Mateo 6:13 - O Debleskro Lab 2024 (Sinte-Manouche)

¹³ Ma mouk men tiro dromestar tele te djal! Le men dran o bengeskro vast vin!

O Debleskro Drom 2021 (Sinte)

¹³ Ma muk men tiro dromestar tele te djal! Le men dran o bengeskro wast win!

Mateo 6:13 Iomraidhean Croise

1. Mose 22:1

Pal kava koova kamas o Devel te dikell, te shounell o Abraham ap leste o tselo djiyeha, oun penas ap leste: “Abraham!” Oun yob penas: “Kate hom.”

1. Rajengro liil 1:36

Kote penas o Benaya, koleskro dad o Yoyada his, o baro rayeske: “Yaake krah mer kova! Yaake kamell kova o baro Devel, kay ninna o Devel miro baro rayestar hi.

1. Familjakro liil 16:36

Sharedo vell o baro Devel, kay o Israeleskro Devel hi, kanna oun hako tsireske! Oun i tsele menshe penan: “Amen! Sharedo vell o baro Devel!”

1. Familjakro liil 29:11

Baro Devel, tou hal o baro ray, hal zorelo, raylo, zorleder har hako vavar, oun o pralstouno pral hako vavareste. Halauter, hoy an o bolepen oun ap i phoub hi, hi tiro. Tou hal o ray pral i tsele themma, oun tout hi penepaske pral halauter.

1. Familjakro liil 4:10

Oun o Yabez das gole ap o Israeleskro Debleste oun penas: Čip tiri barht ap mande, oun kre miro them bareder har lo kanna hi. Ab mantsa, oun rike tiro vast pral mande, te vell nay kek douk pral mande! Oun o Devel moukas te vell, hoy yob poučas peske lestar.

Debleskri gili 10:16

O baro Devel hi o baro ray kanna oun hako tsiro. Kolla, kay gar ap leste patsenna, djan penge dran leskro them.

Debleskri gili 106:48

Sharedo vell o baro Devel, kay o Israeleskro Devel hi, kanna oun hako tsireske! Mou penenn i tsele menshen: “Amen! Sharedo vell o baro Devel!”

Debleskri gili 22:28

Mou rodenn i menshe ap i tseli phoub o baro Debles, oun venn pash leste! Mou mangenn le les an, an hako them!

Debleskri gili 41:13

Me shounau ap toute miro tselo djiyeha. Doleske rikreh tou miro djipen, oun moukeh man te djivell pash toute hako tsiro.

Debleskri gili 47:2

T'mer menshe dran i tsele themma, denn an i vasta! Sharenn o Debles oun denn leske barhteles gole!

Debleskri gili 47:7

Givenn o Debleske! Givenn oun sharenn les, givenn maro baro rayeske! Givenn!

Debleskri gili 72:19

Sharas leskro baro raylo lab hako tsiro! Leskro raylepen mou vell diklo an i tsele themma! Amen, yaake te vell kova!

Debleskri gili 89:52

Baro Devel, kolla, kay tout gar kamenna, praasenn man, o baro rayes, koles tou touke vin rodal.

2. Mose 15:18

O baro Devel hi o baro ray kanna oun hako tsireske.

Gosewe laba 30:8

Rike man pale, te rhorhap! Oun ma kre, te vap čorvelo oun vitar gar, te vap bravelo. De man kokres, hoy man hounte vell o djipaske.

Jeremia 15:21

ava, dran i vasta kolendar, kay čilačo ap toute hi, oun kay djan zoryah ap toute pre.

Jeremia 28:6

“Amen! O baro Devel te krell yaake! Mou krell yob, te vell tiro lab čačo, hoy glan-vi penal, te anell lo ko kouč koova dran leskro kheer, hoy an o them Babilonia anlo vas, pale pale an kava foro, ninna kol tsele menshen, kay pandles krik anlo van.

Daniel 4:25

Oun lauter vas yaake pral o baro rayeste, o Neboukadnezar.

Daniel 7:18

Oun pal lende lenn i vi-rodede menshe o pralstouno Deblestar i rayeskri zoor pral i tsele menshende oun lengre themma. Oun koy zoor ačell lenge hako tsireske, oun vell lendar gar krik lino.”

4. Mose 5:22

“Yaake djal ko nasselo pani an tiro per, oun tiro per vell pesseder, oun tire rigya perenn khetne.” Oun koy djouvel hounte penella: “Amen, yaake te vell kova!”

Mateo 26:41

Ma sovenn dren! Mangenn o Deblestar, te perenn gar miro dromestar tele! T'men kokres hi kek zoor te ačenn pash mande, ninna te kamell kova t'maro dji.”

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Mateo 5:37

Te penenn t'mer: Ava! yaake hounte vell kova ninna: Ava! Oun te penenn t'mer: Na-a! yaake hounte vell kova ninna: Na-a! Hako lab, hoy pral vergel hi, vell o bengestar.

Mateo 6:10

Te vell ko tsiro sik, kay tou o ray hal pral i tseli phoub! Te krenn i menshe ap i phoub kova, hoy tou kameh, yaake har ninna kolla an o bolepen krenn, hoy tou kameh!

Johanni 17:15

Me mangau toutar gar, te less len tou dran kay phoub vin. Me mangau tout, te rikress tou o benges lendar pale.

1. Korintarja 10:13

Della savo koova, hoy kamell t'men o Debleskro dromestar tele te anell. Dikenn, savo koova vas ninna ap vavar menshende. Te vell pharo koova ap t'mende, dell o Devel t'men koy zoor, te nay hidjrenn kova. Yob hatsell i drom, te venn pale kote vin.

1. Korintarja 14:16

Te shareh tou o Debles an i rakepen, hoy o Debleskro Dourho tout das, oun koy hi yek, kay hayvell kova gar, har nay penell yob Amen ap kova, hoy tou penal?

2. Korintarja 1:20

Lauter, hoy moukas o Devel glan i rah tsiro menge te penell, kova kras o Yezous Kristo menge. Dran kova penah mer Amen, te vell o Devel sharedo.

Galatarja 1:4

Yob meras, te lell lo mari doosh ap peste. Kova kras lo, te lell lo men vin dran ko čilačo tsiro, an hoy mer djivah. Kova kamas o Devel, maro dad yaake.

5. Mose 8:16

oun das t'men Manna te rhal an o moulo tato them, ko maro, hoy t'mare phoure gar prindjran. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi, te nay krell lo les t'menge pal kova mishto.

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?

1. Tessalonikarja 1:10

T'mer dikenn ap ko dives, kay vell o Debleskro čavo dran o bolepen pale. Kova hi o Yezous, koles kras o Devel i moulendar djido. Yob lell men dran o Debleskri rholi vin, hoy pral i menshende vella.

2. Tessalonikarja 3:3

Maro ray Yezous moukell t'men gar. Yob dell t'men zoor, oun dell garda ap t'mende, te vell kek čilačo koova ap t'mende.

1. Timoteo 1:17

Me sharau o Debles, koles, kay hako tsiro o baro ray hi; kova, kay merella gar, oun kay nay dikell les kek. Kova kokres hi o Devel. Leskro raylepen ačell hako tsireske. Amen.

Hebrearja 11:36

Vavar van praasedo, oun van i čoupniyah dino. Vavar van i sasterne shellentsa pandlo, oun an o stilepen vitsedo.

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

2. Petro 2:9

O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.

Debleskro tsiro 19:1

Oun pal kova dan boud menshe an o bolepen bari gole: “Halleluya! Maro Devel las men dran o čilačepen oun o merepen vin. Yob hi o ray, oun les hi i zoor pral halauter.

Debleskro tsiro 19:4

Oun kol biish-te-star čačepangre phoure oun kol star zorele bolepangre vitsran pen tele glan o Debleste, kay ap peskro rayeskro beshepaskro beshdo hi, oun sharan les, oun penan: “Amen, Halleluya!”

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!

Debleskro tsiro 21:4

Oun yob khossella hake sva ap lengre yaka tele. Oun o merepen dell gar bouder, vitar kek bibarht, kek ropen oun kek douka. Kova hoy his, dell gar bouder.

Debleskro tsiro 3:10

T'mer rikran ko lab, hoy t'menge penom, oun van gar khino an o patsepen ap mande. Doleske rikrau mire vasta pral t'mende an ko pharo tsiro, kay i bibarht vella pral i tsele menshende ap kay phoub, te vell diklo, hoy an lengre djia hi.

Debleskro tsiro 3:14

“Čin kava liil ap o Debleskro boudepaskro, kay dell yak ap i patslende an o foro Laodicea: Kava penell kova, kay kharell Amen, oun penell hako tsiro o čačepen, oun sikrell i menshende o čačo drom pash o Debleste. Yob his koy pashel, har o Devel lauter kras.

Debleskro tsiro 5:13

Oun me shounom i gili, hoy lauter givan, kay an o bolepen hi, oun ap i phoub, oun tel i phoub, oun an o baro pani. Oun yon givenn: “Koleske, kay ap o rayeskro beshepaskro beshdo hi oun ko terno bakreske, kolenge hi i gilya, oun o sharepen, oun o raylepen, oun i zoor pral lauter, kanna oun hako tsireske.”