Mateo 3:11 - O Debleskro Lab 2024 (Sinte-Manouche)

¹¹ Me čivau t'men an o pani. Kova sikrella, kay t'mer moukan t'maro čilačo drom, oun djan kanna ap o Debleskro drom. Pal mande vell yek, kova hi zorleder har me. Oun me hom gar moldo, te hidjrap leskre kirrha leske. Kova čivell o Debleskro Dourho ap t'mende. Kova hi har i yag.

O Debleskro Drom 2021 (Sinte)

¹¹ Me tchiwau tumen an o pani. Kowa sikrella, kai tumer mukan tumaro tchilatcho drom, un djan kanna ap o Debleskro drom. Pal mande well jek, kowa hi sorleder har me. Un me hom gar moldo, te hidjrap leskre kircha leske. Kowa tchiwell o Debleskro Ducho ap tumende. Kowa hi har i jag.

Mateo 3:11 Iomraidhean Croise

Jesaja 4:4

Kova vella, te thovell o Devel i čik tele i menshendar, kay djivenn an Sion, oun lell koy phari doosh krik dran Yerusalem. Te krell lo kova, hi kova har i yag, hoy rhačell ko tselo djoungelo koova krik.

Jesaja 44:3

Me čorau pani ap o them, koles troush hi, oun lengste panya nashenn an o trouk them. Miro dourho čorau ap kolende, kay toutar venna, oun miro lačepen ap tire čavende.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

Mateo 3:6

Oun yon penan glan i menshende havo čilačo koova yon kran, oun moukan pen lestar an o pani Yordan te taufrell.

Markus 1:4

Kova his o Yohanni, kova, kay taufras i menshen. Yob his an o moulo them, oun penas i menshenge: “Moukenn t'maro čilačo drom! Djan ap o Debleskro drom! Oun moukenn t'men te taufrell! Oun o Devel lell t'mari doosh t'mendar krik!”

Louka 1:17

Oun yob hi pherdo Debleskri zoor yaake har o Eliya, oun yob krell i drom pre o Debleske. Oun yob krella, te lenn i dada pale i dji pengre čavenge. Oun kolla, kay shounan gar ap o Debleste, kolen anell yob pale ap o čačo drom. Oun yaake krell lo, te hi i menshen djia, kay pre hi lengro Debleske.”

Louka 3:16

Koy penas o Yohanni ap lauterende: “Me čivau t'men an o pani. Yek vella, kova hi zorleder har me. Me hom gar moldo, te krap leskre kirrha pre. Yob čivell o Debleskro Dourho ap t'mende, oun krell t'men djoudjo, har i yag o saster djoudjo krella.

Louka 3:3

Oun o Yohanni djas an o them pash o pani Yordan trouyel, oun penas i menshenge: “Moukenn t'maro čilačo drom! Oun djan ap o Debleskro drom! Oun moukenn t'men te taufrell! Oun o Devel lell t'mari doosh t'mendar krik.”

Johanni 1:15

O Yohanni rakras lestar, oun das gole: “Yob hi kova, kolestar penom: Kova, kay pal mande vella, hi pral mande. Yob his glan mande koy.”

Johanni 1:30

Kava hi ko morsh, kay penom lestar: Pal mande vella i morsh, ko his pral mande. Yob his koy, har me gar koy homs.

Bičepangre 1:5

Har o Yohanni taufras t'men, čivas lo t'men an o pani. O Devel čivell o Debleskro Dourho ap t'mende. Oun o tsiro vell sik, kay kova vella.”

Bičepangre 19:4

Koy penas lenge o Paulo: “O Yohanni taufras kolen, kay kaman te sikrell, kay moukan le pengro phouro djipen. Oun yob penas i menshenge, te hounte patsenn le ap koleste, kay pal leste vella. Oun kova hi o Yezous.”

Bičepangre 8:36

Koy van le pash o pani, oun ko pralstouno penas: “Koy hi pani. Hi mange čomone an o drom čiddo, te moukap man te taufrell?”

Bičepangre 8:38

Oun yob penas, te ačell ko vourdin tardo. Oun kol douy, o Filipo oun o pralstouno, djan khetne an o pani, oun o Filipo taufras les.

1. Korintarja 12:13

Kolla, kay ap o Yezous Kristeste patsenna hi bibolde oun kolla, kay kek bibolde hi, hi raya oun boudepangre. Kolla lauter lan o Debleskro Dourho. Ko Dourho anas len lauteren khetne.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Tito 3:5

oun anas men pash peste. Hams gar moldo, te kras yob kova. Ninna te kram gar lačo oun čačo koova, his o Debles i baro dji menge. Doleske thovas lo mari doosh mendar tele, oun mer vam leskre čave. Kava nevo djipen das men o Debleskro Dourho.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.