Mateo 4:3 - O Debleskro Lab 2024 (Sinte-Manouche)

³ Koy vas o beng pash leste, oun penas: “Te hal tou o Debleskro čavo, rake ap kol barra, te vell lendar maro!”

O Debleskro Drom 2021 (Sinte)

³ Koi was o beng pash leste, un penas: “Te hal tu o Debleskro tchawo, rake ap kol barra, te well lendar maro!”

Mateo 4:3 Iomraidhean Croise

2. Mose 16:3

Oun yon penan: “Vals feteder, te dals men o baro Devel moulo an o them Egiptia, har hams beshdo pash i pirya pherdo mass, oun kay his men doha maro, te nay rham men čalo. T'mer anan men kate an o moulo tato them, te meras halauter i bokatar.”

Mateo 14:33

Kolla, kay an o bero his, vitsran pen glan o Yezouseste tele, oun penan: “Čačepah, tou hal o Debleskro čavo.”

Mateo 16:16

Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

Mateo 26:63

O Yezous penas či. Pale penas o baro rashay ap leste: “Glan o djido Devel, pen menge: Hal tou ko baro ray, kolestar o Devel penas, te vell yob? Hal tou o Debleskro čavo?”

Mateo 3:17

Oun i rakepen dran o bolepen penas: “Kava hi miro čavo, koles me kamau. Pral leste hom me barhtelo.”

Markus 1:1

Kova hi o lačo lab o Yezous Kristestar. Yob hi o Debleskro čavo.

Markus 3:11

Oun har kol menshe, kay benga an lende his, les dikan, peran yon glan leste tele, oun dan gole: “Tou hal o Debleskro čavo!”

Markus 5:7

Oun o Yezous penas ap o bengeste: “Tou beng, dja vin dran kava morsheste!” Koy das yob bari gole: “Yezous, tou čavo o baro Deblestar, hoy kameh tou mandar? Me mangau tout pash o Debleste: Ma douke man gar!”

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Louka 22:70

Penan yon: “Hal tou o Debleskro čavo?” Penas yob: “Ava, hi yaake har t'mer penan. Me hom kova.”

Louka 4:3

Oun o beng penas ap leste: “Te hal tou o Debleskro čavo, pen ap ko bar, te vell lestar i kotar maro!”

Louka 4:41

Oun dran boud menshende, kay his benga an lende, djan i benga vin. Oun har yon vin van, dan le gole: “Tou hal o Debleskro čavo.” Oun o Yezous das len trad, oun moukas len gar te rakrell. I benga djinan, kay yob ko baro ray hi, kolestar o Devel penas, te vell yob.

Louka 4:9

Pal kova anas les o beng an o foro Yerusalem, oun čivas les ap o Debleskro baro kheer pral pre, oun penas ap leste: “Te hal tou o Debleskro čavo, mouk tout tele te perell!

Johanni 1:34

Me dikom kova halauter. Doleske nay penau me ninna: Kava morsh hi o Debleskro čavo.”

Johanni 1:49

“Sikepaskro,” penas o Natanael, “tou hal o Debleskro čavo. Tou hal o baro ray pral Israel.”

Johanni 20:31

Kava vas činlo, te patsenn t'mer, kay o Yezous ko baro ray hi, kolestar o Devel penas, te vell yob. Yob hi o Debleskro čavo. Oun te patsenn ap leste, lenn t'mer o čačo djipen lestar.

Johanni 9:35

O Yezous shounas, kay yon les vin vitsran. Oun har yob les hatsas, poučas lo lestar: “Patseh tou ap o Menshengro Čaveste?”

Bičepangre 9:20

oun rakras an i biboldengre kangria, oun sikras len, kay o Yezous o Debleskro čavo hi.

2. Korintarja 1:19

O Debleskro čavo, o Yezous Kristo, kolestar o Silvano, o Timoteo oun me t'menge penam, yob rikras ninna peskre laba. Lauter hi čačo, hoy yob penas.

Galatarja 2:20

Kova hom gar me, kay djivau kanna. Hi o Yezous Kristo, kay djivell an mande. Oun ko djipen, hoy kanna djivau, djivau me an o patsepen ap o Debleskro čaveste. Yob kamas te djivap, oun das peskro djipen mange an o merepen.

1. Tessalonikarja 3:5

Doleske rikrom kova bouder gar vin, oun bičrom o Timotes pash t'mende, te nay penell lo mange, har han tardo an t'maro patsepen. Man his traash, te anals t'men o beng o Debleskro dromestar tele. Palle vals mari boudi pash t'mende čičeske.

Hebrearja 12:16

Denn garda, te krell kek t'mendar vi-ladjedo koova, vitar gar, te djivell yek har o Esau, koleske o Debleskro lačepen či moldo his! Yob his o phoureder čavo, oun les hi o čačepen, te lell lo peskro dadeskro bravlepen pal koleskro merepen. Vas i dives, kay vas les bok, oun yob bikras ko čačepen, te lell lo i čaro lačo rhapen.

Hebrearja 4:14

Men hi i baro rashay. Kova hi o Yezous, o Debleskro čavo. Yob djas pash o Debleste an o bolepen, te mangell lo les menge. Doleske moukas mer gar tele, te rikras zoreles ap maro patsepen.

Hebrearja 7:3

An o Debleskro lab hi či činlo pral leskro dadeste oun leskri date. Či hi koy činlo pral leskre phourende, vitar gar pral ko dives, kay yob boldo vas, oun kay yob meras. Yaake ačell lo o baro rashay hako tsireske, har o Debleskro čavo.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!