Mateo 26:63 - O Debleskro Lab 2024 (Sinte-Manouche)

⁶³ O Yezous penas či. Pale penas o baro rashay ap leste: “Glan o djido Devel, pen menge: Hal tou ko baro ray, kolestar o Devel penas, te vell yob? Hal tou o Debleskro čavo?”

O Debleskro Drom 2021 (Sinte)

⁶³ O Jesus penas tchi. Pale penas o baro rashai ap leste: “Glan o djido Dewel, pen menge: Hal tu ko baro rai, kolestar o Dewel penas, te well job? Hal tu o Debleskro tchawo?”

Mateo 26:63 Iomraidhean Croise

1. Rajengro liil 22:16

Kote penas o baro ray ap leste: “Kitse kope dap man sovel, te peness tou mange o čačepen an o lab o baro Deblestar!”

2. Familjakro liil 18:15

Kote penas o baro ray ap leste: “Kitse kope dap man sovel, te peness tou mange o čačepen an o lab o baro Deblestar!”

Debleskri gili 42:2

Har i vesheskri bouzyat bari troush hi pal shila pani, yaake nashell miro dji pal toute miro Devel.

Gosewe laba 29:24

Kova, kay djal khetne yekeha, kay čorell, činell pes an peskro mass: yob djinell, o praasepen hounte vals ap leste, te penell lo či. Oun yob kamell či te penell.

Jesaja 53:7

Yob vas phares dino, oun rikras kova vin, oun das kek gole. Har sau terno bakro his lo, koles yek koy anella te vell lo maredo. Oun har sau bakro, hoy gar gole dell, te venn lestar i balla tele činlo. Yaake kras yob peskro mouy gar pre.

Daniel 3:16

Oun o Shadrak, o Meshak oun o Abed-Nego penan ap o baro rayeste Neboukadnezar: “Mer hounte penas touke kate či!

3. Mose 5:1

Te vell yek glan i čačepangre anlo, te penell lo, hoy lo dikas oun shounas, oun yob rikrell kova peske, oun penell či, ninna te dikas oder shounas lo, hoy koy his. Palle anas lo i doosh ap peste oun hounte hidjrell lat.

Mateo 16:16

Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

Mateo 26:62

Oun o baro rashay stas pre oun poučas o Yezousestar: “Peneh tou či ap kova, hoy yon ap toute pre anan?”

Mateo 27:12

Oun i bare rashaya oun i biboldengre phoureder anan doosh ap leste pre. O Yezous penas či.

Mateo 27:14

O Yezous penas či, kek lab. Oun o Pilato kras čačepah bare yaka.

Mateo 27:40

Oun yon penan ap o Yezouseste: “Tou kamal o Debleskro baro kheer tele te phagell, oun an triin divessa pale pre te čivell. Tou te hal o Debleskro čavo, kre touke, hoy kral i vavarenge oun ab kava troushelestar tele!”

Mateo 27:43

Yob patsas o Debles, oun penas: Me hom o Debleskro čavo. Te kamell o Devel les o djiyestar, mou vell lo, oun lell les kanna kava troushelestar tele!”

Mateo 27:54

Ko pralstouno lourdo oun kol vavar, kay khetne leha ap o Yezouseste yak dan, kolla dikan, te vas i phoub trisslemen, oun hoy lauter koy djas. Koy tapras len i bari daar. Oun yon penan: “Kava morsh his čačepah o Debleskro čavo.”

Mateo 4:3

Koy vas o beng pash leste, oun penas: “Te hal tou o Debleskro čavo, rake ap kol barra, te vell lendar maro!”

Markus 14:61

Oun o Yezous penas či. Pale poučas o baro rashay lestar: “Hal tou ko baro ray, kolestar o Devel penas, te vell yob? Hal tou o čavo o baro Deblestar?”

Johanni 1:34

Me dikom kova halauter. Doleske nay penau me ninna: Kava morsh hi o Debleskro čavo.”

Johanni 1:49

“Sikepaskro,” penas o Natanael, “tou hal o Debleskro čavo. Tou hal o baro ray pral Israel.”

Johanni 10:24

Koy van i pralstoune bibolde troul leste oun penan: “Har rah kameh tou menge gar te penell, koon tou hal? Tou te hal ko baro ray, kolestar o Devel penas, te vell yob, yaake pen menge kova an o mouy!”

Johanni 10:30

Me oun o dad ham yek.”

Johanni 10:36

Man hi o dadeskro vast. Oun miro dad bičras man ap kay phoub. Me te penau, kay hom o Debleskro čavo, har nay penenna t'mer ap mande: Tou kreh, har te vess o Devel?

Johanni 18:37

Poučas o Pilato lestar: “Hal tou čačepah i baro ray?” Penas o Yezous: “Ava, hi yaake har tou penal. Me hom i baro ray. Me vom boldo ap kay phoub, te penap o čačepen. Koon an o čačepen tardo hi, kova shounell ap mande.”

Johanni 19:7

“Pal maro biboldengro čačepen hounte vell lo moulo dino,” penan i bibolde ap o Pilato. “Yob penas, kay hi lo o Debleskro čavo.”

Johanni 19:9

Yob djas pale an peskro kheer oun poučas o Yezousestar: “Kay veh tou?” O Yezous penas či koy pre.

Johanni 20:31

Kava vas činlo, te patsenn t'mer, kay o Yezous ko baro ray hi, kolestar o Devel penas, te vell yob. Yob hi o Debleskro čavo. Oun te patsenn ap leste, lenn t'mer o čačo djipen lestar.

Johanni 6:69

Mer patsah oun djinah, tou veh o Deblestar. O Devel bičras tout.”

Johanni 8:25

“Pen menge, koon tou hal!” penan yon ap leste. Penas o Yezous: “Me penom t'menge kova yaake boud kope.

2. Korintarja 1:19

O Debleskro čavo, o Yezous Kristo, kolestar o Silvano, o Timoteo oun me t'menge penam, yob rikras ninna peskre laba. Lauter hi čačo, hoy yob penas.

1. Petro 2:23

Te čingran le ap leste, čingras yob gar pale. Te dan le les, das lo len gar trad. Na-a, yob čivas pes an o Debleskre vasta. Oun o Devel hi o čačepaskro ray, kay djal pal o čačepen.

1. Samuel 14:24

O Saul das i Israelitaryen trad oun penas: “Bibarht pral koleste, kay rhal kava dives, yaake rah o kham gomme gar tele djas, oun me gar kolen lauteren pale dom, kay kaman man te marell.” Doleske his i morshen dran Israel bouder kek zoor i bokatar, oun o marepen vas lenge phares.

1. Samuel 14:28

Yek kol lourdendar penas leske: “Tiro dad das pes sovel oun das men trad oun penas: Bibarht te vell pral hakeneste, kay kava dives čomone rhal! Oun yaake his i morshen kek zoor bouder.”