Mateo 28:3 - O Debleskro Lab 2024 (Sinte-Manouche)

³ Leskro mouy rhačas har i zoreli momeli. Oun leskro ripen his parno har i gib.

O Debleskro Drom 2021 (Sinte)

³ Leskro mui chatchas har i soreli momeli. Un leskro ripen his parno har i gib.

Mateo 28:3 Iomraidhean Croise

Debleskri gili 104:4

O dourho, hoy phourdell tel o bolepen, hi tiro bičepaskro. Oun i yag hi tiro boudepaskro.

Daniel 7:9

Oun me dikom har bare rayengre beshepangre pre-čiddo van. Oun yek, kay boud phouro his, beshas pes. Leskro ripen his parno har gib. Oun leskre balla ap leskro shero his parno har bakrengro bal. Oun leskri beshepaskri his har i bari yag. Oun i rade tel i beshepaskri his har i yag, hoy pre oun tele djal.

Mateo 17:2

Oun glan lengre yaka las lo i bolepaskro raylepen. Leskro mouy vas har o kham. Oun leskro ripen vas biyalo har i bari momeli.

Mateo 28:4

Kol lourde, kay kote yak dan, tapran savi daar, te peran le ap i phoub, oun ačan kote čiddo, har te vans le moulo.

Markus 16:5

Oun yon djan an o moulengro kheer dren. Kote dikan le i terno morshes ap i čači rig beshdo, koles his troul peste i lengsto biyalo ripen. Oun yon trashan.

Markus 9:3

Oun leskre koola van rayles biyalo, yaake biyalo, har kek ap i phoub nay thovell len biyalo.

Johanni 20:12

Kote, kay o Yezous čiddo his, dikas yoy douy bolepangren an parne ripya beshdo. Ko yek his kote, kay leskro shero čiddo his, oun ko vavar, kay leskre herya his.

Bičepangre 1:10

Har yon leske palla dikan, har yob an o bolepen djas, his douy morsha an biyale ripya pash lende tardo.

Debleskro tsiro 10:1

Oun me dikom i vavar zorelo bolepaskres dran o bolepen tele te vell. I folka his troul leste har i ripen. Oun i brishineskro bogo his ap leskro shero. Leskro mouy his har o kham, oun leskre herya har dran yag.

Debleskro tsiro 18:1

Pal kova dikom i vavar bolepaskres, kay dran o bolepen tele vella. Koles his i bari zoor. Oun i phoub vas pherdo leskro raylepen.