Mateo 27:41 - O Debleskro Lab 2024 (Sinte-Manouche)

⁴¹ Oun ninna i bare rashaya, i biboldengre čačepangre oun phoureder san pral leste, oun penan:

O Debleskro Drom 2021 (Sinte)

⁴¹ Un ninna i bare rashaja, i biboldengre tchatchepangre un phureder san pral leste, un penan:

Mateo 27:41 Iomraidhean Croise

Hiob 13:9

Patsenn t'mer, te djal kova t'menge mishto, te lell lo t'men an o yak? Moukell lo pes t'mendar te rhorhell, har te vals lo i mensho?

Debleskri gili 35:26

Kre, te ladjenn le pen, oun nay hadenn pengro shero gar pral, kolla lauter, kay hi barhtelo pral miri bibarht! Mou vell praasepen oun ladj ap lende, kay hadenn pen pral mande.

Jesaja 28:22

Kanna, ma san bouder pral mire laba, te venn i shelle troul t'mende gar gomme zorleder khetne pandlo. O baro Devel, ko ray pral o bolepen oun i phoub, moukas man te djinell, te las lo pes glan, te vell o merepen pral o tselo them.

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Zakarie 11:8

Oun an yek čon krom me, te hounte djan penge kol triin vavar bakrengre. Me nay dikom len bouder gar glan i yaka. Oun yon his rhoyedo ap mande.

Mateo 27:40

Oun yon penan ap o Yezouseste: “Tou kamal o Debleskro baro kheer tele te phagell, oun an triin divessa pale pre te čivell. Tou te hal o Debleskro čavo, kre touke, hoy kral i vavarenge oun ab kava troushelestar tele!”

Mateo 27:42

“Vavaren las yob dran o merepen vin. Pes kokres nay lell lo gar dran o merepen vin. Te hi lo o baro ray pral o Israel, palle vell lo kanna o troushelestar tele. Palle patsah ap leste.

Louka 18:32

Yon denn les an i vasta kolendar, kay kek bibolde hi. Oun kolla praasenn les, denn les dava oun čoungrenn ap leste.

Louka 22:52

Oun o Yezous penas ap i bare rashayende oun ap i pralstunende pral o Debleskro baro kheer oun ap i biboldengre phoureder, kay pash leste van: “T'mer van rharentsa oun kashtentsa pash mande, har te voms i marepaskro.

Louka 23:35

Oun i menshe, kay koy pashel tardo his, dikan kova lauter, hoy o Yezouseha djas. Kol pralstoune bibolde, kay kote tardo hi, san pral leste, oun penan: “Vavaren las yob dran o merepen vin. Te hi lo čačepah o Kristo, ko baro ray, kones o Devel vin rodas, te vell lo pash mende, palle nay djals yob o troushelestar tele.”