Mateo 4:7 - O Debleskro Lab 2024 (Sinte-Manouche)

⁷ Penas o Yezous: “Ninna hi an o Debleskro lab činlo: Rike o Debles gar dineleske, te sikrell lo tout har zorelo yob hi.”

O Debleskro Drom 2021 (Sinte)

⁷ Penas o Jesus: “Ninna hi an o Debleskro lab tchinlo: Rike o Debles gar dineleske, te sikrell lo tut har sorelo job hi.”

Mateo 4:7 Iomraidhean Croise

Debleskri gili 106:14

An o moulo them lan le bok pal o mass, oun patsan gar, te nay dell o baro Devel len lauter, hoy len hounte vell djipaske.

Debleskri gili 78:18

An pengre djia patsan le gar, te nay dals len o Devel ko rhapen, pal kova len bok his.

Debleskri gili 78:41

Pale te pale kaman le te dikell, hoy yob hayvella. Yaake dan le leske an o dji, koleske, kay kokres o čačo Devel hi, o Devel pral o Israel.

Debleskri gili 78:56

Kolla hadan pen pale te pale ap o Debleste, ko pralstuneste, oun kaman gar ap leste te shounell, oun rikran gar leskre laba.

Debleskri gili 95:9

Fothe dikan le lauter, hoy lenge krom, patsan le gar, te hom me, o Devel, mank lende, oun nay dau len lauter, hoy len hounte vell djipaske.

2. Mose 17:2

Oun yon čingran ap o Moseste oun penan: “De men pani te piyell!” Oun o Mose penas: “Hoske čingrenn t'mer ap mande? Hoske patsenn gar, te hi o baro Devel pash mende oun dell men kova, hoy men hounte vals?”

2. Mose 17:7

Koy platsa, kay i menshe čingran ap leste oun kay yon gar patsan, te hi o baro Devel pash lende oun dell len kova, hoy len hounte vell, koy platsa das o Mose i laba Massa oun Meriba.

Jesaja 8:20

Rikrenn t'men ap o Debleskro drom, oun ap kova, hoy yob t'mende sikrell! Te penenn i menshe t'menge vavar koova, palle vell lenge kek momeli ap lengro drom.

Maleachi 3:15

Doleske sharas mer kolen, kay phourdenn pen pre pral o baro Debleste. Kol čilačenge djal mishto. Ninna te krenn le, hoy o Devel gar kamell, krell lo lenge či. Kek bibarht vell pral lende.

4. Mose 14:22

Kol tsele morsha, kay dikan miro raylepen oun ko baro oun zorelo koova, hoy krom an o them Egiptia oun an o moulo tato them, oun kaman boud kope gar te patsell, kay hom lentsa, oun shounan gar ap kova, hoy me penom,

Mateo 21:16

oun penan ap leste: “Shouneh tou, hoy kol čave kote penenna?” “Ava,” penas o Yezous ap lende, “me shounau len. Djinenn t'mer gar, hoy an o Debleskro lab činlo hi: Tou, o Devel, kral, te sharenn tout i čave oun i terne.”

Mateo 21:42

Penas o Yezous ap lende: “Djinenn t'mer gar, hoy an o Debleskro lab činlo hi? Kote hi činlo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne. O Devel kras kova, oun kova hi i baro koova menge.

Mateo 4:10

Koy penas o Yezous ap leste: “Dja touke mandar, tou beng! An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

Mateo 4:4

Penas o Yezous: “An o Debleskro lab hi činlo: O maro kokres rikrell i menshes gar djido. Yob djivell dran hako lab, hoy o Devel rakrella.”

Louka 4:12

Koy penas o Yezous ap o bengeste: “O Debleskro lab penella: Rike o Debles gar dineleske, te sikrell lo tout, har zorelo yob hi!”

Bičepangre 15:10

Kamenn t'mer, te vell o Devel rhoyedo ap t'mende? Ma čivenn pharo koova ap lende, kay nay hidjran mare phoure gar, oun mer vitar gar!

Bičepangre 5:9

O Petro penas ap late: “Hoske kran t'mer kova vin, oun rhorhran o Debles? Kol morsha, kay paskran tiro romes, hi glan o voudar tardo, oun hidjrenn ninna tout vin.”

1. Korintarja 10:9

Ma rhoyrenn o Yezous Kristes, har kolla an o phouro tsiro o Debles rhoyran, har kran le, har te vals les kek zoor. Oun i sapa dandran len. Oun yon meran.

5. Mose 6:16

Ma krenn yaake, har te vals o baro Devel gar pash t'mende oun dals t'men gar kova, hoy t'men hounte vell djipaske, yaake har kova kran, har hans an o foro Massa!

Hebrearja 3:9

Ninna te dikan le star-deesh bersha, hoy me, o Devel, lenge krom, patsan le man gar, oun mire laba his lenge či moldo.