad, penell ap mende: “Mire čave.” Oun čačepah, kolla ham mer. Dran kova hayvenn men kol menshe gar, kay o Debles gar prindjrenna. Yon hayvenn gar, koon yob hi.

1. Johanni 4:10

Kava hi o Debleskro kamlepen: Hi gar yaake, kay mer kamam o Debles. Na-a, yob kamas men, oun bičras peskro čaves, te lell yob mari doosh ap peste.