Mateo 6:9 - O Debleskro Lab 2024 (Sinte-Manouche)

⁹ T'mer te rakrenn o Debleha, penenn: Maro dad an o bolepen. Tiro lab vell sharedo!

O Debleskro Drom 2021 (Sinte)

⁹ Tumer te rakrenn o Debleha, penenn: Maro dad an o bolepen. Tiro lab well sharedo!

Mateo 6:9 Iomraidhean Croise

2. Samuel 7:26

Palle vell tiro lab sharedo an hake tsirya, oun i menshe penenna: O baro Devel, ko ray pral o bolepen oun i phoub, hi o Israeleskro Devel. Oun o kheer David, kay tiro boudepaskro hi, ačell tardo glan toute.

1. Rajengro liil 8:43

palle shoun tou, kay djiveh an bolepen, oun kre halauter, hoy ko vi-themari toutar mangell, te nay hayvenn i menshe an i tsele themma ap kay phoub, koon tou hal, oun mangenn tout an, yaake har tire menshe Israel. Palle djinenn le, kay tou djiveh an kava kheer, hoy touke krom.

1. Familjakro liil 17:24

te djinenn i menshe, kay kova, hoy tou penal, ninna yaake vell, oun tiro lab sharedo vell an hake tsirya, oun i menshe penenna: O baro Devel, ko ray pral o bolepen oun i phoub, koles i Israelitarya an-mangenn, yob hi o Israeleskro Devel. Oun o kheer David, kay tiro boudepaskro hi, ačell tardo glan toute.

2. Familjakro liil 20:6

Oun yob penas: “Baro Devel, tou Devel mare phourendar, tou hal o Devel an o bolepen oun o ray pral i tsele raya oun lengre themma ap kay phoub. Oun an tiro vast hi i zoor oun o penepaske pral halauter, oun kote hi kek, kay nay vell zorleder har tou.

Nehemia 9:5

Oun i Levitarya, o Yeshoua, oun o Kadmiel, oun o Bani, oun o Hashabneya, oun o Sherebya, oun o Hodiya, oun o Shebanya, oun o Petaya penan: Stenn pre! Sharenn o baro Debles! Yob hi t'maro Devel. Sharenn les kanna oun hako tsireske! Baro Devel, hakeno te sharell tiro raylo lab! Kek vavar lab hi yaake baro oun raylo har tiro lab.

Debleskri gili 111:9

O baro Devel las peskre menshen vin dran i čilače vasta, oun kras lentsa vin, te venn le leskre menshe hako tsiro. Yob kokres hi lengro Devel. Baro hi lo!

Debleskri gili 115:3

Maro Devel hi an o bolepen, oun yob nay krell lauter, hoy lo kamella.

Debleskri gili 72:18

Sharas o baro Debles, ko Debles pral o Israel. Yob kokres krell baro oun zorelo koova!

Jesaja 37:20

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Jesaja 64:8

Baro Devel, mouk tiri rholi gar yaake bares te vell, te bistress mari doosh gar bouder. Dik ap mende, mangah tout, tire menshe ham halauter.

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

Ezekiel 36:23

T'mer kran, kay vas djoungeles rakedo pral miro baro lab mank i menshende an vavar themma. Oun me krau, te vap pale sharedo. Kova hoy krau t'menge, sikrell lende, te hom čačepah o Devel. Oun yon hounte dikenn oun hayvenn, te hom me o baro Devel. Kova penau me, o baro Devel, t'maro ray.

Ezekiel 38:23

Oun yaake sikrau me glan i yaka boud menshendar dran vavar themma, te hom i zorelo Devel. Oun yon dikenn oun hayvenn palle, te hom me o baro Devel.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

Habakuk 2:14

Yaake har o baro pani pherdo pani hi, vell i tseli phoub pherde menshe, kay djinenn, har raylo o baro Devel hi.

Zakarie 14:9

Palle hi o baro Devel o ray pral i tsele themma ap i phoub. An ko tsiro hi yob kokres o Devel. Les kokres mangenn le an.

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Mateo 10:29

Douy tikne čirkle hi glan i menshende gar boudeder moldo har yek bema. Oun kek lendar perella ap i phoub, te kamell o Devel kova gar. Yob hi t'maro dad an o bolepen.

Mateo 23:9

Ma kharenn yekes ap kay phoub: Dad! Yek dad hi t'men. Kova hi o Devel an o bolepen.

Mateo 26:29

Oun me penau t'menge: Me piyau bouder gar i mool, bis te vell ko dives, kay me piyau nevi mool t'mentsa khetne pash miro dadeste an o bolepen.”

Mateo 26:42

Oun palle djas lo i douyto kopo kote, te mangell lo o Debles. Oun yob penas pale: “Mo dad, tou te kameh gar kol douka oun merepen mandar te lell, palle mouk kova te vell, hoy tou kameh!”

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

Mateo 5:48

T'mer hounte venn yaake lačes ap i menshende, har t'maro dad an o bolepen hi lačes ap i menshende.

Mateo 6:14

T'mer te bistrenn o čilačo koova, hoy i vavar ap t'mende kran, palle bistrell t'maro dad an o bolepen ninna o čilačepen, hoy t'mer kran.

Mateo 6:6

Tou te rakreh o Debleha, palle dja an tiri isema, klide o voudar pal toute, oun kote rake o Debleha! Oun o baro Devel, kay hi tiro dad an o bolepen, dikell tout kote. Oun yob dell o lačepen pale, hoy tou kral.

Mateo 7:11

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen lačo koova kolen, kay les mangenna.

Louka 15:18

Me kamau pash miro dadeste te djal, te penap: Tata, me krom i čilačo koova, kay me djom toutar oun o Deblestar krik.

Louka 15:21

Koy penas o čavo ap leste: Tata, me krom i čilačo koova, kay me djom toutar oun o Deblestar krik. Oun me hom gar moldo, te ačap tiro čavo.

Louka 2:14

“Baro hi o Debleskro raylepen an o bolepen! O Debleskri barht vell ap i phoub. Yob dikell lačes ap i menshende.”

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

Remarja 1:7

Ap t'mende halauterende činau kava liil. O Devel kamell t'men o djiyestar, oun das t'men gole, te djivenn leha khetne. Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!

Remarja 8:15

O Devel das t'men gar peskro Dourho, te darenn lestar, har i boudepangre darenna pengro rayestar. Na-a, t'mer han o Debleskre čave. Oun o Debleskro Dourho krell, te penah mer: “Tata” ap o Debleste.

Galatarja 1:1

Me, o Paulo, činau kava liil ap i patslende, kay venn khetne an o them Galatia. O Yezous Kristo das an miro vast, te penap i menshenge leskro lab. Me hom gar i menshendar bičedo. Kova, kay bičras man, hi o Yezous Kristo oun o Devel, maro dad. Kova kras les i moulendar djido.

Galatarja 4:6

Kanna ham leskre čave. Doleske das o Devel peskro čaveskro Dourho an mare djia. Kova dell gole: Tata, miro dad!

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.

Debleskro tsiro 4:11

“Tou, o Devel, maro ray, tou hal moldo, te less o raylepen, oun o sharepen, oun i zoor. Tou kral o bolepen oun i phoub. Yaake, har tou kamal, yaake kral tou kova, oun vas kova.”

Debleskro tsiro 5:12

Oun yon givenn zoreles: O terno bakro, hoy vas maredo, kova hi moldo, te vell les i bari zoor, ninna o bravlepen, oun o gosvepen, oun o sharepen, oun o raylepen, oun i gilya, hoy les hadenna, oun bares krenna.