Mateo 27:2 - O Debleskro Lab 2024 (Sinte-Manouche)

² Oun yon pandan les, oun anan les pash o themeskro rayeste. Leskro lab his Pilato. Yob his i Remari. An leskre vasta dan le o Yezouses.

O Debleskro Drom 2021 (Sinte)

² Un jon pandan les, un anan les pash o themeskro rajeste. Leskro lab his Pilato. Job his i Remari. An leskre wasta dan le o Jesuses.

Mateo 27:2 Iomraidhean Croise

1. Mose 22:9

Yaake van le ap koy platsa, hoy o Devel leske penas. Kote kras o Abraham i rhačepaskri o Debleske, čivas ko kasht koy pre, las peskro čaves, pandas les oun čivas les ap ko kasht pral pre.

Mateo 20:19

Yon denn les an i vasta kolendar, kay kek bibolde hi. Oun kolla praasenn les, denn les dava i čoupniyah, oun denn les ap o troushel, te merell lo. Pal triin divessa krell o Devel les pale djido.”

Mateo 28:14

O themeskro ray, te shounell lo kova, palle penah mer leske, te anan t'mer an ko koova kek doosh ap t'mende. Yaake hounte trashenn t'mer gar lestar.”

Louka 13:1

An ko tsiro van menshe pash o Yezouseste, oun penan leske kol morshendar dran o them Galilea, kay an o Debleskro baro kheer firhen o Debleske maran. Oun o Pilato maras kol menshen. Oun o menshengro rat oun o firhengro rat vas lauter khetne.

Louka 20:20

Yon lan o Yezouses an o yak. Oun yon bičran morshen, kay kran, har te vans le lačo. Oun kolla poučan boud koova lestar, te dikenn le, hoy yob penals, yaake te nay taprenn le les an leskro rakepen, oun te nay denn le les an i Remaryengre vasta.

Louka 23:1

Oun lauter stan pre, oun anan o Yezouses pash o Pilateste.

Louka 23:12

Oun ap ko dives van o Herodes oun o Pilato mala. Glan ko dives his yon rhoyedo yek ap i vavareste.

Louka 3:1

His ap ko tsiro, kay o Tiberio an o foro Rom deesh-te-panč bersha baro ray his. Oun o Pontio Pilato his o ray pral o them Youdea. Oun o Herodes his o ray pral o them Galilea. Oun peskro phraal Filipo his o ray pral i themma Iturea oun Trakonitis. Oun o Lisanio his o ray pral o them Abilene.

Johanni 18:12

Oun i lourde pengro pralstuneha oun i biboldengre kliste tapran o Yezouses oun pandan les.

Johanni 18:24

O Hannas anas les pandlo pash ko baro rashayeste Kayafas.

Johanni 18:28

Kanna anan le o Yezouses dran o Kayafeskro kheer vin, oun anan les an o baro kheer o themeskro rayestar, kay i Remari his. His taysarlake. I bibolde djan gar leha an ko baro kheer dren, te venn le gar pale-čiddo. Yon kaman te nay rhan le ko rhapen ap ko baro dives, kay kharella Passa.

Bičepangre 12:6

An i rat glan ko dives, kay kamas o Herodes les vin anell, te dell lo les i phagi, sovas o Petro mashkral douy lourdende. Yob his pandlo douy sasterne shellentsa, oun douy lourde dan yak glan o voudar.

Bičepangre 21:33

Oun ko pralstouno lourdo djas pash o Pauleste, tapras les, moukas les douy sasterne shellentsa te pandell, oun poučas halauterendar: “Koon hi kova? Oun hoy kras kova?”

Bičepangre 22:25

Har yon les pandan, te denn le les i čoupniyah, penas o Paulo ap ko baro lourdeste, kay kote pashel tardo hi: “Nay denn t'mer yekes i čoupniyah, kay hi i Remari, oun vas gomme gar glan i čačepangre anlo?”

Bičepangre 22:29

Oun kolla, kay kaman les dava te dell, djan penge sik. Oun ko pralstouno daras, har shounas lo, kay hi o Paulo i Remari, oun te moukas lo i Remares te pandell.

Bičepangre 24:27

Har douy bersha trouyel his, vas o Festo Porcio an o foro Cesarea, oun kras kanna koy boudi, hoy o Felix glan leste kras. O Felix kamas čomone te krell, hoy his mishto an i biboldengre yaka. Doleske moukas lo o Paules an o stilepen.

Bičepangre 28:20

Kava kamom t'menge te penell. Doleske dom t'men gole, te venn pash mande. Mer bibolde dikah ap ko dives, kay o Devel koles bičrella, kay anell o Israel dran i bibarht vin. Ap koleste patsau me. Doleske hom kanna pandlo kol shellentsa.”

Bičepangre 3:13

Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell.

Bičepangre 4:27

Čačepah, yon van lauter an kava foro khetne: O Pilato, o Herodes, i Remarya, oun i tsele bibolde dran boud themma. Yon hi rhoyemen ap tiro boudepaskro Yezous, kay toutar vas. Koles rodal tou vin, maro Devel, te vell lo baro ray.

Bičepangre 9:2

oun mangas kolestar lila, te nay djal lo an i biboldengre kangria an o foro Damaskus, te nay taprell yob kote kolen, morshen har djouvyen, kay ap o Yezouseskro drom djana, te anell lo len an o foro Yerusalem.

1. Timoteo 6:13

Me penau touke glan o Debleste, kay krell lauter djido, oun glan o Yezous Kristo, kay penas o čačepen glan o Pontio Pilato:

2. Timoteo 2:9

Koleske lau douka ap mande. Yon pandan man an o stilepen, har te voms i marepaskro. Ninna te pandan le man an o stilepen, nay pandenn yon gar o Debleskro lab.

Hebrearja 13:3

Ma bistrenn kolen, kay hi an o stilepen. Denn lende kova, hoy len hounte vell djipaske, yaake har te vans t'mer kolla, kay stildo hi! Avenn ninna kolenge koy, kay van palla lino oun lan dava. Avenn lenge yaake koy, har vans t'mer kolla, kay van palla lino oun lan dava.

Čačepangre 15:12

Yon penan ap leste: “Mer ham kay, te pandas tout, oun te das tout an i vasta i Filistarendar.” Oun o Simson penas ap lende: “Denn t'men sovel, te perenn gar t'mer pral mande oun denn man temerl.”