Mateo 27:30 - O Debleskro Lab 2024 (Sinte-Manouche)

³⁰ Oun yon čoungran ap leste, lan leske o kasht dran o vast, oun dan les leske ap o shero.

O Debleskro Drom 2021 (Sinte)

³⁰ Un jon tchungran ap leste, lan leske o kasht dran o wast, un dan les leske ap o shero.

Mateo 27:30 Iomraidhean Croise

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Jesaja 50:6

Me rikrom kolenge miro doumo, kay dan mange dava, oun rikrom mire čamya kolenge koy, kay tserdan balla dran miri čora. Me khatrom gar miro mouy, har praasan le man oun čoungran ap mande.

Jesaja 52:14

His i tsiro, kay dikan boud menshe darenes ap leste, yaake dino dikas lo vin, te dikas lo bouder gar har i mensho vin, ava, djoungleder dino har hako vavar morsh.

Jesaja 53:3

I menshe dikan tele ap leste, oun čivan les ap i rig. I morsh pherde douka oun nasslepen his lo. I grerho his lo lenge, glan koleste yon pengro shero krik rissran. Oun menge his lo či-moldo.

Jesaja 53:7

Yob vas phares dino, oun rikras kova vin, oun das kek gole. Har sau terno bakro his lo, koles yek koy anella te vell lo maredo. Oun har sau bakro, hoy gar gole dell, te venn lestar i balla tele činlo. Yaake kras yob peskro mouy gar pre.

Micha 5:1

Tou foro Betlehem an Efrata, kay hal tikno mank i forya an o them Youda, dran toute vell mange kova, kay hi o ray an o them Israel. Glan hako tsiro his yob. An i phoure divessa his lo koy.

Mateo 26:67

Oun palle čoungran le leske an o mouy, oun dan les ap o shero. Vavar dan les an o mouy,

Markus 10:34

Kolla praasenn les, čoungrenn ap leste, denn les i čoupniyah, oun marenn les. Pal triin divessa stell lo pale i moulendar pre.”

Markus 14:65

Koy van morsha oun čoungran leske an o mouy, pandan leske čomone troul leskre yaka, dan les oun penan ap leste: “Pen menge, koon das tout?” Oun i lourde dan les an o mouy.

Markus 15:19

Oun yon dan les i kashteha ap o shero, čoungran ap leste, oun moukan pen glan leste ap i phoub te perell, oun kran yaake, har te mangans le i baro rayes an.