Mateo 27:1 - O Debleskro Lab 2024 (Sinte-Manouche)

¹ Sik taysarlake van i tsele bare rashaya oun i biboldengre phoureder khetne. Oun khetne kran le vin, te marenn le o Yezouses.

O Debleskro Drom 2021 (Sinte)

¹ Sik taissarlake wan i tsele bare rashaja un i biboldengre phureder khetne. Un khetne kran le win, te marenn le o Jesuses.

Mateo 27:1 Iomraidhean Croise

Debleskri gili 2:2

I bare raya ap kay phoub stakrenna pre, oun i pralstoune beshenn khetne, oun krenn vin, har nay hadenn le pen pral o baro Debleste oun pral koleste, kones yob vin rodas.

Debleskri gili 31:13

Boud bistran man, har te voms moulo oun paskedo. Lenge hom har i phagedo čaro, hoy krik vitsedo vas.

Debleskri gili 71:10

Kolla, kay mange čilačepen kamenn, rakrenn pal mande. Kolla, hoy kamenn mange o djipen te lell, rakrenn khetne,

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Markus 15:1

Sik taysarlake van i bare rashaya oun i biboldengre phoureder oun čačepangre khetne i tsele pralstoune biboldentsa. Oun yon rakran khetne, hoy te krenn le o Yezouseha. Oun yon pandan les, anan les pash o Pilateste oun dan les an leskre vasta.

Louka 13:1

An ko tsiro van menshe pash o Yezouseste, oun penan leske kol morshendar dran o them Galilea, kay an o Debleskro baro kheer firhen o Debleske maran. Oun o Pilato maras kol menshen. Oun o menshengro rat oun o firhengro rat vas lauter khetne.

Louka 22:66

Oun har o dives vas, moukan i biboldengre phoureder, i bare rashaya oun i čačepangre o Yezouses pash pende te anell.

Johanni 18:28

Kanna anan le o Yezouses dran o Kayafeskro kheer vin, oun anan les an o baro kheer o themeskro rayestar, kay i Remari his. His taysarlake. I bibolde djan gar leha an ko baro kheer dren, te venn le gar pale-čiddo. Yon kaman te nay rhan le ko rhapen ap ko baro dives, kay kharella Passa.

Bičepangre 5:21

Har yon kova shounan, djan yon taysarlake an o Debleskro baro kheer oun sikran i menshende o Debleskro drom. Ko baro rashay oun kolla, kay pash leste his, dan i pralstoune bibolden khetne gole, ninna i tsele phoureden an o them Israel. Oun yon bičran i klisten an o stilepen, te anenn le len glan lende.

Čačepangre 16:2

Oun i menshe an Gaza shounan, kay hi o Simson pash lende. Oun yon čivan pen troul koy platsa čorrhanes pash o foreskro voudar, te nay taprenn le les. I tseli rat rikran le pen pale oun penan penge: “Mer rikrah men pale, bis te o kham pre djala, oun palle dah les moulo.”

1. Samuel 19:11

An koy rat bičras o Saul lourden pash o Davideskro kheer, te denn le yak, te nashell lo gar peske, oun te denn le les moulo taysarlakro. Oun leskri romni, i Mikal, penas leske kova oun penas: “Te nasheh tou gar kay rat, palle denn le tout taysarlakro moulo.”