Mateo 27:63 - O Debleskro Lab 2024 (Sinte-Manouche)

⁶³ oun penan ap leste: “Ray, menge djas an maro shero trouyel, te penas ko rhorheno, har yob djivas: Pal triin divessa krell o Devel man djido.

O Debleskro Drom 2021 (Sinte)

⁶³ un penan ap leste: “Rai, menge djas an maro shero trujel, te penas ko chocheno, har job djiwas: Pal triin diwessa krell o Dewel man djido.

Mateo 27:63 Iomraidhean Croise

Mateo 16:21

Oun ap ko tsiro penas o Yezous peskre malenge, te hounte djal lo an o foro Yerusalem. Oun yob penas lenge: “Me hounte lap boud douka ap mande. I bare rashaya, oun i biboldengre phoureder oun čačepangre, kolla marenn man. Oun pal triin divessa krell man o Devel djido.”

Mateo 17:23

Oun yon marenn les. Pal triin divessa vell lo o Deblestar djides kerdo.” Oun ko lab doukas len an o dji.

Mateo 20:19

Yon denn les an i vasta kolendar, kay kek bibolde hi. Oun kolla praasenn les, denn les dava i čoupniyah, oun denn les ap o troushel, te merell lo. Pal triin divessa krell o Devel les pale djido.”

Mateo 26:61

oun penan: “Kava morsh penas, te nay phagell lo o Debleskro baro kheer tele, oun te nay čivell lo les an triin divessa pale pre.”

Mateo 27:64

Dran kova pen tire lourdenge, te denn le kol triin divessa ap ko moulengro kheer yak! Yaake te nay čorenn leskre mala les gar, oun te penenn le i menshenge gar: Yob stas i moulendar pre. Kova vals i bareder rhorhepen har lauter kova, hoy yob penas.”

Mateo 28:6

Yob hi gar kate. O Devel kras les i moulendar djido, yaake har yob penas. Avenn oun dikenn, kay yob čiddo his!

Markus 10:34

Kolla praasenn les, čoungrenn ap leste, denn les i čoupniyah, oun marenn les. Pal triin divessa stell lo pale i moulendar pre.”

Markus 8:31

Oun o Yezous penas peskre malenge: “O Mensheskro Čavo hounte lell boud douka ap peste. Oun i biboldengre phoureder oun čačepangre oun i bare rashaya čivenn les ap i rig. Oun yob hounte vell maredo. Oun pal triin divessa stell lo pale i moulendar pre.”

Markus 9:31

Oun yob penas peskre malenge: “O Mensheskro Čavo vell an i menshengre vasta dino, oun yon marenn les. Oun ap o triinto dives pal leskro merepen, stell yob pale i moulendar pre.”

Louka 18:31

Oun o Yezous las i deesh-te-douy ap i rig oun penas lenge: “Shounenn! Mer djah kanna an o foro Yerusalem. Kote vell lauter čačo, hoy o Debleskre rakepangre pral o Menshengro Čaveste činan:

Louka 18:33

Yon denn les i čoupniyah, oun marenn les. Oun pal triin divessa krell o Devel les djido.”

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Louka 9:22

Oun yob penas: “Me, o Mensheskro Čavo, hounte lap boud douka ap mande. I bare rashaya oun i biboldengre phoureder oun čačepangre čivenn man ap i rig. Oun me hounte vap moulo dino, oun pal triin divessa krell man o Devel djido.”

Johanni 2:19

Penas o Yezous ap lende: “Phagenn kava Debleskro kheer tele! Me krau an triin divessa i nevo kheer.”

Johanni 7:12

Ninna kol boud menshe, kay van koy, rakran pral leste. His menshe mashkral lende, kay penan: “Yob hi i lačo morsh.” Vavar penan: “Na-a, yob rhorhella i menshen.”

Johanni 7:47

“Rhorhas lo t'men ninna?” poučan kol Farisarya.

2. Korintarja 6:8

Hi menshe koy, kay sharenn men, oun vavar, kay praasenn men. Hi menshe, kay rakrenn djoungeles pral mende, oun vavar, kay rakrenn kamles pral mende. Ko yek penell: “Rhorhene!” ap mende, kol vavar djinenn, mer penah o čačepen.