Mateo 5:10 - O Debleskro Lab 2024 (Sinte-Manouche)

¹⁰ Kolla, kay krenn, hoy o Devel kamella, oun doleske lenn len i menshe palla, kolla hi barhtelo! Yon djivenna o Debleha khetne an o bolepen.

O Debleskro Drom 2021 (Sinte)

¹⁰ Kolla, kai krenn, hoi o Dewel kamella, un doleske lenn len i menshe palla, kolla hi bachtelo! Jon djiwenna o Debleha khetne an o bolepen.

Mateo 5:10 Iomraidhean Croise

Debleskri gili 37:12

O čilačo kamell midjak koova te krell ap koleste, kay an o čačepen tardo hi, oun sikrell leske i danda.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Mateo 10:23

Te lenn le t'men an yek foro palla, palle nashenn an i vavar foro! Čačepah, me penau t'menge, t'mer venna gar an hako foro an o them Israel yaake rah har o Mensheskro Čavo gar pale vas.

Mateo 19:14

Koy penas o Yezous ap lende: “Moukenn kol čaven pash mande te vell! Ma rikrenn len pale! Save har yon, kolen das o Devel gole, te djivenn le khetne leha an o bolepen.”

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Mateo 5:3

Barhtele hi kolla, kay djinenna, kay hi le čorvelo glan o Debleste. Yon djivenna o Debleha khetne an o bolepen oun lenn leskro bravlepen.

Markus 10:14

Har o Yezous kova dikas, vas lo rhoyedo, oun penas ap lende: “Moukenn kol čaven pash mande te vell! Ma rikrenn len pale! Save har yon, kolen das o Devel gole, te djivenn le khetne leha an o bolepen.

Markus 10:30

kova lell sheel kope yaake boud pale. Kanna, an kava tsiro lell lo khera oun phralen oun phenyen oun daya oun čaven, oun i kotar phoub. Ninna vell lo palla lino. An ko tsiro, hoy vella, lell lo o djipen, hoy gar pre-herella.

Louka 21:12

Glan ko tsiro, kay kova lauter vella, lenn yon t'men palla, oun taprenn t'men. Yon anenn t'men glan i čačepangre an i biboldengre kangria oun vitsrenn t'men an o stilepen. T'mer patsenn ap mande. Doleske anenn le t'men glan i bare rayende oun glan i pralstunende, te rakrenn yon i phagi vin pral t'mende.

Louka 22:29

Oun me kamau, te venn t'mer mantsa khetne raya, yaake har miro dad an o bolepen kamella, te vap o baro ray pral i menshende.

Louka 6:20

Oun o Yezous dikas ap peskre malende oun penas: Barhtele han t'mer čorvele! T'mer djivenna o Debleha khetne an o bolepen oun lenn leskro bravlepen.

Louka 6:22

Barhtele han t'mer, te venn i menshe rhoyedo ap t'mende, oun čivenn t'men pale, oun praasenn t'men, oun rakrenn čilačes pral t'mende, oun kova lauter krenn le doleske, te patsenn t'mer ap o Menshengro Čaveste!

Johanni 15:20

Rikrenn an t'maro shero, hoy me t'menge penom: I boudepaskro hi gar bareder har leskro ray. Lan man yon palla, lenn yon t'men ninna palla. Te shounan yon ap kova, hoy me lenge penom, shounenn yon ninna, hoy t'mer lenge penenna.

Bičepangre 5:40

Palle dan yon o Yezouseskre bičepangren gole, dan len dava i čoupniyah, oun dan len trad, te rakrenn le bouder gar o Yezousestar. Oun palle moukan le len te djal.

Bičepangre 8:1

His mishto an o Sauleskre yaka, te maran le les. Pal ko dives lan le i patslen zoreles palla an o foro Yerusalem. Oun i patsle nashan an o them Youdea oun an o them Samaria. I Yezouseskre bičepangre ačan an o foro Yerusalem.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

Filiparja 1:28

Ma darenn kolendar, kay kamenn gar o Yezous Kristes, oun kay rhan pen ap t'mende! Te han zorelo an o patsepen tardo, sikrell kova lende, te djan yon nashedo, oun te lenn t'mer o djipen an o bolepen, hoy vella o Deblestar.

2. Timoteo 2:12

Te rikrah vin an o patsepen, vah mer raya leha an o bolepen. Te dah mer les bourhoste, dell yob men ninna bourhoste.

2. Timoteo 3:11

Tou djineh, har lan le man palla an i forya Antiochia, Ikonion oun Listra. Oun tou djineh, have douka yon mange kran. Oun kova lauter rikrom vin. Oun dran lauter kova las man o ray Yezous vin.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 5:11

Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.

1. Johanni 3:12

Mer hounte vas gar har o Kayn. Kova his o bengestar oun maras peskro phrales. Hoske maras lo les? Leskro phraal kras, hoy lačo his. Oun o Kayn kras, hoy čilačo his. Doleske maras o Kayn peskro phrales.

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!