Mateo 26:61 - O Debleskro Lab 2024 (Sinte-Manouche)

⁶¹ oun penan: “Kava morsh penas, te nay phagell lo o Debleskro baro kheer tele, oun te nay čivell lo les an triin divessa pale pre.”

O Debleskro Drom 2021 (Sinte)

⁶¹ un penan: “Kau mursh penas, te nai phagell lo o Debleskro baro kheer tele, un te nai tchiwell lo les an triin diwessa pale pre.”

Mateo 26:61 Iomraidhean Croise

1. Mose 19:9

Yon dan gole: “Dja touke! Tou hal i vi-themari oun kameh tout ray pral mende te krell. Kanna shoun, mer kamah touha djoungleder koova te krell har kolentsa, kay pash toute an o kheer hi.” Oun yon djan ap o Lot pengri tseli zoryah, oun kaman o voudar pre te phagell.

1. Rajengro liil 22:27

oun pen lenge: Kava penell o baro ray: Čivenn koles an o stilepen, oun denn les gar boud maro te rhal, oun gar boud pani te piyell, bis te vau me sasto dran o kourepen pale.”

2. Rajengro liil 9:11

Oun har o Yehou vin djas pash kol menshende leskro rayestar, poučan le lestar: “Hi čomone? Hoske vas ko dinelo pash toute?” “Či”, penas yob. “T'mer prindjrenn kol morshes, kova rakrell dinelo koova.”

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Jesaja 53:3

I menshe dikan tele ap leste, oun čivan les ap i rig. I morsh pherde douka oun nasslepen his lo. I grerho his lo lenge, glan koleste yon pengro shero krik rissran. Oun menge his lo či-moldo.

Mateo 12:24

Har i Farisarya kova shounan, penan le: “O pralstouno beng das les i zoor. Dran kova nay tradell yob i bengen vin.”

Mateo 26:62

Oun o baro rashay stas pre oun poučas o Yezousestar: “Peneh tou či ap kova, hoy yon ap toute pre anan?”

Mateo 26:71

Oun yob djas vin pash o baro voudar glan ko kheer. Kote dikas les i vavar boudepaskretsa. Oun koya penas ap kolende, kay kote tardo hi: “Kova hi ninna yek kolendar, kay his o Yezouseha dran Nazaret khetne.”

Mateo 27:40

Oun yon penan ap o Yezouseste: “Tou kamal o Debleskro baro kheer tele te phagell, oun an triin divessa pale pre te čivell. Tou te hal o Debleskro čavo, kre touke, hoy kral i vavarenge oun ab kava troushelestar tele!”

Mateo 27:5

Koy vitsras lo kol triyanda roupene beme an o Debleskro baro kheer, nashas lendar, čivas i dori troul peskri meen, oun tassras pes.

Markus 14:58

“Mer shounam, har yob penas: Me phagau kava Debleskro baro kheer tele, hoy i menshe pengre vastentsa kran. Oun an triin divessa krau i vavar Debleskro baro kheer, hoy kek menshe pengre vastentsa kran.”

Markus 15:29

Oun kolla, kay kote pashel van, sikran i goushteha ap leste, oun praasan les, oun penan: “Tou kamal o Debleskro baro kheer tele te phagell, oun an triin divessa pale pre te čivell.

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Johanni 9:29

Mer djinah, kay o Devel o Moseha rakras. Konestar kava vella, djinah mer gar.”

Bičepangre 17:18

Mank lende his ninna sikle morsha, kay kharan Stoykarya oun Epikurarya. Kolla čingran leha. Har rakras o Paulo pral o Yezouseste, oun penas, kay kras o Devel o Yezouses i moulendar djido, penan le: “Hoy kamell ko dinelo rakepaskro te penell?” Vavar penan: “Yob rakrell pral vavar deblende, kolen mer gar prindjrah.”

Bičepangre 18:13

oun penan koleske: “O Mose sikras men, har mer hounte mangas o Debles an. Oun kanna vell kava morsh oun penell menge, te mangas mer o Debles vavarčandes an.”

Bičepangre 22:22

Har kol tsele menshe o Pauleskre laba shounan, dan le lauter gole: “Anenn les krik oun denn les moulo!”