Mateo 4:10 - O Debleskro Lab 2024 (Sinte-Manouche)

¹⁰ Koy penas o Yezous ap leste: “Dja touke mandar, tou beng! An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

O Debleskro Drom 2021 (Sinte)

¹⁰ Koi penas o Jesus ap leste: “Dja tuke mandar, tu beng! An o Debleskro lab hi tchinlo: Tu mangess o Debles an, – job hi tiro rai, – un wess leske kokres koi!”

Mateo 4:10 Iomraidhean Croise

1. Familjakro liil 21:1

Oun o beng kamas čilačepen te krell ap i menshende Israel. Yaake das lo o Davideske an o dji, te hatsell lo vin, har boud morsha an Israel hi, kay nay djan an o kourepen.

Hiob 1:12

Kote penas o baro Devel ap o beng: “Mishto! Halauter, hoy les hi, dau an tiro vast. Les kokres ma tape an!” Pal kova djas o beng krik o baro Deblestar.

Hiob 1:6

Oun vas i dives, kote van i tsele bolepangre pash o baro Debleste khetne, oun čivan pen tardo glan leste. Ninna o beng his mashkral lende.

Hiob 2:1

Oun vas o dives, kay van i bolepangre pale khetne pash o baro Debleste oun čivan pen tardo glan leste. Oun o beng his ninna pale mashkral lende.

Debleskri gili 109:6

Čip i čilačes pral leste, kay dell les gar o čačepen. Čip yekes ap leskri čači rig, kay anell doosh ap leste pre!

2. Mose 23:25

Mangenn man, t'maro baro Debles, kokres an! Palle krau, te hi t'men doha maro oun boud pani. Oun me lau hako nasslepen, hoy mashkral t'mende hi, t'mendar krik.

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Mateo 16:23

O Yezous rissras pes trouyel, oun penas ap o Petreste: “Dja touke, tou beng! Tou kameh man o Debleskro dromestar tele te anell. Tou kameh gar, hoy o Devel kamella. Na-a, tou kameh, hoy i menshe kamenna.”

Markus 1:13

Oun kote ačas lo star-deesh divessa. Oun o beng kamas les o Debleskro dromestar tele te anell. Kote his ninna divye firhe. Oun i bolepangre van oun his leske koy.

Louka 10:18

Koy penas o Yezous ap peskre malende: “Me dikom o benges, har peras lo dran o bolepen har i yag.

Louka 11:18

Te tradell o beng i vavar benges vin, djal leskri zoor paash. T'mer penan mange, kay me tradau i bengen dran o bengeskri zoor vin.

Louka 13:16

Kate hi kay djouvel, kay patsell ap o Debleste yaake, har o Abraham kova kras: Oun yoy his deesh-te-orhta bersha o bengestar pandlo. Hoske te vell li gar ap o Debleskro dives sasto kerdo?”

Louka 22:3

Koy djas o beng an o Youdas Iskariot dren. Kova his yek kol deesh-te-douyendar.

Louka 22:31

“Simon, Simon, shoun, hoy me touke penau: O beng las t'men an o yak oun kamas te dikell, har zorelo t'maro patsepen hi.

Louka 4:8

Koy penas o Yezous: “An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

Johanni 13:27

Har o Youdas ko kotar maro las, vas o beng an leste. “Hoy kameh te krell, kova kre sik!” penas o Yezous ap leste.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Bičepangre 5:3

O Petro penas ap o Ananias: “Hoske kral tou o bengeske tiro dji pre? Hoske rhorhral tou o Debleskro Dourhes, oun rikral love touke?

1. Korintarja 5:5

te merell leskro phouro djipen an leste, yaake te djal ko mensho gar nashedo ap ko dives, kay vell maro ray Yezous pale.

1. Korintarja 7:5

Kek t'mendar te rikrell pes kol vavarestar pale! T'mer nay rikrenn t'men i tikno tsiro pale, te kamenn t'mer douy kova, te mangenn o Debles an. Oun pal kova avenn pale khetne har rom oun romni! Te krenn t'mer kova gar, palle nay vell, te han bouder gar o ray pral t'mende oun perenn an o bengeskro vast.

2. Korintarja 11:14

Pral kolende hounte krenn t'mer kek bare yaka. Ninna o beng krell yaake, har te vals lo o Debleskro bolepaskro.

2. Korintarja 12:7

O Devel kamella, te vap gar pre-phourdo pral ko baro bolepaskro koova, hoy moukas lo man te dikell. Doleske moukas o Devel čomone ap mande te vell, hoy doukrell man har i soubyengro kasht an miro mass. Kova hi har te dals man i bengeskro kourepaskro dava, te vap gar pre-phourdo.

2. Korintarja 2:11

Me kamau gar te taprell men o beng. Mer djinah mishto, hoy koles hi an leskro shero.

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

Jakobo 4:7

Doleske, shounenn ap o Debleste! Krenn lauter, hoy yob kamella! Ma krenn, hoy o beng kamella! Yaake nashell o beng t'mendar.

Josua 24:14

Oun o Yosua penas doureder: “Pash halauter, hoy krenn, rikrenn t'menge o baro Debles glan i yaka! Mangenn les an i djoudjo oun čačo djiyeha! Čivenn i rhorhene deblen krik, kolen t'mare phoure an-mangan, har his le ap i vavar rig o panyestar Eufrat oun an o them Egiptia. Mangenn kokres o baro Debles an!

1. Petro 5:9

Ma krenn, hoy o beng t'mendar kamella! Ačenn zoreles an o patsepen! T'mer hounte djinenna, kay lenn le t'mare phralen oun phenya ap i tseli phoub ninna yaake palla har t'men.

1. Samuel 7:3

Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”