Mateo 3:3 - O Debleskro Lab 2024 (Sinte-Manouche)

³ O Yohanni hi ko morsh, kolestar o Debleskro rakepaskro, o Yesaya, penas: Kote hi yek, kay an o moulo them gole della oun penella: Krenn o drom o Debleske, te nay vell lo pash i menshende! Lenn halauter krik, hoy o Debleske an o drom čiddo hi.

O Debleskro Drom 2021 (Sinte)

³ O Johanni hi ko mursh, kolestar o Debleskro rakepaskro, o Jesaja, penas: Kote hi jek, kai an o mulo them gole della un penella: Krenn o drom o Debleske, te nai well lo pash i menshende! Lenn halauter krik, hoi o Debleske an o drom tchiddo hi.

Mateo 3:3 Iomraidhean Croise

Jesaja 40:3

Shounenn! Koy dell yek gole: “Krenn o baro Debleske o drom an o moulo tato them, te nay vell lo pash i menshende! Lenn halauter krik, hoy maro Debleske an o drom čiddo hi!

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

Markus 1:3

Koy hi yek an o moulo them, kay dell gole: Krenn maro Debleske o drom, te nay vell lo pash i menshende! Lenn halauter krik, hoy o Debleske an o drom čiddo hi!

Louka 1:17

Oun yob hi pherdo Debleskri zoor yaake har o Eliya, oun yob krell i drom pre o Debleske. Oun yob krella, te lenn i dada pale i dji pengre čavenge. Oun kolla, kay shounan gar ap o Debleste, kolen anell yob pale ap o čačo drom. Oun yaake krell lo, te hi i menshen djia, kay pre hi lengro Debleske.”

Louka 1:76

Oun tou miro čavo, tou veh ninna i Debleskro rakepaskro. Oun tou djah glan o Debleste, oun kreh leske i drom pre, te vell lo nay pash i menshende.

Johanni 1:23

Yob penas: “Me hom kova, kay dell gole an o moulo them: Lenn halauter krik, hoy o Debleske an o drom čiddo hi. Yaake penas kova o Debleskro rakepaskro, o Yesaya, glan i rah tsiro.”