Mateo 6:2 - O Debleskro Lab 2024 (Sinte-Manouche)

² Tou te deh i čorveles love, palle ma pen kova hakeneske! Ma kre har kolla, kay hi len douy djia, oun penenn an i biboldengre kangria oun ap o drom, havo lačepen yon kran, te venn le i menshendar sharedo. Čačepah, me penau t'menge: Kolla lenna bouder či o Deblestar. Yon anan pengro lačepen kokres dren.

O Debleskro Drom 2021 (Sinte)

² Tu te deh i tchorweles lowe, palle ma pen kowa hakeneske! Ma kre har kolla, kai hi len dui djia, un penenn an i biboldengre kangria un ap o drom, hawo latchepen jon kran, te wenn le i menshendar sharedo. Tchatchepah, me penau tumenge: Kolla lenna buder tchi o Deblestar. Jon anan pengro latchepen kokres dren.

Mateo 6:2 Iomraidhean Croise

Debleskri gili 112:9

Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro.

Debleskri gili 37:21

O čilačo patsell peske love, oun playsrell gar pale. Kova, kay an o čačepen tardo hi, krell peskro dji pre oun della.

Gosewe laba 19:17

Kova, kay peskro dji pre krell oun i čorveles dell, kova hi har yek, kay patsals o baro Debleske. Oun o baro Devel dell les ko lačepen pale, hoy lo kras.

Gosewe laba 20:6

Boud menshe sharenn pen pengro lačepah. Nay hatseh čačepah i morshes o labestar?

Sikepaskro 11:2

Phage tiro maro an kotya, oun de les efta, orhta menshenge; tou djineh gar, havi bibarht vell pral kay phoub.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jesaja 58:7

De koles te rhal, kay bokell! oun le kolen khere pash toute, kay čorvelo hi oun ap o drom djivenn. Te dikeh yekes, koles kek ripya hi, de les koola! Oun ab tiri familyake koy!

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.

Hosea 8:1

O baro Devel penell: Phourde zoreles an i phourdepaskri! Har i adlari venn le pral miro them. Kolla kay kote djivenn, rikran pen gar ap kova, hoy lentsa vin krom, oun hadan pen pral mire laba.

Mateo 15:7

T'mer rakrenn douy čipyentsa. O Debleskro rakepaskro Yesaya penas o čačepen pral t'mende, har yob penas:

Mateo 16:3

Oun te hi o bolepen taysarlake lolo, penenn t'mer: Vella brishin! Yaake dikenn t'mer ap o bolepen, oun djinenn, hoy vella. Kova, hoy kanna mashkral t'mende djala, kova hayvenn t'mer gar.

Mateo 22:18

O Yezous hayvas lengro čilačepen oun penas ap lende: “T'mer rakrenn douy čipyentsa. Hoske kamenn t'mer man an mire laba te taprell?

Mateo 23:5

Lauter, hoy kolla krenna, krenn le, te dikenn kova i vavar. Te pandenn le i diklo troul o shero oun troul i moussi, kay o Debleskre laba dren činlo hi, yaake hi lengro diklo bourhleder har ko diklo i vavar morshendar. Oun len hi lengste koola ap pende, te sikrenn le i menshende, te hi le o Debleskre morsha.

Mateo 23:6

Pash i baro rhapen kamenn le ap i feteder beshepangre te beshell. Oun an i biboldengre kangria kamenn le ap i pralstoune beshepangre te beshell.

Mateo 24:51

oun dell ko boudepaskres khetne, oun anell les kote, kay i rhorhene hi. Kote rovenn le, oun dandrenn i danda khetne i doukatar.

Mateo 5:18

Čačepah, me penau t'menge: Yaake rah har o bolepen oun i phoub ačenna, yaake rah vell či krik lino kol labendar, hoy o Mose oun kol Debleskre rakepangre penan. Vitar gar o tikneder lab vell krik lino yaake rah, bis te vell lauter čačo, hoy glan i rah tsiro penlo vas.

Mateo 6:16

Te rhan t'mer i tikno tsiro či, te mangenn o Debles an, palle krenn kova gar yaake, te dikenn i menshe kova! Ma krenn har kolla, kay hi len douy djia! Yon sikrenn ap pengro mouy, te bokenn le pengro Debleske. Čačepah, me penau t'menge: Kolla lenna či o Deblestar. Yon anan pengro lačepen kokres dren.

Mateo 6:3

Tou te deh i čorveles love, palle kre les čorrhanes, te djinell les kek! Mouk tiro servo vast gar te djinell, hoy tiro čačo vast kras! O Devel, kay hi tiro dad an o bolepen, dikell ninna kova, hoy tou čorrhanes kral. Oun yob dell tout ko lačepen pale, hoy tou kral.

Mateo 6:5

Tou te rakreh o Debleha, palle ma kre kova har kolla, kay hi len douy djia. Yon kamenn, te dikenn len i menshe, har yon an i biboldengre kangria oun ap o drom tardo hi, oun o Debleha rakrenna. Čačepah, me penau t'menge: Kolla lenna či o Deblestar. Yon anan pengro lačepen kokres dren.

Mateo 7:5

Tou rhorheno! Tou kreh, har te vals tou lačeder har yob. Le ko baro kasht dran tiro yak vin, palle nay leh tou o tikno kasht dran tiro phraleskro yak vin!

Markus 12:39

An i biboldengre kangria kamenn le ap i pralstoune beshepangre te beshenn. Oun pash i baro rhapen kamenn le ap i feteder beshepangre te beshenn.

Markus 7:6

Penas lo ap lende: “T'mer rakrenn douy čipyentsa. O Debleskro rakepaskro, o Yesaya, penas o čačepen pral t'mende, har yob činas: Yaake penell o Devel: Kal menshe sharenn man pengre mouya. Lengre djia hi dour krik mandar.

Louka 11:41

Denn i čorvelende kova, hoy t'men an t'mare khore oun čare dren hi! Oun či hi t'menge pale-čiddo.

Louka 11:43

T'mer Farisarya, hoy t'mer krenna, ko hi gar mishto. T'mer kamenn ap i pralstoune beshepangre an i biboldengri kangri te beshell. Oun t'mer kamenn, te penenn i menshe ap o drom: Lačo dives, mo ray, ap t'mende.

Louka 12:33

Bikrenn, hoy t'men hi! Denn kol love i čorvelende! Palle hi kova yaake, har te krenn t'men i lovengro gono, hoy gar paash djala! Yaake krenn t'menge i baro bravlepen, hoy nashrenn nay gar. Kova hi an o bolepen, kay kek čorepaskro t'maro koova hatsella, oun kek kirme les nay pre rhan!

Louka 12:56

T'men hi douy djia! T'mer dikenn ap i phoub oun ap o bolepen oun djinenn, hoy vella. Hoske nay hayvenn gar, hoy an kava tsiro glan t'mare yaka lauter djala?

Louka 13:15

Penas o Yezous ap koleste: “T'men hi douy djia! T'mer krenn har te krans kek boudi ap o Debleskro dives. Hakeno t'mendar pandell peskri groumni oun peskri esla tele, oun anell len pash o pani ap o Debleskro dives.

Louka 20:46

“Denn yak! Kova, hoy kol biboldengre čačepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe Lačo dives, mo ray! ap lende. Ninna kamenn le ap i pralstoune beshepangre te beshell an i biboldengri kangri oun ap i feteder beshepangre pash i baro rhapen.

Louka 6:24

Bibarht vell ap t'mende, kay kanna bravelo han. T'mer lenna či bouder.

Louka 6:42

Tou peneh ap leste: Miro phraal, am kay! Me kamau ko tikno kasht dran tiro yak vin tserdell. Oun tou dikeh gar o baro kasht an tiro yak. Tou rhorheno! Tou kreh, har te vals tou lačeder har yob. Le ko baro kasht dran tiro yak vin, palle nay leh tou ko tikno kasht dran tiro phraleskro yak vin!

Johanni 13:29

Mashkral lende his kolla, kay hayvan, har te penals o Yezous ap leste, te ginell yob čomone dren, hoy len hounte vell ap o festo. Kol vavar hayvan, har te penals o Yezous, te dell yob čomone i čorvelende. O Youdas his kova, kay hidjras koy possita lengre loventsa pash peste.

Johanni 5:41

Hi mange či moldo, te vap sharedo i menshendar.

Johanni 5:44

Har nay patsenn t'mer mange? T'mer rodenna, te vell yek i vavarestar sharedo. Te venn t'mer o Deblestar sharedo, kova hi t'menge či moldo.

Johanni 7:18

Koon pral peste mishto rakrella, kova kamella, te vell yob sharedo. Koon kamella, te vell kova sharedo, kay bičras les, kova hi čačo. Oun an leste hi kek čilačepen.

Bičepangre 10:2

Kova his i lačo morsh oun patsas ap o Debleste peskre tsele menshentsa. Yob das boud i čorvelende, oun mangas o Debles hako dives an.

Bičepangre 10:31

Oun yob penas ap mande: Kornelio, o Devel shounas tout, oun hoy tou dal kol čorvelende, dikas o Devel ninna.

Bičepangre 10:4

Koles his daar, har yob dikas les, oun penas ap leste: “Hoy kameh tou mandar, ray?” Oun kova penas ap leste: “O Devel shounas, har tou les an-mangal. Oun yob dikas ko lačepen, hoy tou kral i čorvelenge. Oun yob bistras kova gar.

Bičepangre 11:29

Koy penan kol patsle an o foro Antiochia: “Mer dah mare phralen an o them Youdea yaake boud love, har hakeno nay della.”

Bičepangre 24:17

Boud bersha homs an i vavar themma. Kanna vom pale an o foro Yerusalem, te anap mire menshenge love, hoy vavar dan. Ninna vom, te rhačrap firhen o Debleske an o Debleskro baro kheer.

Bičepangre 9:36

An o foro Yoppe djivas i patsli. Lakro lab his Tabita ap hebretikes oun Dorkas ap grichtikes. Koya kras boud lačo koova, oun das boud love kol čorvelende.

Remarja 12:8

Pale vavar hayvenn i patslen an o dji te rakrell, te krenn le len zoreles an lengro patsepen. Kolla hounte krenn kova. Pale vavar denn i čorvelende čomone. Koon kova krella, hounte krell les dran i lačo dji. Kote, kay i patsle khetne venna, hi ninna pralstoune pral lende. Kolla hounte krenn pengri boudi o tselo djiyestar. Vavar patsle rikrenn pen ap i rig kolendar, kay djal lenge gar mishto. Koon kova krella, hounte krell les i barhtelo djiyeha.

1. Korintarja 13:3

Te vals man gar o Debleskro kamlepen an o dji, palle molals ninna kova či, te doms miro tselo bravlepen kol čorvelende, oun te moukoms man me djides pre te rhačrell.

Galatarja 2:10

Hi yek koova, hoy yon mendar mangan, te bistras mer gar i čorvelen mank lende. Ap kova rikrom man i tselo djiyeha.

Efesarja 4:28

Koon čoras an peskro phouro djipen, kova čorell bouder gar! Yob hounte boudrell peskre vastentsa, te vell les doha djipaske, oun te nay dell lo ninna i čorvelen čomone.

1. Tessalonikarja 2:6

Mer rodam gar o sharepen i menshendar, gar t'mendar, vitar gar i vavarendar.

1. Timoteo 6:18

Pen kol bravelenge ninna, te krenn le lačo koova! Lengro dji te vell baro i vavarenge, te denn le ninna i vavaren dran pengro bravlepen!

Filemon 1:7

Miro phraal! Tiro kamlepen, hoy hi tout i patslenge, kova kras lengre djia zoreles. Oun kova, hoy tou lenge kral, kras man ninna barhteles, oun das man nevi zoor.

Hebrearja 13:16

Ma bistrenn te krenn o lačepen! Denn i vavaren čomone, te vell len ninna čomone! Kova, hoy t'mer i menshenge krenna, hi har te krans t'mer les o Debleske. Oun yob dikell lačes ap kova.

1. Petro 4:11

Das tout o Devel gole, te rakress o Debleskro lab, palle rake o Debleskro lab! Das tout o Devel i zoor, te boudress i patslenge, palle kre kova an o Debleskri zoor! Yaake sharah mer o Debles an halauter, hoy o Yezous Kristo men das. Les hi o raylepen oun i zoor kanna oun hako tsiro. Amen!

1. Samuel 15:30

“Me lom doosh ap mande”, penas o Saul pale. “Ninna te hi yaake, mangau tout, hade man glan i phourende mire menshendar oun glan o Israel, oun dja mantsa pale, te nay sharap tiro baro Debles.”