Mateo 5:11 - O Debleskro Lab 2024 (Sinte-Manouche)

¹¹ T'mer patsenn ap mande. Doleske praasenn le t'men, lenn t'men palla, oun rakrenn rhorhene čilače laba pral t'mende. Te krenn le kova, avenn barhtele!

O Debleskro Drom 2021 (Sinte)

¹¹ Tumer patsenn ap mande. Doleske praassenn le tumen, lenn tumen palla, un rakrenn chochene tchilatche laba pral tumende. Te krenn le kowa, awenn bachtele!

Mateo 5:11 Iomraidhean Croise

Debleskri gili 35:11

Rhorhene venna, oun anenn doosh ap mande. Yon poučenn mandar, hoy me gar djinau.

Debleskri gili 44:22

palle djinals tou kova. Tou dikeh, hoy pash hakeneste an o dji khatemen hi, oun hoy kek vavar djinell.

Jesaja 25:8

O merepen lell lo krik hako tsireske. O baro Devel, maro ray, khossell palle hakeneske i sva tele. Oun koy ladj, hoy ap peskre menshende čiddo hi an hake themma, lell lo lendar krik. Kova penas o baro Devel.

Jesaja 51:7

Shounenn, hoy penau, t'mer, kay prindjrenn o čačepen, t'mer menshe, kay kamenn miro drom te djal. Ma darenn glan ko praasepen, koleha i menshe t'men praasenn! Ma darenn glan lengro baro mouy!

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Jeremia 37:14

Kote penas o Yeremia: Kova hi gar čačo, me kamau gar pash i Babilonarya vergel te nashell. O Iria kamas gar ap o Yeremia te shounell, oun tapras les oun anas les pash i pralstoune morshende.

Mateo 10:18

T'mer patsenn ap mande. Doleske anenn le t'men glan i pralstunende oun glan i bare rayende, te rakrenn yon i phagi vin pral t'mende. Kova vell ap t'mende, te rakrenn t'mer mandar glan lende oun glan kolende, kay o Debles gar prindjrenna.

Mateo 10:22

T'mer patsenn ap mande. Doleske venn i menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Mateo 10:25

Yek, kay djal an o sikepaskro kheer, koleske hi doha, te djinell lo yaake boud har peskro sikepaskro. Oun i boudepaskro, koleske hi doha, te hayvell lo yaake boud har peskro ray. Oun te penenn le ap o rayeste pral o kheer: Beng! palle kharenn le ninna kolen yaake, kay an leskro kheer djivenna. Doleske ma darenn lendar!

Mateo 10:39

Koon kamell peskro djipen te rikrell, kova nashrell les. Koon peskro djipen mange nashrella, kova lell les pale.

Mateo 19:29

Oun hakeno, kay moukas peskro kheer, peskre phralen, peskre phenyen, peskro dades, peskri dat, peskre čaven oun peskro kotar them, te djal lo mantsa, kova lell sheel kope pale, hoy yob moukas. Oun o Devel dell les o djipen, hoy gar pre-herella.

Mateo 24:9

Palle taprenn le t'men, denn t'men dava, oun marenn t'men. Oun i menshe an i tsele themma venna rhoyedo ap t'mende doleske, kay patsenn t'mer ap mande.

Mateo 27:39

Oun kolla, kay kote pashel van, sikran i goushteha ap o Yezouseste, oun praasan les.

Markus 13:13

T'mer patsenn ap mande. Doleske venn i tsele menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Markus 13:9

Denn yak ap t'mende! T'mer venn glan i čačepangre anlo, oun rhan dava an i biboldengre kangria. T'mer patsenn ap mande. Doleske anenn le t'men glan i pralstoune oun glan i bare rayende, te rakrenn yon i phagi vin pral t'mende. Te han glan lende tardo, palle nay rakrenn t'mer mandar, te shounenn yon pral mande o čačepen.

Markus 4:17

oun bistrenn les ninna pale sik. Yon moukenn les gar an pengro dji zoreles te vell. Te vell i pharo tsiro ap lende, oun te venn le mange palla lino, palle vitsrenn le pengro patsepen ap i rig.

Markus 8:35

Koon kamell peskro djipen te rikrell, kova nashrell les. Koon ap miro drom mantsa djala oun i menshenge miro lab penella, oun vell doleske moulo dino, kova lell o djipen pale.

Louka 21:12

Glan ko tsiro, kay kova lauter vella, lenn yon t'men palla, oun taprenn t'men. Yon anenn t'men glan i čačepangre an i biboldengre kangria oun vitsrenn t'men an o stilepen. T'mer patsenn ap mande. Doleske anenn le t'men glan i bare rayende oun glan i pralstunende, te rakrenn yon i phagi vin pral t'mende.

Louka 21:17

Hakeno hi rhoyedo ap t'mende doleske, kay patsenn t'mer ap mande.

Louka 6:22

Barhtele han t'mer, te venn i menshe rhoyedo ap t'mende, oun čivenn t'men pale, oun praasenn t'men, oun rakrenn čilačes pral t'mende, oun kova lauter krenn le doleske, te patsenn t'mer ap o Menshengro Čaveste!

Louka 9:24

Koon kamell peskro djipen te rikrell, kova nashrell les. Koon peskro djipen mange nashrella, lell les mandar pale.

Johanni 15:21

T'mer han miro. Doleske hi yon čilačo ap t'mende. Yon prindjrenn koles gar, kay bičras man.

Johanni 9:28

Koy čingran yon ap leste oun penan: “Tiro sikepaskro hi lo. Maro sikepaskro hi o Mose.

Bičepangre 9:16

Me kamau leste te sikrell, kay hounte lell yob boud douka mange ap peste.”

Remarja 8:36

An o Debleskro lab hi činlo: Mer ham tiro. Doleske kamenn le men hako tsiro te marell. Yon dikenn ap mende, har te vams bakre, hoy venn maredo.

1. Korintarja 4:10

Mer rakrah o Yezous Kristestar. Oun doleske ham dinele glan i menshengre yaka. T'mer patsenn ap o Yezous Kristeste, oun doleske han goseve. Mer ham gar zorele, oun t'mer han zorele. Men sharenn le gar. T'men sharenn le.

2. Korintarja 4:11

Hako tsiro ham mer glan o merepen tardo. Te merah, merah o Yezouseske, te vell ninna o djipen diklo, hoy o Yezous men della, ninna te meras.

Filiparja 1:29

O Devel hi t'menge lačo, oun das t'men o patsepen ap o Yezous Kristeste, oun gar o patsepen kokres. Na-a, dran o patsepen ap leste, hounte lenn t'mer ninna douka ap t'mende.

1. Petro 2:23

Te čingran le ap leste, čingras yob gar pale. Te dan le les, das lo len gar trad. Na-a, yob čivas pes an o Debleskre vasta. Oun o Devel hi o čačepaskro ray, kay djal pal o čačepen.

1. Petro 4:14

Te praasenn le t'men doleske, kay patsenn t'mer ap o Yezous Kristeste, nay venn t'mer barhtelo. Palle nay djinenn: O Debleskro raylo Dourho hi ap t'mende čiddo.

Debleskro tsiro 2:3

T'mer dan t'maro patsepen gar pre, oun lan i pharo djipen mange ap t'mende, oun t'mer van gar khino an t'mari boudi mange.