Mateo 6:25 - O Debleskro Lab 2024 (Sinte-Manouche)

²⁵ Doleske penau me t'menge: Ma darenn t'maro djipaske! Ma darenn, te vell t'men či te rhal oun či te piyell, vitar gar, te vell t'men či an-ripaske! O djipen hi boudeder moldo har o rhapen. Oun o mensho hi boudeder moldo har o ripen.

O Debleskro Drom 2021 (Sinte)

²⁵ Doleske penau me tumenge: Ma darenn tumaro djipaske! Ma darenn, te well tumen tchi te chal un tchi te pijell, witar gar, te well tumen tchi an-ripaske! O djipen hi budeder moldo har o chapen. Un o mensho hi budeder moldo har o ripen.

Mateo 6:25 Iomraidhean Croise

Debleskri gili 55:22

Leskro rakepen hi goudlo har gvin. An leskro dji kamell le o kourepen. Leskre laba hi har djet, oun činenn har rhare.

Jeremia 45:5

Oun tou kameh touke baro koova? Vals feteder te kamess či! Me moukau bibarht te vell pral i tsele menshende, penell o baro Devel. Tou ačeh djido, kay tou ninna djah, ninna te ačell touke či har tiro djipen.

Mateo 10:19

Kova te vell, palle ma darenn, hoy t'mer hounte penenna! O Devel sikrell t'mende, hoy t'mer hounte penenna ap ko dives.

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Mateo 6:31

Ma darenn oun ma penenn: Hoy rhas? Hoy piyas? Hoy rivas?

Mateo 6:34

Doleske penau t'menge: Ma darenn glan kova, hoy taysar vella! Moukenn o vavar dives ap t'mende te vell, oun palle dikenna, hoy te krenn! Hako dives hi t'men doha, hoy krell t'maro djipen phares.

Markus 13:11

Te taprenn le t'men, te anenn le t'men glan i čačepangre, ma darenn, hoy hounte penenna! Ap ko dives, kay han glan lende tardo, sikrell o Devel t'men, hoy te penenn lenge. Kova rakrenna! Ma bistrenn, t'mer han gar kolla, kay rakrenna. Kova hi o Debleskro Dourho, kay dran t'mende rakrella.

Markus 4:19

Palle dikenn le ap i phoubyakro koova. Yon kamenn bravelo te vell, oun o bravlepen krell len gar barhtelo. Oun len hi bok pal boud vavar koova. Oun kova lauter tassrell ko lab, hoy shounan le. Oun ko lab nay rakrell bouder gar an lengro dji.

Louka 12:11

Te anenn i menshe t'men glan i čačepangre oun glan i rayende oun pralstunende, ma darenn, hoy t'mer hounte rakrenna.

Louka 8:14

Ko kotar phoub, kay o djob mashkral i soubyengre bourra peras, hi har o dji kol menshendar, kay shounenn o Debleskro lab oun rikrenn les i tsiro an pengre djia. Te vell i daar an lengro djipen, oun te vell o bravlepen glan lengre yaka, oun ko shoukar djipen, palle vell ko lab lendar tassedo oun rakrell bouder gar an lengre djia.

Remarja 8:32

O Devel rikras peskro čaves gar pash peste. Yob das les menge lauterenge an o merepen. Patsenn t'mer gar, te dell lo men khetne leha kova lauter, hoy yob menge penas?

1. Korintarja 7:32

Me kamoms, te vell t'maro dji gar pharo. Koon gar romedino hi, nay vell o Yezouseske, maro rayeske, o tselo djiyestar koy.

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

2. Timoteo 2:4

Kova, kay an o kourepen djala, krell kek vavar boudi. Yob kamell, te dikell peskro pralstouno lačes ap leste.

1. Petro 5:7

Lauter, hoy hi t'men phares ap o dji, vitsrenn ap leste! Yob krell lauter mishto.